އަންހެނުންގެ މިނިސްޓްރީއަކީ "ގައިޑެންސް މިނިސްޓްރީ ކަމުގައި ތާލިބާނުން ހަމަޖައްސައިފި
19 ސެޕްޓެމްބަރު 2021 | އާދީއްތަ 03:45ވާލްޑް ބޭންކްގެ 100 މިލިއަން ޑޮލަރުގެ ޕްރޮޖެކްޓްގެ ބައިވެރިންވެސް ވަނީ އިމާރާތުން ބޭރުކޮށްފައި
އަފްޣާނިސްތާނުގައި އަންހެނުން ކުރި މުޒާހަރާ ތެރެއިން
އަންހެނުންގެ މިނިސްޓްރީއަކީ "ގައިޑޭންސް މިނިސްޓްރީ ކަމުގައި ތާލިބާނުން ހަމަޖައްސައިފިއެވެ.
އަފްއާނިސްތާނުގެ ކުރީގެ ވެރިކަމުގައި، އަންހެނުންގެ މިނިސްޓްރީ ހިންގި އިމާރާތަކީ އެގައުމުގައި މިހާރު "ގައިޑެންސް މިނިސްޓްރީ" ކަމަށް ހަޖައްސާ، އެ އިމާރާތުގައި މަސައްކަތް ކުރަމުންދިޔަ ވާލްޑް ބޭންކުގެ މުވައްޒަފުން އެ އިމާރާތުން ވަނީ ނެރެފައެވެ. މިއީ ތާލިބާން ޖަމާއަތުގެ ބާރުގެ ދަށަށް އަފްއާނިސްތާނުގެ ވެރިރަށް ކާބުލް ގެނައިފަހުން، އަންހެނުންގެ ހައްގުތައް ހިފެހެއްޓުމަށް ގެނައި ބަދަލެއްކަމަށް ގިނ ބަޔަކު ދަނީ ބުނަމުންނެވެ. މިކަމާ ގުޅުގެން އަންހެނުންގެ މިނިސްޓްރީ ބޭރުގައި ވަނީ މުޒާހަރާވެސް ކޮށްފައެވެ. މި މުޒާހަރާގައި ވަޒީފާ ގެއްލުނު ބައެއް އަންހެން މުވައްޒަފުންވެސް ބައިވެރިވިއެވެ.
އަންހެނުންގެ މިނިސްޓްރީގެ ދަށުން ހިންގަމުން ގެންދިޔަ ވާލްޑް ބޭންކްގެ 100 މިލިއަން ޑޮލަރުގެ ޕްރޮޖެކްޓްގެ ބައިވެރިންވެސް ވަނީ އެ އިމާރާތުން ބޭރުކޮށްފައެއްވެ.
ތާލިބާން ޖަމާއަތުން އަފްއާނިސްތާނުގައި ސަރުކާރެއް އުފައްދާ އެޖަމާއަތުގެ ވެރިކަމެއް ފެށިފަހުން، އެގައުމަށް ދަނީ، ރައްކާތެރިކަމުގެ ގޮތުންނާއި އަދި އިގްތިސާދީ ގޮތުންވެސް ބޮޑެތި ގޮންޖެހުންތަކާ ކުރިމަތިވަމުންނެވެ. އަދި އައިސިސް ހަގުރާމަވެރިންގެ ފަރާތުން ކުރިމަތިވާ ގޮންޖެހުންތަކުގެ ސަބަބުން، ތާލިބާން ޖަމާއަތުން އުފައްދާފައިވާ ސަރުކާރަށް އިތުރުން ދަތިތަކާ ކުރިމަތިވެގެން ދާނެކަމަށް ބޮޑެތި ގައުމުތަކުންދަނީ ބުނަމުންނެވެ.
މީގެ 20 އަހަރުކުރިން، އެގައުމުގައި ތާލިބާން ޖަމާއަތުން ވެރިކަން ކުރިއިރު، އަންހެނުން ތައުލީމު އުނގެނުން މަނާކޮށް، އަދި އާންމު ތަންތަނުގައި އަންހެނުން އުޅުންވެސް އެޖަމާއަތުން އޮތީ މަނާ ކޮށްފައެވެ.
