ކޮރެއަން ޑްރާމާތަކަށް ޝައުގުވެރިވާ ފަރާތްތަކަށް މީޑިއާނެޓުން އުފާވެރި ޚަބަރެއް
ޓީވީއެން ޗެނަލް މުޅި ރާއްޖެއަށް މީޑިއާނެޓްގެ ޗެނަލް 811 އިން ބަލާލެވޭނެ
ޓީވީއެންގެ އެންމެ މަގުބޫލު އެއް ޓީވީ ޑްރާމާ، ކްރޭޝް ލޭންޑިންގ އޮން ޔޫ
ދެކުނު ކޮރެއާގެ އެންމެ މަޝްހޫރު އެއް ޓީވީ ޗެނަލް މިހާރު މީޑިއާނެޓުން ބަލާލެވޭނެކަމަށް އެކުންފުނިން ބުނެފިއެވެ.
މީޑިއާނެޓުން މައުލޫމާތުދޭ ގޮތުގައި ދެކުނު ކޮރެއާގެ ޓީވީ ޗެނަލް "ޓޯޓަލް ވެރައިޓީ ނެޓްވޯކް (ޓީވީއެން)" މިހާރު އެކުންފުނީގެ ކަސްޓަމަރުންނަށް ބަލާލެވޭނެއެވެ. މިއީ ދެކުނު ކޮރެއާގެ އެންމެ މަޝްހޫރު, މުނިފޫހިފިލުވުމުގެ ޕްރޮގްރާމްތައް ގެނެސްދޭ އެއް ޗެނަލެވެ. އެގޮތުން އެގައުމުގެ ރެކޯޑް ބްރޭކިންގ ޑްރާމާތަކުގެ ތެރެއިން ގިނަ އަދަދެއްގެ ޑްރާމާއަކީ ޓީވީއެންގެ ޑްރާމާ ސީރީޒްއެވެ. އަދި ކޮރެއާގެ އެންމެ ހައި ރޭޓެޑް ޑްރާމާތަކުގެ ތެރޭގައި ޓީވީއެންގެ ޑްރާމާތައް ހިމެނެއެވެ. ދުނިޔޭގެ ފެންވަރުގައި ފާހަގަކޮށްލެވޭ މިއުޒިކް ޝޯތަކާއި ލައިފް ސްޓައިލް ޕްރޮގްރާމްތައްވެސް ޓީވީއެން އިން ގެނެސްދޭނެއެވެ.
ޓީވީއެންގެ މަޝްހޫރު ޑްރާމާތަކުގެ ތެރޭގައި "ކްރޭޝް ލޭންޑިން އޮން ޔޫ" އާއި "ރިޕްލައި 1988" އަދި "ގޮބްލިން"އަކީ ދިވެހިންގެ މެދުގައިވެސް ޚާއްސަ މަގުބޫލުކަމެއް ހޯދާފައިވާ ޑްރާމާތަކެކެވެ. މިވަގުތު ޓީވީއެންއިން ދައްކަމުންދާ މަޝްހޫރު ޑްރާމާތަކުގެ ތެރޭގައި "ހޮޓެލް ޑެލް ލޫނާ", "އެކްސްޗޭންޖް", "ހަނީމޫން ޓެވާރން" އަދި "ދަ ސިކްސްތް ސެންސް 2" ފާހަގަކޮށްލެވެއެވެ.
ޓީވީއެން ޗެނަލް މުޅި ރާއްޖެއަށް މީޑީއާނެޓްގެ ޗެނަލް 811 އިން ބަލައިލެވޭނެއެވެ.
މީޑީއާނެޓުން ބުނީ މި ޗެނަލް މަލްޓިސްކްރީން މެދުވެރިކޮށް ކަސްޓަމަރުންގެ ފޯނު އަދި ލެޕްޓޮޕުން ބަލާލެވޭނެ ކަމަށެވެ.
