ކޮވިޑް-19: އެންމެ ފަހުގެ

މާލޭގެ ތެރޭގައި ގާތްގަނޑަކަށް ކޮވިޑް-19 ގެ 60 ކޭސްއެއް އުޅޭނެ ކަމަށް ލަފާކުރެވޭ ކަމަށް ޑރ. ޝީނާ ވިދާޅުވެއްޖެވެ.

މާލެއިން ކޮވިޑް-19 އަށް ޕޮޒިޓިވްވި މީހުންނާ ގުޅުން ހުރި 274 މީހަކު ކުރެވިފައިވާ ކަމަށް ހެލްތް ޕްރޮޓެކްޝަން އެޖެންސީން ބުނެފިއެވެ.

ހުކުރު ދުވަހު 20:30 އިން ނުވައެއް ޖެހުމާއި ދެމެދު 74 މީހަކު ފުލުހުންގެ ބެލުމުގެ ދަށަށް ގެންގޮސްފިއެވެ. މި އެންމެންވެސް ފުލުހުންގެ ބެލުމުގެ ދަށަށް ގެންގޮސްފައިވަނީ މަގުމައްޗަށް ނިކުމެ އުޅެނިކޮށެވެ.

3700 ސާމްޕަލް

3294 ނެގެޓިވް

28 ޕޮޒިޓިވް

11 މީހަކަށް ދަނީ ފަރުވާދެމުން

61 މީހުން އައިސޮލޭޝަން ގައި

1053 މީހުން ކަރަންޓީނު ގައި

97 މީހަކު ހުކުރު ދުވަހު ފްލޫ ކްލިނިކަށް ދެއްކި

ގައިދުރުކަން ނުބަހައްޓާ ނަމަ ރާއްޖެއިން ކޮވިޑް-19 ޖެހޭ މީހުންގެ ތެރެއިން 2000 މީހަކު މަރުވާނެ ކަމަށް ލަފާކުރެވޭ ކަމަށް ނެޝަނަލް އެމެޖެންސީ އޮޕަރޭޝަން ސެންޓަރ (އެންއީއޯސީ) އިން ބުނެފިއެވެ. އެކަން ހާމަކުރެއްވީ ޑރ. ޝީނާ މޫސާއެވެ.

1- ކޭސް 21 (މާލެއިން ފުރަތަމަ ޕޮޒިޓިވްވި މީހާ)

2- ކޭސް 22 (މާލެއިން ފުރަތަމަ ޕޮޒިޓިވްވި މީހާގެ ދަރިފުޅު)

3- ކޭސް 23 (ކޭސް 21 ގެ ކްލޯސް ކޮންޓެކްޓެއް)

4- ކޭސް 24 ( ކޭސް 23 ގެ ކްލޯސް ކޮންޓެކްޓްއެއް)

5- ކޭސް 25 ( ކޭސް 23 ގެ ކްލޯސް ކޮންޓެކްޓެއް)

6- ކޭސް 26 ( ކޭސް 23 ގެ ކްލޯސް ކޮންޓެކްޓެއް)

7- ކޭސް 27 ( ރޯގާގެ އަލާމާތްތައް ހުރެގެން ފްލޫ ކްލިނިކަށް ދެއްކި މީހެއް)

8- ކޭސް 28 ( ރޯގާގެ އަލާމާތްތައް ހުރެގެން ފްލޫ ކްލިނިކަށް ދެއްކި މީހެއް)

ކޮރޯނާވައިރަސް (ކޮވިޑް-19) ޖެހިގެން އިނގިރޭސި ދެވަނަ ޑިވިޝަނުގައި މިވަގުތު އޮތް ލީޑްސް ޔުނައިޓެޑްގެ ލެޖެންޑް ނޯމަން ހަންޓާ މަރުވެއްޖެ އެވެ.

ރިޕޯޓުތައް ބުނާ ގޮތުން އިންގްލެންޑުގެ ކުރީގެ ޑިފެންޑަރު ހަންޓާ، ކޮވިޑް-19 އަށް ޕޮޒިޓިވްވުމުން ހޮސްޕިޓަލްގައި އެޑްމިޓްކޮށްފައިވަނީ މިމަހުގެ 10 ވަނަ ދުވަހު އެވެ. ހުކުރު ދުވަހުގެ ވަގުތެއްގައި ހަންޓާ މަރުވިއިރު، އޭނާގެ އުމުރަކީ 76 އަހަރެވެ.

ނޯތު ޕޯޓު އަދި ޓީޖެޓީ ސަރަހައްދުން ބަރުކޮށްގެން ރަށްތަކަށް މުދާ ގެންދިއުމުގެ މަސައްކަތް ކުރަމުންދާ ކަމަށް އެމްޕީއެލް އިން ވަނީ ބުނެފައެވެ.

އެހެން އަހަރުތަކެކޭ އެއްގޮތަށް ރޯދަމަހު ޚިދުމަތްދޭ ގަޑިތަކަށް ބަދަލު އަންނާނެ ކަމަށް އެމްޕީއެލްއިން ވަނީ ބުނެފައެވެ. އެގޮތުން ހެނދުނު 8:30 ގައި ޚިދުމަތްތައް ފަށާނެ ކަމަށާއި މެނޭޖް ނުކުރެވޭނަމަ ގަޑި އިތުރުކުރާނެ ކަމަށް.

ލޮކްޑައުންކުރި ދުވަހުން ފެށިގެން ނިމެންދެން ޑެމަރޭޖަށް އަރާ މުއްދަތު ނުގުނާނެ ކަމަށް އެމްޕީއެލް އިން ވަނީ ބުނެފައެވެ.

އެމްޕީއެލް ިން ބުނީ މާދަމާ ހެނދުނު 8:30 އިން 16:00 އަށް އެމްޕީއެލް އިން ޚިދުމަތްދޭނެ ކަމަށެވެ. އެގޮތުން

ފުރަތަމަ ނެރޭނީ ކާބޯތަކެތި ކަމަށް.

ކަސްޓަމްސްގެ ޚިދުމަތް އޮންލައިންކޮށް ބޭނުން ކުރެއްވުމަށް ނޫސްވެރިންގެ ބައްދަލުވުމުގައި ވަނީ އިލްތިމާސްކުރައްވާފައެވެ.

މިހާތަނަށް މާލެ އިން ފެނިފައިވާ ކޭސްތަކުގެ ތެރޭގައި ހިމެނޭ އެއްވެސް ފަރާތެއްގެ ހާލަތު ސީރިއަސް ނޫންކަމަށް ޑރ. ނަޒްލާ ވިދާޅުވެއްޖެ އެވެ. މިހުރިހާ ފަރާތަކަށް ފަރުވާ ދެމުން އަންނަނީ ފަރުކޮޅުފުށި އައިސޮލޭޝަންގަ އެވެ.

މާލެ އިން ފުރަތަމަ ފެނުނު ކޭސްއާ ގުޅިގެން މޮނީޓަރިންގ ހާލަތަަށް ގެނެވުނު ކ. ކާށިދޫ، މޮނީޓަރިންގ ހާލަތުން އުވާލައިފި އެވެ.

ކާށިދޫގެ މޮނީޓަރިންގ ހާލަތު އުވާލާފައިވަނީ، ކޮންޓެކްޓް ޓްރޭސިންގ ހެދުމަށް ފަހު އައިސޮލޭޝަން އަށް ގެންދަން ޖެހޭ ފަރާތްތައް އައިސޮލޭޝަނަށް ގެންދިއުމަށް ފަހުގަ އެވެ.

މާލެ ސިޓީ އިން މިހާރު އަށް ކޭސް ފެނިފައިވާއިރު، އިންޑެކްސް ކޭސް ނޭނގުމުގެ މާނައަކީ މާލޭ ގައި ކޮމިއުނިޓީ ސްޕެރެޑެއް އޮތުން ކަމަށް ޑރ. ނަޒްލާ ރަފީގް ވިދާޅުވެއްޖެ އެވެ.

ކުރިއަށް އޮތް ދުވަސްތަކުގެ ތެރޭގައި ވަރަށް ބޮޑަށް ސަމާލުވެގެން ގުދު ފަތިކުރަން މަސައްކަތްކުރަން ޖެހޭކަމަށް ޑރ. ނަޒްލާ ވިދާޅުވިއެވެ. އަދި މިހާރު ހެދިފައިވާ އެޕިޑޮމޮލޮޖިކަލް ދިރާސާގައި ވާގޮތުން ނަމަ، 14 ދުވަހުގެ ތެރޭގައި ވައިރަހުގެ ޕީކަށް ދާނެ ކަމަށް އަންދާޒާ ކޮށްފައިވާއިރު، އެކަން ހާސިލުކުރަން ގިނަ މަސައްކަތްތަކެއް ކުރަންޖެހޭ ކަމަށް ވިދާޅުވި އެވެ.

މާލެ ސިޓީ އިން ފެނިފައިވަނީ ކޮވިޑް-19 ގެ ތިން ކްލަސްޓަރ އެއް ކަމަށް އެންއީއޯސީ އިން ހާމަކޮށްފި އެވެ.

އެންއީއޯސީގެ ފަރާތުން ވަރޗުއަލްކޮށް ބޭއްވި ނޫސްވެރިންގެ ބައްދަލުވުމުގައި، ޑރ. ނަޒްލާ ވިދާޅުވީ އެންމެ ފުރަތަމަ ފެނުނީ ޕޭޝަންޓް 21 އާ ގުޅޭ ހަ ކޭސް އެއް ފެނިފައިވާ ކަމަށެވެ. އަދި އަނެއް ދެ ކޭސްއާ ބެހޭ އިތުރު މައުލޫމާތު ފަހުން ހާމަކުރައްވާނެ ކަމަށް ވިދާޅުވި އެވެ.

މާލޭ ސަރަހައްދުގައި ހިމެނޭ އިތުރު ހަތަރު ގެއެއް މޮނީޓަރިންގ ހާލަތަށް ގެނެސްފި އެވެ.

މާލެ ސަރަހައްދުން މޮނީޓަރިންގ ހާލަތަށް ގެނެވިފައިވަނީ:

· މ. ވީނަސް

· މ. ފްލައިޓް ވިއު

· ހ. ޕާކް ސައިޑް

· މާލެ ސްކޮއަރ

މާލެ ސިޓީ އިން މިއަދު ކޮވިޑް-19 އަށް ޕޮޒިޓިވްވީ ފަރާތްތަކުގެ ތެރޭގައި ހިމެނޭ ދެ ކޭސް އަކާ ކުރީގެ އެއްވެސް ކޭސްއަކާ ގުޅުމެއް ނެތް ކަން ހާމަވެއްޖެ އެވެ.

އެންއީއޯސީގައި ބޭއްވި ނޫސްވެރިންގެ ބައްދަލުވުމުގައި މިކަން ކަށަވަރުކޮށްދެއްވީ، ޑރ. ނަޒްލާ ރަފީގް އެވެ. އަދި އެ ފަރާތްތަކުގެ ކޮންޓެކްޓް ޓްރޭސިންގ މަސައްކަތް ކުރިޔަށްދާ ކަމަށް ވިދާޅުވި އެވެ.

މާލެ އޮތީ ލޮކްޑައުން އެއްގައި ކަމަށާއި އެހެންކަމުން ރަށްރަށުން މާލެ އަށް މީހުން އަޔަސް ނުފޭބޭނެކަމަށް އެސިސްޓެންޓް ކޮމިޝަނަރ އޮފް ޕޮލިސް އަބްދުﷲ ފައިރޫޝް ވިދާޅުވެއްޖެ އެވެ. ފައިރޫޝް ކުރެއްވި ޓްވީޓެއްގައި ވިދާޅުވީ ޚާއްޞަ ޙާލަތެއް ނަމަ ކުރިއާލާ އެން.އޯ.އީ.ސީ ގެ ހުއްދަ ހޯދައިގެން ދަތުރު ފެއްޓެވުމަށެވެ.

ކޮވިޑް-19 އާއި ގުޅިގެން އެންމެ ފަހުގެ މައުލޫމާތު ދިނުމަށް އެންއޯއީސީން ބާއްވަމުންދާ ނޫސްވެރިންގެ ބައްދަލުވުންތައް އޮންލައިންކޮށް ބޭއްވުމަށް ނިންމައިފި އެވެ. ކޮވިޑް-19 ފެތުރުން ކޮންޓްރޯލްކުރުމަށް މާލެ ސިޓީ ވަނީ ދެ ހަފްތާގެ މުއްދަތަށް ލޮކްޑައުންކޮށްފަ އެވެ،

ކޮވިޑް-19 އަށް މާލެ ސިޓީން އިތުރު މީހަކު ޕޮޒިޓިވް ވެއްޖެއެވެ.

ހުކުރު ދުވަހު އެޗްޕީއޭ އިން ކޮށްފައިވާ ޓްވީޓްގައި ބުނެފައިވަނީ ބަލީގެ އަލާމާތްތައް ފެނި، ހެދި ޓެސްޓް ޕޮޒިޓިވް ވެފައިވާ މީހެއް ފެނިފައިވާ ކަމަށެވެ.

އަދި މިއީ ރާއްޖެއިން ޕޮޒިޓިވް ވި 27 ވަނަ މީހާއެވެ. އަދި މިއަދު ޕޮޒިޓިވްވި 2 ވަނަ މީހާއެވެ.

މިއީ، މާލެއިން މި ބައްޔަށް ޕޮޒިޓިވްވި ހަތްވަނަ މީހާއެވެ. އޭނާ އައިސޮލޭޝަން އަށް ގެންދިއުމުގެ މަސައްކަތް ކުރަމުންދާކަމަށް އެޗްޕީއޭއިން މައުލޫމާތު ދެއެވެ.

ޒަރޫރީ ބޭނުމެއްގައި މެނުވީ އެއްރަށުން އަނެއް ރަށަށް ދަތުރުކުރުން ހުއްޓާލުމަށް އެޗްޕީއޭއިން އެންގިނަމަވެސް މަސް ދޯނިފަހަރުގައި މަހަށް ފުރުމުގެ ހުއްދަ ދިނުމަށް ނިންމާފައިވާ ކަމަށް މިނިސްޓްރީ އޮފް ފިޝަރީޒް މެރިން ރިސޯސަސް އެންޑް އެގްރިކަލްޗަރއިން ބުނެފިއެވެ.

މާލެސިޓީ ލޮކްޑައުން ކުރުމާ ގުޅިގެން، ޕޯޓްސްގެ މަސައްކަތްތައް މެދުކަނޑާލި ނަމަވެސް ހޮނިހިރު ދުވަހު ޒަރޫރީ މުދާތައް ނެރުމުގެ މަސައްކަތް ފަށާނެ ކަމަށް މޯލްޑިވްސް ޕޯޓްސް ލިމިޓެޑް (އެމްޕީއެލް) އިން ބުނެފިއެވެ.

މާލެސިޓީން 6 ވަނަ މީހާ ކޮވިޑް-19 އަށް ޕޮޒިޓިވްވެއްޖެއެވެ.

ހެލްތު ޕްރޮޓެކްޝަން އޭޖެންސީން ބުނީ، ކޮވިޑް-19 އަށް ޕޮޒިޓިވް ވި ދިވެއްސެއް (ކޭސް:23) ގެ ޑައިރެކްޓް ކޮންޓެކްޓެއްގެ ފަރާތުން ބަލީގެ އަލާމާތްތައް ފެނި، ހެދި ޓެސްޓް ޕޮޒިޓިވްވެފައިވާކަމަށެވެ. މިއީ، މާލެއިން މި ބައްޔަށް ޕޮޒިޓިވްވި ހަވަނަމީހާ ކަމަށާއި، އޭނާ އައިސޮލޭޝަން އަށް ގެންދިއުމުގެ މަސައްކަތް ކުރަމުންދާ ކަމަށް އެޗްޕިއޭއިން ބުނެއެވެ.

ސައުދީއަރަބިއްޔާގެ ޕަބްލިކް ހުރިހައި ސްކޫލެއްގެ ދަރިވަރުން އިމްތިހާނަކާއި ނުލާ ޖެހިގެން އިންނަ ގްރޭޑަށް ބަދަލުކުރުމަށް އެޤައުމުގެ ސަރުކާރުން ނިންމައިފިއެވެ.

ވޭތުވެދިޔަ ތަނުގައި މާލެއިންނާއި، ރިޒޯޓުތަކުންނާއި، ސަފާރީތަކުން ރަށްރަށަށް ދަތުރު ކޮށްފައިވާ ފަރާތްތަކުން ކޮވިޑް-19 އަށް ޝައްކުވާ އަލާމަތެއް ފެނިއްޖެނަމަ، ލަސްނުކޮށް، އެޗްޕީއޭ އަށް އެންގުމަށް އެދިއްޖެއެވެ.

ކޮވިޑް-19 ފެތުރުން ކޮންޓްރޯލް ކުރުމަށް ޓަކައި މާލެ ޞަރައްޙަދު ފިޔަވައި ރާއްޖޭގެ ހުރިހައި ރަށެއްގައި ޚާއްޞަ ފިޔަވަޅުތައް އެޅުމަށް ޑިރެކްޓަރ ޖެނެރަލް އޮފް ޕަބްލިކް ހެލްތު އަންގަވައިފިއެވެ.

އާންމު ޞިއްޙަތު ރައްކާތެރި ކުރުމުގެ ޤާނޫނުގެ ދަށުން ޑިރެކްޓަރ ޖެނެރަލް އޮފް ޕަބްލިކް ހެލްތައް ލިބިގެންވާ ބާރުގެ ދަށުން މާލެ ޞަރަހައްދު ފިޔަވައި ރާއްޖޭގެ ހުރިހައި ޞަރަހަދެއްގައި މިއަދު ހަވީރު 06:00 އިން ފެށިގެން ޚާއްޞަ ފިޔަވަޅުތައް އަޅަން ނިންމާ ކަމާއި ގުޅޭ އިދާރާތަކައް ވަނީ މިކަން ތަންފީޒުކުރަން އަންގަވާފައެވެ.

މި ވަގުތައް އެންމެ މުހިންމީ ކޮވިޑް-19 ފެތުރުން ހުއްޓުވުން ކަމަށް މިިނިސްޓަރ އޮފް ޓޫރިޒަމް އަލި ވަހީދު ވިދާޅުވެއްޖެއެވެ. އެމަނިކުފާނު މިހެން ވިދާޅުވީ ޔޫއެންޑަބްލިއުޓީއޯގެ ގްލޯބަލް ކްރައިސިސް ކޮމިޓީގައި ވާހަކަފުޅު ދައްކަވަމުންނެވެ.

އިއްޔެ އެކަނި އެމެރިކާއިން ކޮވިޑް-19 ޖެހިގެން 4،491 މީހުން މަރުވެއްޖެއެެވެ.

މަސްޖިދުލް ޙަރަމްއަށް ވަންނަ މީހުންގެ ހަށިގަނޑުގެ ފިނުހޫނުމިން ބެލުމަށް ޚާއްޞަ ތަރމަލް ސްކޭން ކެމެރާތަކެއް ހަރުކޮށްފިއެވެ.

ކޮވިޑް-19 އިން ސަލާމަތްވުމަށް ބައިނަލްއަޤުވާމީ ޖަމްޢިއްޔާ ޖަމާއަތްތަކުން ކުރަމުންދާ މަސައްކަތުގައި އެހީތެރިވުމަށް، ސައުދީއަރަބިއްޔާއިން 500 މިލިއަން ޑޮލަރު ދިނުމަށް ވައުދުވެއްޖެއެވެ.

އެ ހޮސްޕިޓަލުން ބުނީ މިވަގުތު ކުރިއަށް ދަމުންދާ ލޮކް ޑައުން މުއްދަތުގައި ޓްރީ ޓޮޕް ހޮސްޕިޓަލުގެ ޑައިލީސިސް ޑިޕާޓްމެންޓް ހުޅުވިފައި ހުންނާނެ ގަޑިތަކަކީ ކޮންމެ ހަފްތާއެއްގެ ހޮނިހިރު ދުވަހުން ފެށިގެން ބުރާސްފަތި ދުވަހުގެ ނިޔަލަށް ހެނދުނު 0900 އިން 1200 އަށް އަދި މެންދުރުފަހު 1400 އިން 1900 އަށް ކަމަށެވެ.

ޓްރީ ޓޮޕް ހޮސްޕިޓަލުގެ ޑައަލިސިސް ޔުނިޓު ފަރުމާކުރެވިފައިވަނީ އެންމެ ޒަމާނީ ޑައިލިސިސް ހަދާ ވަސީލަތްތަކުގެ އެހީގައި ފަރުވާގެ ފުރިހަމަ ނަތީޖާ ނެރުމަށް އަމާޒު ކޮށްގެންކަމަށް ހޮސްޕިޓަލުން ބުންޏެވެ. މިޔުނިޓުގައި ދުވާލަކު 21 މީހުންނަށް ޑައަލިސިސްގެ ޚިދުމަތް ދެވެންހުރެއެވެ. ބަލިމީހުންނަށް ޚިދުމަތް ދިނުމުގައި ތަޖުރިބާކާރު ސްޕެޝަލިސްޓް ކޮންސަލްޓަންޓް ނެފްރޮލޮޖިސްޓުންނާއި ހުނަރުވެރި ކްލިނިކަލް ކެއަރ ޓީމެއް ޝާމިލްވާކަމަށް ހޮސްޕިޓަލުން ބުންޏެވެ.

ހުކުރު ދުވަހުގެ ހަވީރު 6:00 އިން ފެށިގެން ރާއްޖޭގެ އެއްވެސް ރަށަކުން އަނެއް ރަށަށް ދަތުރުކުރުން މަނާކޮށްފި އެވެ.

އެޗްޕީއޭގެ އާންމު އިއުލާންގައިވަނީ ޕާޓީތަކާއި ހަފްލާތައް ބޭއްވުމާއި، މާހެފުމާއި، ދަތުރު ދިޔުމާއި، މޫދަށް އެރުމާއި، ކުޅިވަރު ކުޅުމާއި، އިޖުތިމާއީ އެ ނޫންވެސް އެއްވެސް ހަރަކާތެއް ކުރިއަށްގެންދިއުން މަނާކޮށްފައިވާކަމަށެވެ. އަދި ކޮންމެހެން ކުރަންޖެހޭ ދަތުރުތަކާއި މުދާ އުފުލުމުގެ މަސައްކަތްތައް ކުރިއަށްގެންދާންޖެހެނީ ކައުންސިލްތަކުގެ ހުއްދަ ހޯދައިގެންކަމަށް އެޗްޕީއޭގެ އެންގުމުގައިވެއެވެ.

މާލެއިން ފުރަތަމަ ފަހަރަށް ކޮވިޑް-19 އަށް ޕޮޒިޓިވްވި މީހާ އަށް ބަލި އެރިގޮތް ހޯދުމުގައި ދަތިތަކެއް އެބަހުރި ކަމަށް ނެޝަނަލް އެމެޖެންސީ އޮޕަރޭޝަން ސެންޓަރ (އެންއީއޯސީ) އިން ބުނެފި އެވެ.

މާލެއިން ކޮވިޑް-19 އަށް ތިން މީހަކު ވަނީ ޕޮޒިޓިވްވެފަ އެވެ. އޭގެ ތެރެއިން ބަލި ޖެހުނު ފުރަތަމަ މީހާ އަކީ ޓްރެވެލް ހިސްޓްރީ އެއް ނެތް މީހެކެވެ. އެމީހާ އަކީ މ. ޖަރީމާގޭގައި ދިރިއުޅޭ މީހެކެވެ. އެމީހާއާ އެކި ގޮތްގޮތުން ބައްދަލުވި މީހުން ހޯދައި އެމީހުން އެކަހެރި ކުރުމުގެ މަސައްކަތް ހެލްތް ޕްރޮޓެކްޝަން އެޖްނެސީ (އެޗްޕީއޭ) އިން ދަނީ ކުރަމުންނެވެ.

ބުރާސްފަތި ދުވަހު އެންއީއޯސީން ބޭއްވި ނޫސްވެރިންގެ ބައްދަލުވުމުގައި ޑރ. އިބްރާހިމް އަފްޒަލް ވިދާޅުވީ، މާލެ އިން ޕޮޒިޓިވްވި މީހާ އަށް ބަލިއެރި ގޮތް ނުވަތަ ''އިންޑެކްސް ސޯސް'' ހޯދުމަށް ވަރަށް ގިނަ މަސައްކަތްތަކެއް އެބަކުރެވޭ ކަމަށެވެ. އެކަމަކު އެއީ ކާކުކަން އަދި މިހާތަނަށް ހޯދިފައި ނުވާކަން އޭނާ ފަހާގަކުރެއްވި އެވެ.

ނައިޖީރިއާގައި ކޮވިޑް-19 ޖެހިގެން މަރުވި މީހުންނަށްވުރެ، އެ ޤައުމުގައި އިއުލާނުކޮށްފައިވާ ކާފިއުއާ ޚިލާފުވެގެން މަރާލި މީހުންގެ އަދަދު އިތުރުވެއްޖެއެވެ.

އެކަމާ ގުޅޭގޮތުން އަލްޖަޒީރާގައި ރިޕޯޓްކޮށްފައިވާ ގޮތުން ނައިޖީރިއާގައި އިއުލާނުކޮށްފައިވާ ކާފިއު ތަންފީޒު ކުރުމަށް އެ ޤައުމުގެ ސަލާމަތީ ބާރުތަކުން މަސައްކަތް ކުރަމުން ދާއިރު، މިހާތަނަށް އެ އަމުރުތަކަށް ބޯނުލެނބި 18 މީހަކު މަރާލާފައިވެއެވެ. އަދި މިއީ އެ ޤައުމުން ކޮވިޑް-19 ވައިރަސް ޖެހިގެން މަރުވާ މީހުންނަށްވުރެ ގިނަ އަދަދެއް ކަމަށް އެ ޤައުމުގެ އިންސާނީ ހައްޤުތަކާބެހޭ އިދާރާތަކާ ޙަވާލާދީ އަލްޖަޒީރާގައި ރިޕޯޓްކޮށްފައިވެއެވެ.

ބުދަ ދުވަހު ނައިޖީރިއާގެ ނޭޝަނަލް ހިއުމަން ރައިޓްސް ކޮމިޝަނުން ނެރުނު ރިޕޯޓެއްގައި ވާގޮތުން މިހާތަނަށް ސަލާމަތީ ބާރުތަކުން ކާފިއު ތަންފީޒު ކުރުމުގައި އިންސާނީ ހައްޤުތަކާ ޚިލާފުވެފައިވާކަމަށް ބުނެ ހުށައަޅާފައިވާ 105 މައްސަލައެއް ހިމެނޭއިރު، ނައިޖީރިއާގެ 24 ސްޓޭޓަކުން މައްސަލަތައް ހުށައެޅިފައިވެއެވެ.