މީޑިއާނެޓުން އެންޑްރޮއިންޑް ޓީވީ އެޕްލިކޭޝަނެއް ތަޢާރަފްކޮށްފި

މީޑިއާނެޓުން އެންޑްރޮއިޑް ޓީވީ އެޕްލިކޭޝަނެއް ތައާރަފު ކޮށްފި އެވެ.

އެމްއެސްޓީވީގެ ނަމުގައި ތަޢާރަފްކުރި މި އެޕްލިކޭޝަނަކީ މީޑިއާނެޓުގެ 16 ވަނަ އަހަރީ ދުވަހާ ދިމާކޮށް ތަޢާރަފްކުރި އެޕްލިކޭޝަނެކެވެ.

އެމްއެސްޓީވީ އެޕްލިކޭޝަން މެދުވެރިކޮށް ލައިވް ޓީވީ ޗެނަލްތައް ބަލާލުމުގެ އިތުރުން ވީޑިއޯ އޮން ޑިމާންޑް (ވީއޯޑީ) ލައިބްރަރީގައި ހިމެނޭ ފިލްމުތަކާއި ޝޯތައް ބަލައިލެވޭނެ ކަމަސް މީޑިއާނެޓުން ބުނެއެވެ. ވީއޯޑީ ލައިބްރެރީގައި ހިމެނެނީ މީޑިއާނެޓްގެ އޮރިޖިނަލް އެކްސްކްލޫސިވް އުފެއްދުންތަކެވެ. އޭގެތެރޭގައި ރޫމީ އަ ޖަންނަތުއާއި, މަރިޔަމްއާއި, ލަމްސް ކިޗަން ފަދަ އުފެއްދުންތައް ފާހަގަކޮށްލެވެއެވެ.

އެމްއެސްޓީވީ އަކީ ހުރިހާ ކަސްޓަމަރުންނަށްވެސް ހެޔޮއަގުގައި ޗެނަލްތައް ބަލައިލެވޭ ގޮތަށް ތައްޔާރުކޮށްފައިވާ އެޕްލިކޭޝަންއެކެވެ. އެގޮތުން އެމްއެސްޓީވީން ޗެނަލްތައް ބަލައިލުމަށް ޑީކޯޑަރެއް ގަންނާކަށް ނުޖެހެއެވެ.

އެންޑްރޮއިޑް ޔޫއެޗްޑީ ޓީވީ އަށް ޚާއްސަކޮށް އުފައްދާފައިވާ މި އެޕްލިކޭޝަން ގޫގްލް ޕްލޭސްޓޯރުން މިހާރު ޑައުންލޯޑް ކުރެވެން ހުންނާނެ ކަމަށް މީޑިއާނެޓުން މައުލޫމާތުދެއެވެ.

މީޑިއާނެޓްގެ ޚިދުމަތް މިހާރު ބޭނުންކުރާ ކަސްޓަމަރުން, އެމްއެސްޓީވީ އަށް ބަދަލުކުރަން ބޭނުންވާނަމަ އެ ފުރުސަތު ވަނީ ހުޅުވާލާފައެވެ. އެގޮތުން އެމްއެސްޓީވީ ޚިޔާރުކުރާ ކަސްޓަމަރުންގެ ޑީކޯޑަރުތައް އަލުން ގަތުމުގެ އޮފާއެއް ލިބިގެންދާނެ ކަމަށް މީޑިއާނެޓުން ބުނެއެވެ.

މީޑިއާނެޓްގެ އެންޑްރޮއިޑް އެޕްލިކޭޝަން ބޭނުން ކުރުމަށް mstv.medianet.mv އަށް ވެންނެވުމަށްފަހު, ރެޖިސްޓްރޭޝަން ފޯމް ފުރާލުމުން, ޚިދުމަތަށް ރެޖިސްޓާކުރެވޭނެ ކަމަށް މީޑިއާނެޓުން ބުނެއެވެ. އަދި ރެޖިސްޓާ ކުރުމުން, ފައިބާ ނެޓްވޯކް ކަނެކްޝަން ޓީވީއަށް ގުޅައިދީ, ރެޖިސްޓްރޭޝަން ޕްރޮސެސް ފުރިހަމަކުރުމަށް ޓެކްނީޝަނުން ޒިޔާރަތްކުރާނެ ކަމަށް މީޑިއާނެޓުން މައުލޫމާތުދެއެވެ. ކަނެކްޝަން ގުޅައިދިނުމަށް އެއްވެސް ފީ އެއް ނެގުމަށް ހަމަޖެހިފައެއް ނުވެއެވެ.

އެމްއެސްޓީވީ އިން ކުރެވޭ ޚާއްސަ ބައެއް ކަންކަމުގެ ތެރޭގައި ހަތަރު ދުވަސް ކުރީގެ ޕްރޮގްރާމް ބަލައިލުމާއި, ރިމައިންޑާ ސެޓްކުރުމާއި, ރިވައިންޑްކުރުމާއި, ޕްރޮގްރާމް ޕޯސްކޮށް ޕްލޭކުރުން ފާހަގަކޮށްލެވެއެވެ.

އެމްއެސްޓީވީގެ ޚިދުމަތް މިވަގުތު ބޭނުން ކުރެވޭނީ ހަމައެކަނީ މާލެއާއި ހުޅުމާލޭގައި ދިރިއުޅޭ ކަސްޓަމަރުންނަށެވެ.