ކޮވިޑް-19: އެންމެ ފަހުގެ

ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވީ، ފްރަންޓް ލައިންގައި ހަރަކާތްތެރިވާ ފުލުހުންވެސް ގެއަށް ނުގޮސް މަސައްކަތް ކުރެވޭނެ އިންތިޒާމްތައް ހަމަޖައްސަވާނެ ކަމަށް.

ފުލުހުން މަސައްކަތް ކުރަނީ ފުލުހުންގެ އެލަރޓް ލެވެލް ސްޓޭޓަސް 2 (އޮރެންޖް) ގައި.

ކޮމިޝަނަރ އޮފް ޕޮލިސް މުހައްމަދު ހަމީދު އާއި ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލް ބައިވެރިވެވަޑައިގަތް ނޫސްވެރިންގެ ބައްދަލުވުމުގައި ޝަމާލް ވިދާޅުވީ، މައިގަނޑު ފޯކަސްއެއް ކޮވިޑް އޮޕަރޭޝަނަށް އޮތް ނަމަވެސް މައިގަނޑު ޒިންމާތައް އަދާކުރުމަށް (ޤައުމުގެ ސަލާމަތާއި ދިފާއަށް) އަދި ސެކިއުރިޓީ އޮޕަރޭޝަންތަކަށްވެސް ސަމާލުކަން ކުޑަނުވާނެ ކަމަށް، އަދި އެއްވެސް ބަޔަކު މި ޙާލަތުގެ ނާޖާއިޒް ފައިދާ ނަންގައިވައިގެން ނުވާނެ ކަމަށް، މިސާލެއްގެ ގޮތުން ބުދަ ދުވަހު ޤަސްތުގައި އދ މަހިބަދޫގައި އޮތް ސީއެމްބިއުލާންސަކާއި، ފުލުހުންގެ ވެހިކަލްއަކާއި ކައުންސިލްގެ ވެހިކަލް ހިމެނޭ ގޮތަށް 7 ވެހިކަލްއެއް އަންދާލި ހާދިސާ ކޮމިޝަނަރ އޮފް ޕޮލިސްވެސް ފާހަގަކުރެއްވި.

ކޮވިޑް-19 އާއި ގުޅިގެން ކޮމިޝަނަރ އޮފް ޕޮލިސް މުހައްމަދު ހަމީދު އާއި ޗީފް އޮފް ޑިފެންސް ފޯސް މޭޖަރ ޖެނެރަލް އަބްދުﷲ ޝަމާލް ބައިވެރިވެވަޑައިގެންނެވި ނޫސްވެރިންގެ ބައްދަލުވުމުގައި އެ ފަރާތްތަކުން ވިދާޅުވީ، ޤައުމީ ސަލާމަތަށްޓަކައި ކުރަންޖެހޭ ހުރިހާ މަސައްކަތެއްވެސް ފުލުހުންނާއި ސިފައިން ގުޅިގެން ކުރަމުންދާ ކަމަށް.

އެގޮތުން ސިފައިންވެސް އެލަރޓް ސްޓޭޓަށް ބްލޫ 1 އަށް ގެނެވިފައިވާއިރު، މިއީ ކާރިސާތަކާއި ގުޅިގެން ނެރޭ އެލަރޓެއްކަމަށް ވިދާޅުވި، އަދި ސިފައިން ރައްކާތެރި ކުރުމަށްޓަކައި އަޅަންޖެހޭ ފިޔަވަޅުތަކާ ގުޅޭ ފޯސް ޕްޓޮޓެކްޝަން ޕޮލިސީއާއި، ފޯސް ސަސްޓެއިން ޕޮލިސީ އަދި ފޯސް އިކޮނޮމައިޒޭޝަން ޕޮލިސީއެއް ޤާއިމުކޮށްފައިވާކަމަށް.

ކޮރޯނާވައިރަސް (ކޮވިޑް-19) އަށް ޕޮޒިޓިވްވި ޔުވެންޓަސްގެ މިޑްފީލްޑަރު ބްލައިސް މަޓުއިޑީ އާއި ޑިފެންޑަރު ޑެނިއަލީ ރުގާނީ ރަނގަޅުވެއްޖެ އެވެ.

މި ދެ ކުޅުންތެރިން އެއްކޮށް ރަނގަޅުވެފައިވާ ކަން ޔުވެންޓަސްއިން ވަނީ ހާމަކޮށްދީފައެވެ. މީގެ ތެރެއިން ރުގާނީ އަކީ އިޓަލީން ކޮވިޑް-19 އަށް ޕޮޒިޓިވްވި އެންމެ ފުރަތަމަ ފުޓްބޯޅަ ކުޅުންތެރިޔާއެވެ. އެގޮތުން މިދިޔަ މާޗު މަހުގެ 12 ވަނަ ދުވަހު ރުގާނީ ކޮވިޑް-19 އަށް ޕޮޒިޓިވްވިއިރު، މަޓުއިޑީ ވައިރަހަށް ޕޮޒިޓިވްވީ މާޗު މަހުގެ 18 ވަނަ ދުވަހު އެވެ.

މާލޭގައި ލޮކްޑައުން ކޮށްފައި އޮންނަ ގަޑީގައި ބޭރު ތެރޭގައި އުޅޭނަމަ 14 ދުވަސް ވަންދެން އެމީހަކު ކަރަންޓީން ކުރާނެ ކަމަށް ފުލުހުން ބުނެފިއެވެ.

ޒަރޫރީ ބޭނުމެއްގައި ނޫނީ މާލެ ނައުމަށާއި، އެދެވިގެންވާނަމަ އެންމެ ކައިރި ރަށަކަށް އުޅަނދުތައް ބަނދަރު ކުރުމަށް ފުލުހުން އެދިވަޑައިގެންފި.

ކުންފުނިތަކާއި ވާހަކަ ދެއްކިގެން ކަންކަން ކުރެވޭނެ އިންތިޒާމް ދަނީ ރާވަމުން: ޕޮލިސް

ޒަރޫރީ އެކިއެކި ކަންކަމުގައި ބޭރަށް ދާންޖެހިއްޖެނަމަ ކަން ކުރާނެ އުސޫލަކާއި އަދި ގުޅަންޖެހޭނެ ނަންބަރުތަކެއް ވަރަށް އަވަަހަށް އާންމު ކުރާނަން: ޕޮލިސް

ރޭގަނޑު 7:00 އިން 12:00 އަށް ޑެލިވަރީގެ ހިދުމަތް ދެވޭނެ. ބޭނުން ކުރާނީ ކުރިން ދީފައި އޮތް ފާސް

މުޅި ދުނިޔޭގައި ކޮވިޑް-19 ޖެހުނު މީހުންގެ އަދަދު 2 މިލިއަނަށް އަރައިފިއެވެ.

ތަފާސް ހިސާބުތަކަށް ބަލާ އިރު އެންމެ ގިނައިން ކޮވިޑް-19 ބަލި ޖެހުނު މީހުން ތިބީ އެމެރިކާގައެވެ. އެގައުމުގައި ބަލި ޖެހުނު މީހުންގެ ނިސްބަތް ހުރީ 6 ލައްކައަށްވުރެ މަތީގައެވެ.

ކ. ކާށިދޫއަށް ދިޔައީ ސެކަންޑަރީ ކޮންޓެކްޓެއް ކަމަށާއި، އޭނާ އައިސޮލޭޓް ކުރެވިފައި ނުވޭ: ޑރ. ނަޒްލާ

ފޯން ކޯލް އަދި ވީޑިއޯ މެދުވެރިކޮށް ބަލިމީހުން ބަލާނެ އިންތިޒާމް ހަމަޖެހިފައިވޭ: ޑރ. އަލީ ލަތީފް

ލޮކްޑައުންގެ ހާލަތުގައި އޮތީ ޕޮޒިޓިވްވި މީހާ ޕޮޒިޓިވްވުމުގެ ކުރިން އެކި ތަންތަނަށް ގޮސްފައިވާތީ އެކަން މޮނިޓަރކޮށް ބެލުމަށް. މިހާތަނަށް މަސައްކަތް ކޮށްފައިވަނީ ޕޮޒިޓިވް ކޭސްއެއް ފެނިދާނެކަމަށް ގަބޫލުކޮށްގެން ތިބެ.

މާލެ އެކި ސަރަހައްދުތަކަށް ބަހާލެވިގެންދާނެ. ޕޮޒިޓިވްވާ މީހުންގެ އަދަދު އިތުރުވެއްޖެނަމަ އެކަން ކުރެވޭނެ އިންތިޒާމް ވަނީ ހަމަޖެހިފައި: އަމީން

ޑރ. ނަޒްލާ - މާލޭގެ އެކި ސަރަހައްދުތަކުގައި ކޮންޓެކްޓް ޓްރޭސިން ކުރަމުންދަނީ

- އަތޮޅު ތެރޭގައި އެބަތިބި ކޭސްއާއި ގުޅިގެން އައި ސޮލޭޓް ކުރެވިފައިވާ ފަރަތްތައް

- އައްޑޫ 2 އަދި ގދ. ވާދޫ 2 މީހަކު ވަނީ އައިސޮލޭޓް ކުރެވިފައި

ޑރ. އަލީ ލަތީފް - ކަރަންޓީނުން ދޫކުރެވުނު މީހަކާއި ޕޮޒިޓިވްވި މީހާއި ކޮންޓެކްޓްވެފައި ނުވޭ

މާލެއިން ޕޮޒިޓިވްވި މީހާއާއި ގުޅިގެން 4 ގެއެއް ބަލަމުންދަނީ. އަދި އޭނާއެކު ޑޮކްޓަރަށް ދައްކަން ދިޔަ މީހުންނާއި އިތުރު ފަރާތްތަކެއްވެސް ބަލަމުން އެބަދޭ: ޑރ. ނަޒްލާ

މާލެއިން ޕޮޒިޓިވްވީ މީހާއާއި އެކި ގޮތްގޮތުން ކޮންޓެކްޓްވި 54 މީހަކު ވަނީ އައޮސޮލޭޓް ކުރެވިފައި.

ލޮކްޑައުން ކުރީ ކޮންޓެކްޓް ޓްރޭސިން ހެދުމަށާއި، މިކަން ދެނެގަތުމަށް ފަސޭހަ ކުރުމުގެ ގޮތުން.

މި ބަލީގައި އެންމެ ބޮޑަށް އަސަރު ކުރާ ފަރާތްތައް ކަމުގައިވާ އުމުރުން ދުވަސްވީ މީހުންނާއި، މާބަނޑު މީހުންނާއި ދާއިމީ ބަލީގެ ބޭސް ބޭނުންކުރުާ ފަރާތްތައް ގެއިން ބޭރަށް ނުނުކުންނަވާ.

ރާއްޖެއިން ބޭރުން އައި މީހުންގެ ތެރެއިން ކަރަންޓީން ކުރުމަށްފަހު އަނބުރާ ގެއަށް ފޮނުވާލި މީހުންގެ ތެރެއިން މީހެއްގެ ގައިން އެހެން މީހެއްގެ ގަޔަށް ބަލި ޖެހިފައި ނުވާނެކަމުގެ ފުރިހަމަ ޔަގީންކަން އެބައޮތް.

ކޮވިޑް-19 އަކީ ނުރައްކާތެރި ބައްޔެއް ނަމަވެސް ފާއިތުވި ދުވަސްތަކުގައި މިކަމުން ސަލާމަތްވުމަށް ކުރެވުނު މަސައްކަތުގައި އާންމުންގެ އެއްބާރުލުން ބޭނުންވާ ވަރަށް ލިބިވަޑައިގެންފައި ނުވާކަމަށް ޑރ. އަލީ ލަތީފް ވިދާޅުވެއްޖެ.

މާލެއިން ޕޮޒިޓިވްވި ކޭސްއާއެކު މާލޭގައި ކޮމިއުނިޓީ ސްޕްރެޑެއް އުޅޭކަމަށް ގަބޫލުކުރެވޭ. މިފަދަ ކޭސްއެއް ފެނިފައި މިވަނީ އެންމެ ފުރަތަމަ ރާއްޖެއިން ފެނުނު ކޭސް ފެނުނުތާ 45 ދުވަސް ފަހުން.

ރާއްޖޭގައި ހުރިހާ ސިއްހީ ހިދުމަތްތެެރިން ފްރަންޓްލައިނަށް ނުކުތުމަށް ތައްޔާރުވުމަށް އަމީން އިލްތިމާސް ކުރައްވައިފި. މީގެ ތެރޭގައި ކުރީގެ ހިދުމަތްތެރިންނާއި، މިހާރު މަސައްކަތް ކުރައްވާ ފަރާތްތަކާއި އަދި ތަމްރީނުވަމުންދާ ފަރާތްތައް ވެސް ތައްޔާރުވުމަށް އެދެން.

ކޮވިޑް-19 ފެތުރިއްޖެ ނަމަ ކުރެވޭނެކަމަކީ އެ ފެތުރުން ލަސްކުރެވޭނެ ގޮތްތައް ހޯދުން ކަމަށާއި، އެކަމަށް ވާންޖެހޭ ތައްޔާރީތައް ވަމުންދަނީ. މިވަގުތު އެންމެ މުހިންމީ އިޖްތިމާއީ ގައިދުރުކަން ބެހެއްޓުން.

24 ގަޑި އިރަށް މާލެ ލޮކްޑައުންކޮށްފައިވީ ނަމަވެސް، އެ މުއްދަތު އިތުުރުރަން ޖެހިއްޖެ ހާލަތެއްގައި އެކަން ކުރެވޭނެ އިންތިޒާމްތައް ވަނީ ރޭވިފައި

އަމިއްލަ ގެއިން ނޫން ގޮތަކަށް ކެއުން ހަމަޖައްސަން ޖެހޭ މީހުންނާއި ޒަރޫރީ ކަންކަން ހަމަޖެހިފައިވާ ގޮތްތައް މިއަދުގެ ވަގުތެއްގައި ހާމަކުރާނެ: އަމީން

މާލެއިން ޕޮޒިޓިވްވި މީހާއާއި ޑައިރެކްޓް ކޮންޓެކްޓްވި ހުރިހާ އެއްމެން ދެނެގަނެވި އަދި ޑައިރެކްޓް ކޮންޓެކްޓްވި މީހުންނާއި ކޮންޓެކްޓްވި އެހެން މީހުން ޓްރޭސް ކުރުމުގެ މަސައްކަތް ދަނީ ކުރަމުން: އަމީން

މާލެއިން ޕޮޒިޓިވްވި މީހާއަކީ ރާއްޖެއިން ބޭރުން އައި މީހުންގެ ތެރެއިން ޕޮޒިޓިވްވި މީހަކާއި ކޮންޓެކްޓްވި އަދި ބޭރަށް ދަތުރުކޮށްފައިވާ މީހެއް ނޫން: އަމީން

މާލޭގެ ކޭސް ފެނުމުގެ ކުރިން ވެސް ބަލި ފެތުރިއްޖެ ހާލަތެއްގައި އެ ފެތުރުން ލަސްކުރުން އެއީ އަމާޒު: އަމީން

ކޯވިޑް-19 އާއި ގުޅިގެން ފުރަމާލެ ސަރަހައްދު 24 ގަޑިއިރަށް 'ބަންދު' ކުރުމަށް އެޗްޕީއޭ އިން ނިންމުމާއި ގުޅިގެން، ވެމްކޯއިން މާލެ ސަރަހައްދުގައި ފޯރުކޮށްދޭ އެންމެހާ ޚިދުމަތްތައް ވަގުތީ ގޮތުން މެދުކަނޑާލަން ނިންމުން.

ކޮވިޑް-19 އާއި ގުޅިގެން މަސައްކަތް ކުރައްވާ ސިއްހީ ހިދުމަތްތަތެރިންނާއި އެކިއެކި މަސައްކަތްތަކުގައި އުޅުއްވާ ފަރާތްތަކަށް ވަރަށް ހައްސަ ޝުކުރެއް ދަންނަވަން.

ޤައުމާ މުޚާތަބު ކުރައްވާ ދެއްކެވި ވާހަކަފުޅުގައި ރައީސް ވިދާޅުވީ، މިއަދު ރައްޔިތުންގެ ކިބައިން އެދެނީ ކެތްތެރިކަމާއެކު އެކަމަށް އެއްބާރުލުން ދިނުމަށް ކަމަށް، އަދި އަޅަމުންދާ ފިޔަވަޅުތަކާއި ގުޅިގެން އާންމުންގެ ދިރިއުޅުމަށް އުނދަގޫތަކެއް ހުންނާނެކަން ޤަބޫލުފުޅު ކުރައްވާކަމަަށް ވިދާޅުވި.

ރައީސް ވިދާޅުވީ، ކާބޯތަކެއްޗާއި ޒަރޫރީ ތަކެތީގެ ސްޓޮކް އެބަހުރި ކަމަށް

ކީރިތި ކުރައްވައި ރައީސް އިތުރަށް ވިދާޅުވީ، އެކަކު އަނެކަކަށް އޯގާތެރިވެ، އެހީތެރިވުމަށް، އަދި ކަމާބެހޭ ފަރާތްތަކުގެ އިރުޝާދުތަކަށް ބޯލަނބައި އަމަލު ކުރުމަށް

އެކަކު އަނެކަކާ މެދު އޯގާތެރިކަމާއި ކެތްތެރިކަމާއެކު މުހާތަބު ކުރައްވާ. ކެތްތެރިކަމާއި އިސްލާމްދީނުގެ މަތިވެރި އުސޫލުގެ ތެރެއިން އެކަކު އަނެކަކަށް އަޅާލައްވާ. މިހާތަނަށް ވެކްސިންއެއް ހޯދިފައި ނުވާތީ، އެންމެ މުހިންމު ފިޔަވަޅަކީ ބޭރަށް ނުނިކުންނަވާ ގޭގައި މަޑުކުރެއްވުން. ގިނަގިނައިން އަތް ދޮވެ ސާފްތާހިރުކަމުގެ މިންގަނޑުތަކަށް އަމަލު ކުރައްވާ.

ޒަރޫރީ ބޭނުންތައް ފުއްދޭނެ ގޮތްތައް އިދާރާތަކުން ދަނީ ރާވަމުން. އެކަންކަން އިދާރަތަކުން ވަރަށް އަވަހަށް ހަމަކުރައްވާނެ.

ކާށިދޫ މޮނިޓަރިންގެ ހާލަތަށް ގެނައީ ބަލިޖެހިފައިވާ މީހާއި ކޮންޓެކްޓްވި މީހަކު އެރަށަށް ގޮސްފައިވާތީ، ރަށުގައި ކޮންޓެކްޓް ޓްރޭސިންގ ހެދުމަށް.

24 ގަޑި އިރަށް މާލެ ލޮކްޑައުން ކުރީ ކޮންޓެކްޓް ޓްރޭސިންގ ހެދުމަށް.

ރައީސް ވިދާޅުވީ، ޓެސްޓުގެ ނަތީޖާ ލިބުމާއެކު ހުރިހާ ފަރާތްތަކާ އަމަލުކުރާ އުސޫލުން އެމީހާއާމެދުވެސް އަމަލު ކުރަމުންދާ ކަމަށް، އަދި އޭނާއަށް ބަލި ޖެހުނު ގޮތް ދެނެގަތުމުގެ މަސައްކަތް ކުރަމުންދާ ކަމަށް ރައީސް ވިދާޅުވި، އޭނާއާ ގުޅިގެން 11 މީހެއްގެ ސާމްޕަލް ނަގާފައިވާ ކަމަށް އެޗްޕީއޭއާ ޙަވާލާދީ ރައީސް ވިދާޅުވި

ކޮވިޑް-19 ޖެހުނު މީހާއާއި ކޮންޓެކްޓްވި އެންމެން ވަނީ އެކަހެރި ކުރެވިފައި. އަދި މިހާތަނަށް 11 ސާމްޕަލްއެއްވަނީ ނަގާފައި.