ކޮވިޑް-19: އެންމެ ފަހުގެ

ކޮވިޑް-19 ދިވެހިރާއްޖޭގައި ފެތުރުނަ ނުދިނުމަށް ދިވެހި ސަރުކާރުން އަޅާފައިވާ ފިޔަވަޅުތަކަކީ ހަރުދަނާ ފިޔަވަޅުތަކެއް ކަމަށާއި ޔޫރަޕުން ދަނީ ރާއްޖެއިން ފިލާވަޅު ލިބިގަންނަމުން ކަމަށް ވިލާތުގެ އިއްތިހާދުން ރާއްޖެއާއި ސްރީލަންކާއަށް ކަނޑައަޅާފައި ހުންނަވާ ސަފީރު ޑެނިސް ޗައިބީ ވިދާޅުވެއްޖެއެވެ.

ރާއްޖެއެމްވީ ގައި ސަފީރު ޝާއިއު ކުރެއްވި ލިޔުއްވުމެއްގައި ވިދާޅުވެފަައި ވަނީ ކޮވިޑް-19 ރާއްޖޭގައި ފެތުރުނަ ނުދިނުމަށް މިހާތަނަށް ދިވެހި ސަރުކާރުން އަޅާފައިވާ ފިޔަވަޅުތަކަށް ތައުރީފް ކުރައްވާފައެވެ. ސަފީރު ވިދާޅުވީ ވިލާތުން ރާއްޖެއަކީ މިސާލެއްގެ ގޮތުގައި ބަލާ، ވައިރަސް ކޮންޓްރޯލް ކުރުމުގެ މަސައްކަތް ކުރަމުންދާ ކަމަށެވެ.

މާލެ އިން ކޮވިޑް-19 ގެ ކޭސްއެއް ފެނުމާއި ގުޅިގެން މާލެ ސަރަހައްދު ލޮކްޑައުން ކޮށްފައިވާއިރު، ޑެލިވަރީގެ ޚިދުމަތް ހުކުރު ދުވަހުގެ ހެނދުނު 10:00 އާ ހަމައަށް ދެވޭނެ ކަމަށް ފުލުހުން ބުނެފިއެވެ.

ކުރިން ލޮކްޑައުން ކޮށްފައިވާ މުއްދަތުގައި ޑެލިވަރީ ކުރުމުގެ ހުއްދަ ލިބިފައިވާ ފިހާރަތަކާއި ރެސްޓޯރެންޓުތަކަށް ޑެލިވަރީގެ ޚިދުމަތްދެވެނީ 23:00 ވަންދެންނެވެ.

އިންޑިއަން ޕްރިމިއާ ލީގު (އައިޕީއެލް) މުއްދަތެއް ނެތް ގޮތަށް ފަސްކޮށްފި އެވެ.

މުއްދަތެއް ނެތް ގޮތަށް އައިޕީއެލް ފަސްކުރަން އިންޑިއާގެ ބޯޑް އޮފް ކޮންޓްރޯލް ފޯ ކްރިކެޓް (ބީސީސީއައި) އިން ނިންމީ މިހާރު ދުނިޔޭގައި ހަލުވިކަމާއިއެކު ފެތުރެމުން އަންނަ ކޮރޯނާވައިރަސް (ކޮވިޑް-19) ގެ ސަބަބުން އިންޑިއާގައި ލޮކްޑައުންގެ މުއްދަތު މެއި މަހު 3 ވަނަ ދުވަހާއި ހަމަޔަށް އިތުރުކުރަން އެ ގައުމުގެ ސަރުކާރުން ނިންމުމާ ގުޅިގެންނެވެ.

މާލެއިން ކޮވިޑް-19 އަށް ޕޮޒިޓިވްވި މީހާއި ގުޅިގެން އެއްވެސް މައުލޫމާތެއް ކަށަވަރު ނުކޮށް ސޯޝަލް މީޑިއާގައި އެވާހަކަތައް ނުފަތުރާ އެފަދަ މައުލޫމާތެއް އެނގޭނަމަ އެ ކަން އެންއީއޯސީއަށް އެންގުމަށް ވަނީ އެދިފައި

މާލެއިން ޕޮޒިޓިވްވި 3 ކޭސްއާއި ގުޅިގެން އެއްވެސް މިންވަރަކަށް ކޮންޓެކްޓްވެފައިވާ ނަމަ އެކަން ލަސްނުކޮށް އެންގުމަށް ނެޝަނަލް އެމަރޖެންސީ އޮޕަރޭޝަން ސެންޓަރުން އެދިއްޖެ

ގިނަ އަދަދެއްގެ ބަޔަކު ކޮންޓެކްޓް ވެފައިވަނީ ޕާޓީ ބޭއްވުން، މަސްދަތުރު، ގޭގެއަށް ޒިޔާރަތްކުރުން އަދި ބުރުޖެހުން ފަދަ ކަންކަމުގެ ތެރެއިން

ކޭސް 21 އަދި 22 އާއި ގުޅޭ

ހައި ރިސްކް 75

މީޑިއަމް 43

ލޯ ރިސްކް 89

ކޭސް 23 އާއި ގުޅިގެން

ޖުމްލަ 35 ކޮންޓެކްޓެއް ފާހަގަ ކުރެވިފައި

7 ހައިރިސްކް

28 މީޑިއަމް ރިސްކް

ކޭސް 21، 22 އަދި 23

ކެސް 21 އަދި 22 އަކީ އަންހެން މީހާއާއި ދަރިފުޅު، 23 ވަނަ މީހާއަކީ ޑައިރެކްޓް ކޮންޓެކްޓްވި މީހެއް.

މިއަދުގެ ވަގުތެއްގައި ކަރަންޓީން ފެސިލިޓީގައި ތިބި 69 މީހަކު ދޫކޮށްލުމަށް ވަނީ ނިންމާފައި.

މާލެ ސަރަހައްދުގައި އެއްވެސް ފަރާތަކުން އެހީއަށް ބޭނުންވެއްޖެނަމަ އައިސީޕީ ނަންބަރުތަކަށް މެސެޖްކޮށްގެން އެހީތެރިކަން ހޯދުމަށް ސިޓީ ކައުންސިލުން ވަނީ ބުނެފައި

އެޕެއް މެދުވެރިކޮށް ޑެލިވަރީ ކުރާ ފިހާރަތައް އެނގޭނެ ގޮތް ހަދާނެކަމަށް ސިޓީ ކައުންސިލްގެ މޭޔަރު ޝިފާ ވިދާޅުވެއްޖެއެވެ. އެގޮތުން ފުލުހުން ހުއްދަދޭވަރަކަށް އެ އެޕަށް ފިހާރަތަކުގެ މައުލޫމާތު ލެވޭނެކަމަށާއި، 2 ދުވަހެއް މިކަމަށް ނަގާނެކަމަށް ޝިފާ ވިދާޅުވި.

ލޮކްޑައުންގައި މަގުމައްޗަށް ނުކުމެގެން އެއްވެސް މީހަކު ޖޫރިމަނާ ކޮށްފައި ނުވާނެ ކަމަށާއި، ނަސޭހަތްތެރިވެފައި ވާނެ ކަމަށް ފުލުހުން ބުނެފިއެވެ.

188 ކަންމަތީ ފިހާރައަށް ޑެލިވަރީގެ ހިދުމަތް ދިނުމަށް މިއަދު ހުއްދަ ދެވޭނެ. މީގެ ކުރިންވާނީ 190 އަށްވުރެ ގިނަ ފިހާރަތަކަށް ހުއްދަ ދީފައި.

ލޮކްޑައިންގައި އާންމުންގެ އެއްބަރުލުން ލިބުނުކަން ފާހަގަކޮށް ފުލުހުން ވަނީ ޝުކުރު އަދާ ކުރައްވާފައި. ފުލުުންނަށް ގުޅަން ދީފައި އޮތް ނަންބަރަށް ދިމާވި މައްސަލަތައް ހައްލުކޮށްފި. ކޯލް ސެންޓަރުގައި 10 މީހަކު ތިބޭނެ. އޮންލައިން ޕޯޓަލް މެދުވެރިކޮށް ރިކުއެސްޓް ކުރެވޭނެ.

ކެފޭ ރެސްޓޯރަންޓްތަކުން ގެތަކަށް ކާ އެއްޗެހި ޑެލިވަރީ ކޮށްދެވޭނީ ދަންވަރު 12 އާއި ހަމައަށް.

ވިލިނގިލި ފެރީގެ ދަތުރުތައް ފެށުމާއެކު ފާސް އޮތް ފަރާތްތަކަށް ދަތުރުކުރުމުގެ ހުއްދަ ދެވޭނެ.

ހޮސްޕިޓަލްގައި ބަލިމީހުން ކައިރީގައި ތިބޭ މީހުންނަށް އައިޖީއެމްއެޗުން ދެވޭ ފާސްތަކުގައި ފެރީގައި ދަތުރުކުރެވޭނެ.

ކޮވިޑް-19 އާއި ގުޅިގެން ސަރވޭގައި ރަޖިސްޓްރީވި ފިހާރަތަކާއި އަދި އަލަށް ރަޖިސްޓްރީވާ ފިހާރަތަކަށް މިރޭ ހުއްދަ ދެވޭނެ. އެކަން ފުލުހުން އެންގުމުން ފާސް ބަލާދާންޖެހޭނީ ޓޯޔާޑަށް.

ސޯޝަލް ސެންޓަރ 9300904

ސަލްޓަންޕާކް 9300909

އެމްއެންޔޫ ބިޒަނަސް ސްކޫލް 9300910

މާލެ ސިޓީ އާންމު ހިދުމަތްތަކާއި ބެހޭ ބައި 9300916

ވިލިމާލެ 9300917

ހުޅުމާލެ އިންޑަސްޓްރިއަލް ސަރަހައްދު 9300918

ތިލަފުށި 9300924

ކުރިން ދީފައިވާ އައިސީޕީ ނަންބަރުތައް އަލުން ބޭނުން ކުރަން ފަށަން ނިންމައިފި

ކޮވިޑް-19އާ ގުޅިގެން މާލެސިޓީ “ލޮކް ޑައުން” ގެ މުއްދަތު އިތުރުކުރުމާ ގުޅިގެން އެޗް.ޕީ.އޭއިން ވަކި ގޮތަކަށް އަންގަންދެން ކުރިޔަށް އޮތް ސައުވީސް ގަޑިއިރަށް މޯލްޑިވިއަންގެ އެތެރޭގެ އުދުހުންތައް މެދުކަނޑާލައިފި.

މާލެ ސަރަހައްދުގެ ގޭބީސީތަކުގައި އުފެދޭކުނި ގޭގެ ތިރިއަށް ބާލާނެ ގަޑިއަކީ މެންދުރު 12:00 އިން 2:00 ށް ކަމަށް ވެމްކޯއިން ބުނެފި އެވެ. މީގެއިތުރުން މޮނިޓަރިންގ ހާލަތުގައި ހުރި ގޭގެއިން ކުނި ބޭރަށް ނުނެރުމަށާއި އެކަމަށް ހާއްސަ ޓީމަކުން ގޮސް އެފަދަ ގޭގެއިން ކުނި ނަގާނެ ކަމަށް ވެމްކޯ އިން އެކަމާއި ގުޅޭގޮތުން ބޭއްވި ނޫސްވެރިންގެ ބައްދަލުވުމުގައި ވަނީ ބުނެފަ އެވެ.

މާލެ ލޮކްޑައުންކޮށްފައިވާ ހާލަތުގައި ހިދުމަތް ދިނުމަށް މޯލްޑިވްސް ޕޮލިސް ސާވިސްއިން ގާއިމުކުރި ކޯލް ސެންޓަރުގެ ހިދުމަތް ފުޅާކުރުމުގެ މަސައްކަތް ކުރަމުންދާ ކަމަށް ކޮމިޝަނާ އޮފް ޕޮލިސް މުހައްމަދު ހަމީދު ވިދާޅުވެއްޖެ އެވެ.

އެކަމާއި ގުޅިގެން ސީޕީ ކުރެއްވި ޓްވީޓެއްގައި ވިދާޅުވެފައިވަނީ ވިޔަފާރިތަކުންނާއި އާންމު ރައްޔިތުންގެ ފަރާތުން އެހީތެރިކަމަށް އެދި ކޯލް ސެންޓަރަށް އަންނަ ކޯލްތަކަށް އެއްފަހަރާ ޖަވާބު ދެވޭ އަދަދާއި ހިދުމަތުގެ ފެންވަރު ރަނގަޅު ކުރުމަށް މަސައްކަތް ކުރަމުން އަންނަ ކަމަށެވެ. އަދި އެ ހިދުމަތަށް ފަސޭހައިން އެދެވޭނެ އޮންލައިންޕޯޓަލްއެއް ތަޢާރަފްކޮށްފައިވާ ކަމަށާއި އެ ޕޯޓަލް މެދުވެރިކޮށް ޚިދުމަތް ހޯދުމަށް ސީޕީ ވަނީ އެދިވަޑައިގަންފަ އެވެ.

ލޮކްޑައުންއާ ގުޅިގެން ހިދުމަތް މެދުކަނޑާލުމަށް ފަހު އެސްޓީއޯގެ އީސްޓޯރުގެ ހިދުމަތް އަލުން މިއަދު ފަށައިފި އެވެ.ރެއިން ފެށިގެން އެ ހިދުމަތް މެދުކަނޑާލީ 24 ގަޑިއިރަށް މާލެ ސަރަހައްދު ލޮކްޑައުން ކުރުމުން ޑެލިވަރީ ކުރުމަށް ނަގަން ޖެހޭ ހާއްސަ ހުއްދަ ނެގުމަށެވެ. މި ހުއްދަ މިހާރު ލިބިފައިވާ ކަމަށާއި މިހާރު އީސްޓޯރުގެ ހިދުމަތް އާއްމުންނަށް ލިބޭނެ ކަމަށް އެސްޓީއޯއިން ބުނެ އެވެ

މާލޭގައި ދިރިއުޅެމުންދާ މީހެއް ކޮވިޑް-19 އަށް ޕޮޒިޓިވް ވުމާއި ގުޅިގެން އޭޑީކޭ އިން ގޭގެއަށް ޒިޔާރަތްކޮށްގެން ދެމުން ގެންދިޔަ ޚިދުމަތްތައް މެދުކަނޑާލައިފިއެވެ.

އެކަމާއި ގުޅިގެން އޭޑީކޭއިން ކޮށްފައިވާ ޓްވީޓެއްގައި ބުނެފައިވަނީ ހޯމް ކޮންސަލްޓޭޝަން، ހޯމް ސާމްޕަލް ކަލެކްޝަން އަދި އޭޑީކޭ އެޓް ހޯމްގެ ޚިދުމަތްތައް ވަގުތީގޮތުން މެދުކަނޑާލާފައި ވާކަމަށެވެ. އެހެންނަމަވެސް އޮންލައިން ކޮންސަލްޓޭޝަންގެ ޚިދުމަތް ކުރިއެކޭ އެއްގޮތަށް ލިބެމުންދާނެކަމަށް އޭޑީކޭއިން ބުނެއެވެ.

ކޮވިޑް-19 އަށް މާލޭގައި ދިރިއުޅޭ ރައްޔިތަކު ޕޮޒިޓިވްވުމާއި ގުޅިގެން އައިޖީއެމްއެޗްގެ ބައެއް ޚިދުމަތްތައް ދެ ދުވަހުގެ މުއްދަތަށް މެދުކަނޑާލާފައި ވީނަމަވެސް އެހޮސްޕިޓަލުން މާބަނޑު މީހުންނަށް ދެމުންގެންދާ ޚިދުމަތްތަކަށް ބުރު ނާރާ ކުރިޔަށްދާނެކަމަށް އެ ހޮސްޕިޓަލުން ބުނެފި އެވެ.

އައިޖީއެމްއެޗްގެ އަންހެނުންގެ ހާއްސަ ޑޮކްޓަރު ޑރ. އަސީލް ޖަލީލް ކުރެއްވި ޓުވީޓެއްގައި ވިދާޅުވީ މި ހާލަތުގައި މާބަނޑު އަންހެނުންގެ ފަރުވާގެ ކަންކަން ކުރިއަށް ގެންދަން ހާއްސަ ޕްލޭނެއް އެކުލަވާލައި އެ ޕްލޭނާ އެއްގޮތަށް އަމަލުކުރަން ފަށާފައިވާ ކަމަށެވެ. އަދި މާބަނޑު މީހުން ހޮސްޕިޓަލަށް ވަނުމަށް ފަސޭހަ އިންތިޒާމްތަކެއް ހަމަޖައްސަމުން އަންނަ ކަމަށް ޑރ. ވިދާޅުވިއެވެ.

ޑރ. އަސީލް އިތުރަށް ވިދާޅުވީ އޭޕްރީލް މަހުން ފެށިގެން ޖޫން މަހާ ހަމައަށް އައިޖީއެމްއެޗްގައި ވިހަން ނަން ނޯޓު ކޮށްފައިވާ މީހުންގެ މައުލޫމާތު މިހާރު ހޯދާފައިވާ ކަމަށެވެ. މީގެ އިތުރުން އެޕޮއިންޓްމަންޓް ހައްދާފައި ތިބި މާބަނޑު މީހުންނަށް އައިޖީއެމްއެޗުން ފޯނުން ގުޅައިގެން އެޕޮއިންޓްމަންޓްގެ ކަންކަން ކުރިއަށް ގެންދާނެކަމަށްވެސް ޑރ. އަސީލް ވިދާޅުވި އެވެ. އަދި އައިޖީއެމްއެޗުން ދެމުންގެންދާ އިމަރޖެންސީ ޚިދުމަތް މެދުނުކެނޑި ކުރިޔަށްދާނެ ކަމަށްވެސް ޑރ އަސީލް ވިދާޅުވި އެވެ.

ކޮވިޑް-19 މާލޭގައި ދިރިއުޅޭ ރައްޔިތެއްގެ ގައިން ފެނުމާއެކު އިންދިރާ ގާންދީ މެމޯރިއަލް ހޮސްޕިޓަލު (އައިޖީއެމްއެޗް) ން ދެމުން ގެންދިޔަ ބައެއް ޚިދުމަތްތައް ބުރާސްފަތި އަދި ހޮނިހިރު ދުވަހު ނުދޭނެކަަމަށް އައިޖީއެމްއެޗުން ބުނެފި އެވެ.

އައިޖީއެމްއެޗުން އެކަމާއި ގުޅޭގޮތުން ނެރެފައިވާ ބަޔާނެއްގައި ބުނެފައިވަނީ މި ދެ ދުވަހު ހޮސްޕިޓަލުން ދެމުން ގެންދާ ހޮސްޕިޓަލްގެ ސްޕެޝަލިސްޓް އޯޕީޑީ އަދި އެހެނިހެން ކްލިނިކަލް ޚިދުމަތްތައް ބަންދުވާނެކަމަށެވެ. އެހެންނަމަވެސް އައިޕީޑީ އަދި އިމަރޖެންސީ ޚިދުމަތްތައް އެހެން ދުވަސްތަކެކޭ އެއްގޮތަށް ދެމުން ގެންދާނެކަމަށް އެހޮސްޕިޓަލުން ބުނެއެވެ.

އަދި އައިޖީއެމްއެޗުން ދެމުންގެންދާ ޚިދުމަތްތަކާއި ގުޅޭގޮތުން އާދިއްތަ ދުވަހުން ފެށިގެން އަމަލުކުރާނެ ގޮތެއް ހޮނިހިރު ދުވަހު ހާމަކުރާނެކަމަށް އައިޖީއެމްއެޗުން ބުނެއެވެ.

ކޮވިޑް-19 އަށް މާލޭގައި ދިރިއުޅެމުންދާ ރައްޔިތަކު ޕޮޒިޓިވްވެފައިވާއިރު މާލެ ހިމެނޭ ސަރަހައްދު ވަނީ 24 ގަޑިއިރު ވަންދެން ލޮކްޑައުންކޮށްފަ އެވެ. އެހެންކަމުން ކޮންމެހެން ދޭންޖެހޭ ޚިދުމަތްތައް ނޫނީ ތަންތަނުން މިހާރު ދެމުންނެއް ނުގެންދެއެވެ. ނަމަވެސް ޒަރޫރީ ޚިދުމަތްތައް ފޯރުކޮށްދޭނެ ގޮތްތައް ކަމާބެހޭ ފަރާތްތަކުން އަންނަނީ ހަމަޖައްސަމުންނެވެ.

ކޮވިޑް-19 އެންމެ ފުރަތަމަ ފެނުނު ޗައިނާއިން އިއްޔެ ވައިރަސް ޖެހިގެން ރިޕޯޓްކޮށްފައިވަނީ 46 މީހުންނަށެވެ.

ޗައިނާގެ ނޭޝަނަލް ހެލްތު އޮތޯރިޓީން ހާމަކުރާ ގޮތުގައި ބުދަ ދުވަހު އެގައުމުގައި ވައިރަސް ޖެހިގެން ރިޕޯޓްކޮށްފައިވާ މީހުންގެ ތެރެއިން 34 މީހުންނަކީ އެގައުމަށް އެތެރެވި މީހުންނެވެ. އަންގާރަ ދުވަހު އެގައުމަށް އެތެރެވެފައިވާ މީހުންގެ ތެރެއިން 36 މީހަކަށް ވައިރަސް ޖެހިގެން ވަނީ ރިޕޯޓްކޮށްފަ އެވެ.

ކޮވިޑް-19 މިވަގުތު އެންމެ ހަލުވި މިނުގައި ދުނިޔޭގައި ފެތުރެމުން އަންނަ އެމެރިކާގައި ފާއިތުވި 24 ގަޑިއިރު މަރުވި މީހުންގެ އަދަދު 2600 ށް ވުރެ މައްޗަށް ގޮސްފައިވާކަމަށް ތަފާސްހިސާބުތަކުން ދައްކައިފިއެވެ.

ކޮވިޑް-19 ޖެހޭ މީހުންނާއި މަރުވާ މީހުންގެ އަދަދުތައް ހާމަކުރަމުންދާ ޖޯންސް ހޮޕްސްކިން ޔުނިވަރސިޓީން ހާމަކުރާ ގޮތުގައި ފާއިތުވި 24 ގަޑިއިރު ތެރޭގައި އެމެރިކާއިން މިވައިރަސް ޖެހިގެން މަރުވި މީހުންގެ އަދަދު 2600 ށް ވުރެ މައްޗެވެ. އަދި މިއީ މިހާތަނަށް އެމެރިކާގައި މިވައިރަސް ޖެހިގެން އެންމެ ގިނައިން މީހުން މަރުވި ދުވަސްކަންވެސް ފާހަގަކޮށްލެވެ އެވެ.

މޯލްޑިވް ގޭސް އިން އެމަރޖެންސީ ގޭސް ޑެލިވަރ ކުރާ ގަޑިތައް ހާމަކޮށްފި އެވެ. މޯލްޑިވް ގޭސް އިން ބުނީ ހެނދުނު 9 ން ރޭގަނޑު 8:30 ށް މި ޚިދުމަތް ދެމުން ގެންދާނެކަމަށެވެ. އަދި ރައްކާތެރިކަމުގެ ފިޔަވަޅެއްގެ ގޮތުން ގޭސް ފުޅި ގެންދާނީ ގޭގެ ދޮރާހަމައަށް ކަމަށް މޯލްޑިވް ގޭސް އިން ބުނެއެވެ. ޑެލިވަރ ކުރުމަށް އޯޑަރ ކުރާނީ އޮންލައިންކޮށް ނުވަތަ އެސްއެމްއެސް މެދުވެރިކޮށް ކަމަށް މޯލްޑިވް ގޭސް އިން ބުނެއެވެ.

އެޗްޕީއޭއިން ކުރި ޓްވީޓެއްގައި ބުނީ، ކޮވިޑް-19 އަށް ޝައްކު ކުރެވޭ އަލާމާތްތަކެއް ހުރި 14 މީހަކު ހުޅުލޭ އައިސޮލޭޝަން ފެސިލިޓީއަށް ބަދަލުކުރުމުގެ މަސައްކަތް ކުރެވެމުންދާ ކަމަށް.

އަދި މި 14 މީހުންނަކީ މިއަދު މާލެއިން ޕޮޒިޓިވްވި މީހާގެ ކޮންޓެކްޓުންކަމަށް ބުނެފައިވޭ

މުއްދަތެއް ނެތް ގޮތަށް ފަސްކޮށްފައިވާ އޭއެފްސީ ކަޕާއި އޭއެފްސީ ޗެމްޕިއަންސް ލީގުގެ މެޗުތައް، ސަޕޯޓަރުން ނުވައްދައި ކުރިއަށް ގެންދިއުމުގެ ޚިޔާލު ގެންގުޅޭ ކަމަށް އޭޝިއަން ފުޓްބޯލް ކޮންފެޑެރޭޝަން (އޭއެފްސީ) އިން ބުނެފި އެވެ.

އޭއެފްސީގެ ޖެނެރަލް ސެކްރެޓަރީ ވިންޑްސޯ ޖޯން އޭއެފްޕީ އަށް ދެއްވި އިންޓަވިއުއެއްގައި ވިދާޅުވީ އޭއެފްސީ ކަޕާއި އޭއެފްސީ ޗެމްޕިއަންސް ލީގުގެ މެޗުތައް މިއަހަރު ބޭއްވޭނެ ކަމަށާއި އެކަން ކުރެވޭނެ ގޮތްތައް ބަލަމުން އަންނަ ކަމަށެވެ. އެގޮތުން މެޗުތައް އަލުން ފަށާއި ސަޕޯޓަރުން ނުވައްދައި މެޗުތައް ކުރިއަށް ގެންދިޔުމަށް މިހާރު މަޝްވަރާ ކުރަމުން އަންނަ ކަމަށްވެސް ވިދާޅުވި އެވެ.

ކޮމިޝަނަރ އޮފް ޕޮލިސް މުހައްމަދު ހަމީދު ވިދާޅުވީ، މާލެ ސަރަޙައްދުގައި އިއުލާނު ކޮށްފައިވާ ލޮކްޑައުން ގެ ކަންކަން ބަލައި ތަންފީޒު ކުރުމުގައި ހަރަކާތްތެރިވާނީ 200 ފުލުހުން ކަމަށް. އެ ފަރާތްތަކުން މާލެ، ހުޅުމާލެ، ވިލިނގިލި، ތިލަފުށި އަދި ގުޅީފަޅުގެ ކަންކަން ބަލަހައްޓާނީ އެ ފުލުހުންކަމަށް ވިދާޅުވި