އުލިގަމު ސްކޫލްގައި 8 ކުލާސްރޫމާއި އިތުރު އިމާރާތްތަކެއް އެޅުމަށް ހަވާލުކޮށްފި
މި މަސައްކަތް މައިކްރޯން ޕްރައިވެޓް ލިމިޓެޑާ ހަވާލުކޮށްފައިވަނީ 365 ދުވަހުގެ ތެރޭގައި ނިންމާގޮތަށް
އުލިގަމު ސްކޫލްގައި އިމާރާތްކެއް އެޅުމުގެ އެއްބަސްވުމުގައި ސޮއިކުރުން
ހއ. އުލިގަމު ސްކޫލުގައި 8 ކްލާސްރޫމާއި, ސައިންސްލެބާއި، ސްކޫލްގެ ވަށާ ފާރުގެ އިތުރުން އޭވީ ރޫމް އިމާރާތުގެ މަސައްކަތް ހަވާލުކޮށްފިއެވެ.
މި މަސައްކަތް ހަވާލުކުރެވިފައިވަނީ މައިކްރޯން ޕްރައިވެޓް ލިމިޓެޑާއެވެ. އެގޮތުން ފެބްރުއަރީ 1ވީ އަންގާރަ ދުވަހު މިނިސްޓްރީ އޮފް އެޑިޔުކޭޝަނާ މައިކްރޯން ޕްރައިވެޓް ލިމިޓެޑާ ދެމެދު ވަނީ އެއްބަސްވުމެއްގައި ސޮއި ކޮށްފައެވެ. މިއެއްބަސްވުމުގައި މިނިސްޓްރީ އޮފް އެޑިޔުކޭޝަންގެ ފަރާތުން ސޮއިކުރެއްވީ މިނިސްޓަރ އޮފް އެޑިއުކޭޝަން ޑރ. އާއިޝަތު އަލީއެވެ. އަދި މައިކްރޯން ޕްރައިވެޓް ލިމިޓެޑްގެ ފަރާތުން ސޮއިކުރެއްވީ އެ ކުންފުނީގެ ޗީފް އެގްޒެކެޓިވް އޮފިސަރ މުހައްމަދު ނައިހް ނަޖީބްއެވެ.
މި މަސައްކަތް މައިކްރޯން ޕްރައިވެޓް ލިމިޓެޑާ ހަވާލުކޮށްފައި ވަނީ، 12,506,172.58 (ބާރަ މިލިޔަން ފަސް ލައްކަ ހަހާސް އެއްސަތޭކަ ހަތްދިހަ ދެރުފިޔާ ފަންސާސް އަށްލާރި)އަށް, 365 ދުވަހުގެ ތެރޭގައި ނިންމާގޮތަށެވެ.
