ފޮޓޯ ގެލަރީ
ސައުތް އޭޝިއަން ގޭމަސްގައި މެޑަލް ހޯދި އެތްލީޓުންނަށް މަރުހަބާކިޔުން
ސަރަހައްދީ އެންމެ ބޮޑު ކުޅިވަރު މުބާރާތް ކަމަށްވާ ސައުތު އޭޝިއަން ގޭމްސްގެ 100 މީޓަރު ދުވުމުން ރަން މެޑަލް ހޯދި ރާއްޖޭގެ އެންމެ ބާރު ދުވުންތެރިޔާ ހަސަން ސާއިދާއި ގޭމްސްއިން ލޯ މެޑަލް ހޯދި އަންހެން ޓޭބަލް ޓޭނިސް ޓީމަށް ހޫނު މަރުހަބާއެއް ވަނީ ކިޔާފަ އެވެ.
ބައިނަލްއަޤުވާމީ އިންސާނީ ހައްގުތަކުގެ ދުވަސް ފާހަގަކުރުން
ބައިނަލްއަޤުވާމީ އިންސާނީ ހައްޤުތަކުގެ ދުވަސް ފަހަގަކުރުމަށް ރަސްމީ ޖަލްސާ ބާއްވާފައިވަނީ އަންގާރަ ދުވަހު ހެނދުނު އެވެ.
މަހާތުމާ ގާންދީގެ މަޤްބަރާއަށް ރައީސް ނަޝީދު ޒިޔާރަތް ކުރެއްވުން
މަޖިލީހުގެ ވަފުދެއް ރަސްމީ ދަތުރުފުޅެއްގައި އިންޑިއާއަށް ކުރައްވަމުން ގެންދަވާ ދަތުރުފުޅުގައި މަހާތުމާ ގާންދީގެ މަޤްބަރާއަށް ރައީސް ނަޝީދު ޒިޔާރަތް ކުރެއްވުން
ދެ މެޗުން ބަލިވެ މުބާރާތުން ކެޓި ނަމަވެސް ފިރިހެން ބާސްކެޓް ޓީމުގެ ފަރާތުން ރަނގަޅު ވާދައެއް
ގްރޫޕް ސްޓޭޖުގައި ކުޅުނު ދެ މެޗުން ބަލިވި ނަމަވެސް ފިރިހެން ބާސްކެޓް ޓީމުގެ ފަރާތުން މުބާރާތުގައި ރަނގަޅު ވާދައެއް ކޮށްފައިވެއެވެ. އެގޮތުން މުބާރާތުގެ ފުރަތަމަ މެޗުގައި ބަންގާޅު އާއި ދެކޮޅަށް ފިރިހެން ޓީމުން ވަނީ މޮޅަށް ކުޅެ މެޗުގެ ހަތަރު ވަނަ ކުއާޓާ އާއި ހަމައަށް ލީޑު ކޮށްފައެވެ. އާދީއްތަ ދުވަހު ނޭޕާލުގެ ސަޕޯޓަރުން ކުރިމަތީ ނޭޕާލްގެ ކުޅުނު މެޗުގައި ވެސް ވަނީ ތަފާތު މޮޅު ކުޅުމެއް ދައްކުވައިފައެވެ.
ގައުމީ އަންހެން ބާސްކެޓް ޓީމު ފުރަތަމަ ފަހަރަށް ބައިނަލްއަގްވާމީ މުބާރާތެއްގެ ސެމީ ފައިނަލަށް
އިންޑިއާ އަތުންވި ބޮޑު ބަލި ހަނދާން ނައްތައިލާ ގައުމީ އަންހެން ބާސްކެޓް ޓީމު އާދީއްތަ ދުވަހު ލަންކާ އާއި ދެކޮޅަށް ކުޅުނު މެޗު ކާމިޔާބުކޮށް ފުރަތަމަ ފަހަރަށް ބައިނަލްއަގްވާމީ މުބާރާތެއްގެ ސެމީ ފައިނަލަށް ދަތުރު ކޮށްފިއެވެ. ލަންކާ އާއި ދެކޮޅަށް ރާއްޖެއިން ކުޅުނު މި މެޗު ކާމިޔާބުުރީ 69 ޕޮއިންޓް 64 ޕޮއިންޓުންނެވ. މި މެޗުގައި ރާއްޖެ ޓީމުގެ ފަރާތުން މޮޅު ކުޅުމެއް ފެނިގެންދިޔައިރު ރާއްޖެއިން ވަނީ ލަންކާ އިން ކުރަމުން ގެންދިޔަ އެޓޭކްތައް ހުއްޓުވައިފައެވެ. މި މެޗު ބައްލަވައިލައްވަން ކުޅިވަރާއި ބެހޭ ވަޒީރު އަހްމަދު މަހްލޫފް ވަނީ ދަނޑަށް ވަޑައިގެންނަވާ ޖޯސާ އެކު ޓީމަށް ހިތްވަރު ދެއްވަވައިފައެވެ.
ޕީޖީގެ މަޤާމަށް ހުސެއިން ޝަމީމް އައްޔަންކުރެއްވުން
ޕްރޮސެކިއުޓަރ ޖެނެރަލްގެ މަޤާމަށް ޙުސައިން ޝަމީމު ޢައްޔަން ކުރައްވައިފި އެވެ. ރައީސުލްޖުމްހޫރިއްޔާގެ އޮފީހުގައި އާދިއްތަ ދުވަހު މެންދުރުފަހު ބޭއްވި ރަސްމިއްޔާތުގައި ހުސައިން ޝަމީމު ޕީޖީގެ މަޤާމަށް އައްޔަން ކުރައްވައި މަޤާމުގެ ލިޔުން ހަވާލު ކޮށްދެއްވީ ރައީސުލްޖުމްހޫރިއްޔާ އިބްރާހީމް މުހައްމަދު ޞާލިހު އެވެ. ޕީޖީގެ މަޤާމަށް ޝަމީމު އައްޔަން ކުރެއްވުމަށް ފެންނަކަމަށް ރައްޔިތުންގެ މަޖިލީހުން ފާސްކޮށްފައިވަނީ ހޮނިހިރު ދުވަހު ބޭއްވި ރައްޔިތުންގެ މަޖިލީހުގެ ޖަލްސާގައި، ވޯޓުގައި ބައިވެރިވެވަޑައިގެންނެވި 74 މެމްބަރުންގެ އަޣްލަބިއްޔަތުން ނެވެ.
އުއްތަމަ ފަނޑިޔާރުކަމަށް މުއުތަސިމް، ސުޕްރީމް ކޯޓުގެ ފަނޑިޔާރުކަމަށް ސުއޫދު އައްޔަންކުރެއްވުން
އުއްތަމަ ފަނޑިޔާރަކަށް ކުރީގެ ސުޕްރީމް ކޯޓުގެ ކުރީގެ ފަނޑިޔާރު އަހުމަދު މުއުތަސިމް އަދުނާނާއި ސުޕްރީމް ކޯޓުގެ ފަނޑިޔާރު ކަމަށް ކުރީގެ ބަންޑާރަ ނައިބު ހުސްނުއް ސުއޫދު، ރައީސް އިބްރާހިމް މުހައްމަދު ސޯލިހް މިއަދު އައްޔަން ކުރައްވައިފި އެވެ. ރައީސް އޮފީހުގައި ބޭއްވި ރަސްމިއްޔާތެއްގައި، އެ ދެ ބޭފުޅުން ފަނޑިޔާރު ކަމަށް އައްޔަން ކުރެއްވި ކަމުގެ ލިޔުން ހަވާލު ކޮށްދެއްވީ ރައީސް އިބްރާހިމް މުހައްމަދު ސޯލިހެވެ. އިއްޔެ ބޭއްވި ރައްޔިތުންގެ މަޖިލިހުގެ ތިން ވަނަ ދައުރުގެ ފަހު ޖަލްސާގައި އުއްތަމަ ފަނޑިޔާރު ކަމަށް މުއުތަސިމް އައްޔަން ކުރަން ފާސްވީ 68 މެމްބަރުންގެ އިއްތިފާގުންނެވެ. ސުއޫދު، ސުޕްރީމް ކޯޓުގެ ފަނޑިޔާރަކަށް އައްޔަން ކުރަން 64 މެމްބަރުން ވޯޓު ދެއްވި އިރު، އޭނާއާ އައްޔަން ކުރަން ނުފެންނަ ކަމަށް އެއް މެމްބަރަކު ވޯޓު ދެއްވި އެވެ.
މަސްވެރިންގެ ފޯރަމް އިފްތިތާހު ކުރެއްވުން
މަސްވެރިންގެ ފޯރަމް އިފްތިތާހު ކުރެއްވުން
ގިނަ ބަޔަކު ހައިރާން ކޮށްލުމަށްފަހު، ބޫޓާނުން ރާއްޖެ ބަލިކުރުން
ނޭޕާލުގައި މިހާރު ކުރިޔަށްދާ ސައުތް އޭޝިއަން ގޭމްސްގައި ގިނަ ބަޔަކު ހައިރާން ކޮށްލުމަށްފަހު، ބޫޓާނުން ރާއްޖޭގެ މައްޗަށް ކުރި ހޯދައިފިއެވެ. ދަޝްރާތު ސްޓޭޑިއަމްގައި ބުރާސްފަތި ދުވަހު މެންދުރުފަހު ކުޅުނު މެޗުން ރާއްޖޭގެ 23 އަހަރުން ދަށުގެ ފުޓުބޯޅަ ޓީމު ބަލިވީ 2-1 ގެ ނަތީޖާ އަކުންނެވެ. ދެޓީމުގެ ފަރާތުންވެސް އާދައިގެ ކުޅުމެއް ފެނިގެންދިޔަ މި މެޗުގެ ފުރަތަމަ ހާފުގައި ރާއްޖޭގެ ޓީމުން ކުރިޔަށްޖެހި އެޓޭކްކުރަން މަސައްކަތްކުރި ނަމަވެސް ބޫޓާނުން ވަނީ ރާއްޖޭގެ އެޓޭކްތައް ހުއްޓުވައިފައެވެ. އަދި ބޫޓާނުން ދިޔައީ އެޓީމުގެ ހަލުވި ފޯވާޑުންގެ ބޭނުން ހިފައި ކައުންޓާ އެޓޭކްގައި ރާއްޖޭގެ ގޯލަށް ނުރައްކާ ކޮށްފައެވެ. މެޗުގެ ދެވަނަ ހާފުގައި ބޫޓާނުން ބޫޓާނުން ރަނގަޅަށް ކުޅުނުއިރު އެޓީމުން ވަނީ ދެވަނަ ހާފުގެ 53 ވަނަ މިނެޓުގައި ލަނޑު ޖަހާ ލީޑު ނަގައިފައެވެ. މި ލަނޑު އެޓީމަށް ކާމިޔާބު ކޮށްދިނީ ޝިމީ ޑޯޖީ އެވެ. މިއީ ބޫޓާނަށް ލިބުނު ކޯނަރުގެ ބޭނުން ހިފައި އޭނާ ކާމިޔާބުކުރި ލަނޑެކެވެ. މެޗުގައި ބޫޓާނުން ޖެހި ދެވަނަ ލަނޑު މެޗުގެ 85 ވަނަ މިނެޓުގައި އެޓީމަށް ކާމިޔާބު ކޮށްދިނީ މި މެޗުގައި މޮޅުކުޅުމެއް ދެއްކި ޕުބީ ތީންލީ އެވެ. މި ލަނޑު އޭނާ ކާމިޔާބުކުރީ ރާއްޖޭގެ ޑިފެންޑަރުންނަށް ހެދުނު ގޯހެއްގެ ބޭނުން ހިފައިގެންނެވެ.
އެސްއޯއީ ކޮމެޓީއަށް އެމްޓީސީސީގެ އިސްވެރިން ހާޒިރުކުރުން
ބުރާސްފަތި ދުވަހު އެމްޓީސީސީ މަޖިލީހުގެ ސްޓޭޓް އޯވންޑް އެންޓަރޕްރައިޒެސް ކޮމިޓީއަށް ހާޒިރުކުރީ 12 ނޮވެމްބަރުގައި ހިނގާދިޔާ ނުރައްކާތެރި އެކްސިޑެންޓާ ގުޅިގެން އެ ކުންފުނިން ދޭ ޚިދުމަތް ދިނުމުގައި ކަނޑައަޅާފައިވާ އުސޫލުތަކަށް އަމަލު ކުރަމުން ދޭތޯ އަދި އެކަން ހިންގާފައިވާ ގޮތް ބެލުމަށެވެ.
ކުޅުނު ދެވަނަ މެޗުންވެސް ފިރިހެން ފުޓްބޯޅަ ޓީމު އެއްވަރުވުން
ސައުތު އޭޝިއަން ގޭމްސްގައި ރާއްޖޭގެ ފިރިހެން ގައުމީ ފުޓްބޯޅަ ޓީމުން ކުޅުން ދެވަނަ މެޗުންވެސް އެއްވަރުވެއްޖެއެވެ. ފިރިހެން ޓީމު އަންގާރަ ދުވަހު ނިކުތީ ބަންގްލަދޭޝާ ދެކޮޅަށެވެ. މި މެޗު ނިމިފައިވަނީ 1-1 ގެ ނަތީޖާއަކުންނެވެ. މި މެޗުގެ ލީޑް ބަންގްލަދޭޝުން ނަގާފައިވަނީ ފުރަތަމަ ހާފުގައި، 20 ވަނަ މިނެޓުގައެވެ. އެއީ އަކްރަމް ޣަނީ ބައިކޮޅަށް ޖެހި ލަނޑެކެވެ. ފުރަތަމަ ހާފު ނިމިފައިވަނީ 1-0 ގެ ނަތީޖާއަކުން ބަންގްލަދޭޝް ކުރީގައި އޮވެގެންނެވެ. ނަމަވެސް، ދެ ވަނަ ހާފުގެ 70 ވަނަ މިނެޓްގައި އިބްރާހިމް ހަސަންގެ ލަނޑަކާ އެކު މެޗް އެއްވަރުވިއެވެ.
ރާއްޖޭގެ އަންހެން ޓީމްއަތުން ބޮޑު ނަތީޖާއަކުން އިންޑިއާ މޮޅުވުން
ސައުތު އޭޝިއަން ގޭމްސްގައި ރާއްޖޭގެ އަންހެން ފުޓްބޯޅާ ޓީމާ ބައްދަލުކޮށް ބޮޑު ނަތީޖާއަކުން އިންޑިއާ މޮޅުވެއްޖެއެވެ. އަންގާރަ ދުވަހު ކުޅުނު މެޗަކީ މި މުބާރާތުގައި ރާއްޖޭގެ އަންހެން ޓީމް ކުޅުނު ފުރަތަމަ މެޗަށްވާއިރު، މި މެޗް އިންޑިއާއިން ކާމިޔާބުކުރީ 5-0 ގެ ނަތީޖާއަކުންނެވެ. މެޗް ފަށައިގެން ފަސް ވަނަ މިނިޓްގައި، ގްރޭސް ޑަންގްމަލްގެ ލަނޑަކާއެކު އިންޑިއާއިން ލީޑް ނަގާފައިވާއިރު، ފުރަތަމަ ހާފް ނިމުމުގެ ކުރިން އިތުރު ތިން ލަނޑު އިންޑިއާއިން ޖަހާފައިވެއެވެ. އެއީ، 24 ވަނަ މިނިޓާއި 33 މިނިޓުގައި ދޭވީ ނަންގޮމް ކާމިޔާބު ކުރި ގޯލްތަކެވެ.
ސައުތް އޭޝިއަން ގޭމްސްގައި ރާއްޖެއިން ހޯދި ފުރަތަމަ ރަން މެޑަލް އާއި އެކު ސާއިދު ތާރީހުގެ ތެރެޔަށް
މިއީ މި އަހަރުގެ ސައުތު އޭޝިއަން ގޭމްސްގައި ރާއްޖެއިން ރަން މެޑަލްއެއް ހޯދި ފުރަތަމަ ފަހަރު އެވެ. އަދި ސައުތު އޭޝިއަން ގޭމްސްގެ ތާރީހުގައިވެސް ރާއްޖެއަށް ރަން މެޑަލްއެއް ލިބުނު ފުރަތަމަ ފަހަރު އެވެ. ސާއިދު ފައިނަލް ކާމިޔާބުކުރީ 10.49 އިން ރޭސް ނިންމައިގެންނެވެ. ސާއިދު އާއި އެންމެ ގާތުން ވާދަކުރީ ސްރީލަންކާގެ ދުވުންތެރިޔެކެވެ. އޭނާއަށް ރޭސް ނިންމާލެވުނީ 10.50 އިންނެވެ.
ފެނަކަ ކޯޕަރޭޝަންގެ އިންޖިނިޔަރުންގެ މަހާސިންތާ
ފެނަކަ ކޯޕަރޭޝަންގެ އިންޖިނިޔަރުންގެ މަހާސިންތާ
ކުރީގެ ރައީސް ޔާމިން ޝަރީއަތައް ހާޒިރުކުރުން
ކުރީގެ ރައީސް ޔާމިން ޝަރީއަތައް ހާޒިރުކުރުން
އިލެކްޝަންސް ކޮމިޝަންގެ މެމްބަރުންނާއެކު މަޖިލީހުގެ ކޮމެޓީތަކުން ބޭއްވި ބައްދަލުވުން
މި ބައްދަލުވުމުގައި ރައްޔިތުންގެ މަޖިލީހުގެ ތިން ކޮމެޓީއެއް ބައިވެރިވެފައިވެއެވެ. އެއީ މިނިވަން މުއައްސަސާތަކުގެ ކޮމެޓީއާއި, ލާމަރުކަޒީ ކޮމެޓީގެ އިތުރުން، ހިއުމަން ރައިޓްސް އެންޑް ޖެންޑަރ ކޮމެޓީ އެވެ.
ދޮޅު މިލިއަން ވަނަ ފަތުރުވެރިޔާ ރާއްޖެ އައުން ފާހަގަ ކުރުން
ދޮޅު މިލިޔަން ވަނަ ފަތުރުވެރިޔާ ރާއްޖެ އައުން ފާހަގަކުރަން ވެލާނާ އިންޓަރނޭޝަނަލް އެއަރޕޯޓުގައި ބޭއްވި ރަސްމިއްޔާތު
ކޮސްޕްލޭ ގޭމިންގް ކޮންވެންޝަން
ނެޝަނަލް އާޓް ގެލަރީ ގައި ބޭއްވި ކޮޒްޕްލޭ ގޭމިންގް ކޮންވެންޝަން
ހިބަރުވަދު ޖަލްސާ
ޕީޕީއެމް ޕީއެންސީ އިން ގުޅިގެން ބޭއްވި ޖަލްސާގެ ތެރެއިން
ވޯލްޑް ކަޕް ކޮލިފައިން: ރާއްޖެ އަދި ގުއާމް ބައްދަލުކުރި މެޗު
ވޯލްޑް ކަޕް ކޮލިފައިންގައި ރާއްޖެއިން ވަނީ 1-3 ގެ ނަތީޖާއަކުން ގުއާމް ބަލިކޮށް ގްރޫޕްގެ ދެވަނަ މޮޅު ހޯދާފައެވެ. މި މެޗުގައި ރާއްޖެއަށް ލަނޑުތައް ކާމިޔާބުކޮށްދިނީ އަލީ އަޝްފާގު (ދަގަނޑޭ) އާއި ސަމޫހް އަލީ (ސަމުއްޓެ) އެވެ. އަނެއް ލަނޑަކީ ގުއާމް ކުޅުންތެރިޔެއްގެ އަތުން ބައިކޯޅަށް ވަތް ލަނޑެކެވެ.
23 ވަނަ އެންވާރަމެންޓް އެންޑް ކްލައިމެޓް ޗޭންޖް ކޮމެޓީ
23 ވަނަ އެންވާރަމެންޓް އެންޑް ކްލައިމެޓް ޗޭންޖް ކޮމެޓީ ބައްދަލުވުމުގެ ތެރެއިން
ސިޓީ ކައުންސިލްގެ މެމްބަރުން ހާޒިރުކޮށް، ބޭއްވި ލާމަރުކަޒީ ކޮމެޓީގެ ބައްދަލުވުން
ކޮމެޓީއަށް ސިޓީ ކައުންސިލްގެ މެމްބަރުން ހާޒިރުކުރެވުނީ މާރުކޭޓްގ ެގޮޅިތައްދޫކުރާގޮތުގެ މައުލޫމާތު އޮޅުން ފިލުވުމަށެވެ.
ޑރ. އަފްރާޝީމްގެ މަރުގެ މައްސަލައިގެ ރިޕޯޓާއި ގުޅިގެން ބޭއްވި ސަލާމަތީ ހިދުމަތްތަކުގެ ކޮމެޓީ
ހޯމަ ދުވަހު ބޭއްވި ސަލާމަތީ ހިދުމަތްތަކާއިބެހޭ ކޮމެޓީގެ ބައްދަލުވުމުގައި ކުރިއަށްގެންގޮސްފައިވަނީ ޑރ. އަފްރާޝީމް އަލީގެ މަރުގެ މައްސަލައިގެ ރިޕޯޓާއި ގުޅޭ މައްސަލަ އެވެ.
މިނިވަން މުއައްސަސާތަކުގެ ކޮމެޓީއަށް ޕްލޭނިންގ މިނިސްޓްރީ އާއި ސިވިލް ސާރވިސް ހާޒިރުކުރުން
މިނިވަން މުއައްސަސާތަކުގެ ކޮމެޓީއަށް ހާޒިރުކޮށްފައިވަނީ ޕްލޭނިންގ މިނިސްޓްރީ އާއި ސިވިލް ސަރވިސް ކޮމިޝަން އެވެ.
ދޮށީ އުމުރުގެ މީހުންނާބެހޭ ޤައުމީ އެކްޝަން ޕްލޭން އިފްތިތާޙުކުރުން
ރައީސުލްޖުމްހޫރިއްޔާގެ އަނބިކަނބަލުން މި އެކްޝަން ޕްލޭން އިފްތިތާޙްކޮށްދެއްވީ، ދޮށީ އުމުރުގެ މީހުންނާ ބެހޭ ޤައުމީ އެކްޝަން ޕްލޭން އިފްތިތާޙްކުރުމާއި ޤައުމީ މާމަ، ކާފަ ދުވަސް އިޢުލާންކުރުމުގެ ގޮތުން މިއަދު ހެނދުނު ހޮޓެލް ޖެންގައި ބޭއްވި ޖަލްސާގައެވެ. ދޮށީ އުމުރުގެ މީހުންނާ ބެހޭ ޤައުމީ އެކްޝަން ޕްލޭނަކީ ދޮށީ އުމުރުގެ މީހުންނާބެހޭ ޤައުމީ ސިޔާސަތުގައި އެކުލެވޭ ކަންކަން ތަންފިޒުކުރުމަށްޓަކައި އެކުލަވާލެވުނު އެކްޝަން ޕްލޭނެކެވެ.
ޖޮބް ސެންޓަރުގެ ވެބްސައިޓް އިފްތިތާހުކުރުން
ވަޒީފާ ބޭނުންވާ މީހުންގެ މައުލޫމާތުތަކާއި މާކެޓުގައި ހުރި ވަޒީފާގެ ފުރުސަތުތައް އެނގޭނެ ގޮތަށް ސަރުކާރުން ހެދި ޖޮބް ސެންޓަރުގެ ވެބްސައިޓް މިއަދު އިފްތިތާހު ކޮށްފި އެވެ. ޖެން ހޮޓެލްގައި ބޭއްވި ރަސްމިއްޔާތެއްގައި ވެބްސައިޓް އިފްތިތާހު ކޮށްދެއްވީ ހަޔާ އެޑިއުކޭޝަން މިނިސްޓަރު ޑރ. އިބްރާހިމް ހަސަން އެވެ.
ވޯލްޑްކަޕް ކޮލިފައިން ދިވެހިރާއްޖެ އާއި ފިލިޕީންސް ބައްދަލުކުރި މެޗު
ވޯލްޑްކަޕް ކޮލިފައިން ދިވެހިރާއްޖެ އާއި ފިލިޕީންސް ބައްދަލުކުރި މެޗު ގައި ޕިލިޕިއަންސް އިން ވަނީ 2-1 ލީޑަކުން ދިވެހިރާއްޖޭގެ މައްޗައް ކުރިހޯދާފައެވެ.
ހަކުރުބަލީގެ ދުވަހާއި ގުޅިގެން ބޭއްވި "ލައިފް ސްޓައިލް އިންޓަރވެންޝަން" ޕްރޮގްރާމް
ބުރާސްފަތި ދުވަހު ކަސްޓަމްސް ބިލްޑިންގް ގައި ބޭއްވި ޚާއްސަ ރަސްމިއްޔާތުގައި މި ޕްރޮގްރާމް ފައްޓަވައިދެއްވީ މިނިސްޓަރ އޮފް ޔޫތް ސްޕޯޓްސް އެންޑް ކޮމިނިޓީ އެމްޕަވަރމަންޓް އަހުމަދު މަހޫލޫފެވެ. މި ޕްރޮގްރާމުގެ ސަބަބުން ހަކުރު ބައްޔާއި ބެހޭ ގޮތުން މައުލޫމާތު ދިނުމާއި ހޭލުންތެރިކަން އިތުރުކުރުމާއި، ރާއްޖޭގައި ހަކުރުބަލި އަށާގަނެފައިވާ މިންވަރު ދެނެގަނެވޭނެއެވެ. އަދި މި ބަލިން ރައްކައުތެރި ވުމަށް އެޅޭނެ ފިޔަވަޅު ތަކާއި ގުޅޭ ގޮތުން ވެސް މައުލޫމާތު ހިއްސާކުރެވިގެންދާނެއެވެ.
ވޯލްޑްކަޕް ކޮލިފައިން ދިވެހިރާއްޖެ އާއި ފިލިޕީންސް މެޗުގެ ފަރިތަކުރުންތައް
ވޯލްޑްކަޕް ކޮލިފައިންގައި ރާއްޖެ އާއި ފިލިޕީންސް މެޗުގެ ފަރިތަކުރުންތަކުގެ ތެރެއިން
ވޯލްޑް ކަޕް ކޮލިފައިން: ރާއްޖެ - ފިލިޕިންސް މެޗުގެ ކުރިން ބޭއްވި ނޫސްވެރިންގެ ބައްދަލުވުން
ވޯލްޑް ކަޕް ކޮލިފިކޭޝަންގައި ރާއްޖެ - ފިލިޕިންސް ބައްދަލުކުރާ މެޗުގެ ކުރިން ދެޓީމުގެ ކޯޗުންނާއި، ކެޕްޓަނުން ނޫސްވެރިންނާ ބައްދަލުކޮށް މައުލޫމާތު ހިއްސާކުރުން