ގިބްލަ ޗެކް ކޮށްލަން އަންނަ އާދިއްތަ ދުވަހަކީ ރަނގަޅު ދުވަހެއް!
މެއި 28 ވާ އާދިއްތަ ދުވަހު ކައުބާ އާ ސީދާ ދިމާވާ ގޮތައް އިރު ހުންނާނެ
މުސްލިމުންގެ ގިބްލަ ކަމުގައިވާ ގެފުޅު
ސަމުގާ އާއި ސްމާޓްފޯނުގެ ޒަމާނުގައި މުސްލިމުންނަށް ގިބްލަ ބަލާލުމަކީ މިއަދު މާ އުނދަގޫ ކަމެއް ނޫނެވެ. ނަވަމެސް ޒަމާނީ ވަސީލަތްތަކާ ނުލާ ގިބްލަ ޔަގީންކޮށްލަން ބޭނުންވާ ފަރާތްތަކަށް އަންނަ އާދިއްތަ ދުވަހަކީ މުހިންމު ދުވަހެކެވެ.
މޭ މަހުގެ 28 ވާ އާދިއްތަ ދުވަހު މެންދުރު މާލޭ ގަޑިން މެންދުރުން އަނބުރާ 2:18 ގައި އިރު ހުންނާނީ ގެފުޅަށް ސީދާ ދިމާވާ ގޮތަށް މަތީގައެވެ. އެހެން ކަމުން އެއީ ގެފުޅުގެ މިސްރާބު ދެނެގަތުމަށް މުސްލިމުންނަށް ލިބޭ ވަރަށް ރަނގަޅު ފުރުސަތެކެވެ.
އިރުގެ ހިނގުމަށް ބަލާ ގިބްލަ ދެނެގަތުމަށް ހަދާނެ ގޮތަކީ ބިމަށް ވަޑިފަތިވާ ގޮތައް ދަނޑިގަނޑެއް ޖެހުމަށްފަހު ދަނޑިގަނޑުގެ ހިޔަންޏަށް ބަލަމުން ގެންދާނީއެވެ. ދަނޑިގަނޑުގެ ހިޔަނީގެ މިސްރާބު އަންގައިދެނީ ގިބްލައެވެ.
ކައުބާއަށް ސީދާ ދިމާވާ ގޮތައް އިރު ހުންނަނީ އަހަރަކު ދެ ދުވަހުއެވެ.
