ދިގުރަށުގެ ކަރަންޓު ކެޕޭސިޓީ އިތުރުކޮށްފި
22 ޖެނުއަރީ 2022 | ހޮނިހިރު 02:57މި ޖަނަރޭޓަރު ސެޓް ބޭނުންކުރަން ފަށާފައިވަނީ ބުރާސްފަތި ދުވަހު
ތޯހިރާ އަޒްހާރް | 22 ޖެނުއަރީ 2022 | ހޮނިހިރު 02:57
ދިގުރަށަށް ގެންގޮސްފައިވާ ޖަނަރޭޓަރު ސެޓް
އދ. ދިގުރަށުގެ ކަރަންޓުގެ ކެޕޭސިޓީ 1,518 ކިލޯވޮޓަށް އިތުރުކޮށްފިއެވެ.
ސްޓެލްކޯއިން ބުނީ ދިގުރަށުގެ ކަރަންޓުގެ ކެޕޭސިޓީ އިތުރުކުރުމަށްޓަކައި ފޮނުވާފައިވާ އައު ޖަނަރޭޓަރުސެޓް ކޮމިޝަންކޮށް، ބުރާސްފަތި ދުވަހު ބޭނުންކުރަން ފަށާފައިވާ ކަމަށެވެ. މި ޖަނަރޭޓަރު ރަސްމީކޮށް ބޭނުންކުރަން ފެށުމަށް ފުރަތަމަ ފަހަރަށް ލޯޑް ދެއްވީ ދިގުރަށު ކައުންސިލްގެ ނައިބް ރައީސް އިބްރާހިމް އަބްދުއްރަހީމެވެ.
މި އައު ޖަނަރޭޓަރު ސެޓާއެކު ދިގުރަށުގެ ކަރަންޓުގެ ކެޕޭސިޓީ 918 ކިލޯވޮޓުން 1،518 ކިލޯވޮޓަށް އިތުރުކުރެވިފައިވާކަމަށް ސްޓެލްކޯއިން ބުނެފައިވެއެވެ.
މި ޖަނަރޭޓަރު ސެޓަކީ ސްޓެލްކޯގެ ސްޓެވޯ ވޯކްޝޮޕުން އެސެމްބަލް ކޮށްފައިވާ އެކުންފުނީގެ ސްޓެވޯ STW600ގެ ޖަނަރޭޓަރު ސެޓެކެވެ.
