އަންހެނުންގެ ހައްގުތައް ދޭނެ ކަމަށްބުނެ ޠާލިބާނުންވެފައިވާ ވައުދާ އަންނަނީ ޚިލާފުވަމުން
ޠާލިބާނުންވި ވައުދާ އަންނަނީ ހިލާފުވަމުން
ޠާލިބާނުންގެ އުސޫލުތަކާއި ދެކޮޅަށް އަފްޣާންގެ އަންހެން ކަނބަލުން ކުރި މުޒާހަރާގެ ތެރެއިން
އަންހެނުންގެ ހައްގުތައް ދޭނެ ކަމަށްބުނެ ޠާލިބާނުން ވެފައިވާ ވައުދާ ޚިލާފުވަމުން އަންނަ ކަމަށް ޗިލީގެ ރައީސް މިސޭލް ބަޗެލެޓް ވިދާޅުވެއްޖެއެވެ.
އދ. ގެ ހިއުމަން ރައިޓްސް ކައުންސިލްގައި ވާހަކަ ދައްކަވަމުން ޗިލީގެ ރައީސް މިސޭލް ބަޗެލެޓް ވިދާޅުވީ ޠާލިބާނުން އަފްޣާން ހިފުމަށްފަހު އަންހެނުންގެ ހައްގުތަކަށް އުނިކަން ނުގެންނާނެ ކަމަށް ބުނެފައިވާ ކަމަށާއި، އެކަމަކު ފެންނަނީ އެ މަންޒަރެއް ނޫން ކަމަށެވެ. އަދި ޠާލިބާނުން އެކުލަވާލި ކެބިނެޓުގައި އަންހެނަކު ނެތުމުން އަންހެނުންގެ ހައްގުތަކަށް ޠާލިބާނުން އަހަންމިއްޔަތުކަން ނުދޭކަން ހާމަވާ ކަމަށް މިސޭލް ވިދާޅުވިއެވެ.
އަދި މިފަހުން ޠާލިބާނުންގެ އިސް ފަރާތްތަކުން އަންހެނުންގެ އަގު ވެއްޓޭނެހެން ވާހަކަދައްކާފައިވާ ކަމަށް މިސޭލް ފާހަގަކުރެއްވިއެވެ.
މިސޭލް މިހެން ވިދާޅުވިއިރު، ދާދި ފަހުން ވަނީ އަފްޣާންގެ ވެރިރަށް ކާބުލްގައި އެގައުމުގެ އަންހެނުން ނުކުމެ އިހުތިޖާޖު ވެސް ކޮށްފައެވެ. މި އިހުތިޖާޖުގައި ބައިވެރިވި މީހުން ބުނަމުން ގެންދިޔައީ ޠާލިބާނުން އަންހެނުންގެ ހައްގުތައް ހަނިކޮށްފައިވާ ކަމަށާއި، އެކަން ހުއްޓާލުމަށެވެ. އަދި އަންހެނުންނަށް މިނިވަންކަން މަތީ އުޅެވެން ޖެހޭނެ ކަމަށް ބުނެފައިވެއެވެ.
