ކޮވިޑް-19: އެންމެ ފަހުގެ

ބޭރަށް ނިކުތުމަށް ފާސްތައް ދޫކޮށްފައި ހުރި ކަންކަމަށް ނޫން ކަންކަމަށް ފާސްތައް ބޭނުންކުރަމުންދާކަން ފާހަގަކުރެވޭ ކަމަށް ޑެޕިޔުޓީ ކޮމިޝަނަރ އޮފް ޕޮލިސް އަބްދުލް މަންނާން ޔޫސުފް ވިދާޅުވެއްޖެ އެވެ.

މިވަގުތު ބަލަންޖެހޭނީ ކޮންމެ މީހަކީވެސް ބަލި ޖެހިފައިވާ މީހެއްކަމަށާއި ސަމާލުކަންދީގެން ނޫނީ ނޫޅުމަށް މަބްރޫކް އެދިވަޑައިގެންނެވި އެވެ.

ވީހާވެސް ބޮޑަކަށް މީހުންނާ ދިމާނުވެ ޑެލިވަރީގައި ސަމާލުވެ އޮންލައިންކޮށް ޚިދުމަތްތައް ހޯދުމަށް މަބްރޫކް ވިދާޅުވި އެވެ. އަދި ކޮންމެހެން ނިކުންނަން ޖެހޭ ވަގުތުތަކުގައިވެސް ގައި ދުރުކަން ގެންގުޅުމަށް ވަރަށް ބޮޑަށް ވިސްނެވުމަށް ޑރ ނަޒްލާ ވިދާޅުވި އެވެ.

ކޮވިޑް-19 އަށް ޝައްކު ކުރެވިގެން ސްކްރީނިންގ ޓެސްޓް ހެދި އުލިގަމުގައި ހުރި މީހަކު ވަނީ ސްކްރީނިންގ އަށް ޕޮޒިޓިވްވެފައި. ނަމަވެސް ކޮވިޑް-19 އަށް އޭނާ ޕޮޒިޓިވްވި ކަމެއް ހާމައެއް ނުކުރޭ.

މިއަދި 6 ވެންޓިލޭޓަރެއް ރާއްޖެ އައިސްފައިވާ ކަމަށާއި އިތުރު ވެންޓިލޭޓަރުތައް ރާއްޖެ އައުމުގެ މަގުމަތީގައިވާ ކަަމަށް މަބްރޫކް ވިދާޅުވި އެވެ.

މިއަދު ޕޮޒިޓިވްވި 16 ކޭސްއާއި ގުޅިގެން ކޮންޓެކްޓް ޓްރޭސިން ހެދުމުގެ މަސައްކަތް ކުރަމުން ދަނީ. މިހާތަނަށް ފުލޫކްލިނިކަށް ދެއްކި ބިދޭސީ މީހާގެ ކޮންޓެކްޓް ޓްރޭސިންގެ ތެރެއިން 4 މީހަކު ވަނީ ދެނެގަނެވިފައި. އެހެންކަމުން އިތުރު ކޮންޓެކްޓް އަދި އަންނާނެ.

މިއަދު ފެނުނު ކޭސްތަކުގެ ކޮންޓެކްޓް ޓްރޭސިންގ ހަދަމުންދާ ކަމަށް ޑރ ނަޒްލާ ވިދާޅުވި އެވެ. މީގެކުރިން ޕޮޒިޓިވްވި ކޭސްތަކުގައި ދީފައިވާ ލަފައާ ޚިލާފަށް ކަންކަންކޮށްގެން ޕޮޒިޓިވް ކޭސްއަކާ ހަމައަށް ގޮސްފައިވާކަން ފާހަގަކުރެވިފައިވާ ކަމަށް ޑރ ނަޒްލާ ވިދާޅުވި އެވެ.

ޓެގް ޓީމުން މަޝްވަރާ ކުރަމުންދަނީ ވަގުތުން ވަގުތަށް އަޅަންވީ ފިޔަވަޅުތަކެއް. އެލްޖީއޭ އެޗްޕީއޭ އާއެކު ކައުންސިލްތަކަށް ބާރު ދިނުމަށް މަޝްވަރާ ކުރެވިފައިވޭ.

ހުރިހާ އަތޮޅެއްގައިވެސް ސާމްޕަލް ނެގޭނެކަމަށާއި ސާމްޕަލް ނެގުމަށްފަހު މާލެ ގެނެސް ޓެސްޓް ކުރަމުންދާ ކަމަށް މަބްރޫކް ވިދާޅުވި އެވެ. މާލޭގައި ޓެސްޓިންގ ކެޕޭސިޓީ އިތުރުކުރުމަށް ދަނީ މަސައްކަތްކުރަމުން ކަމަށް މަބްރޫކް ވިދާޅުވި އެވެ.

ޓެސްޓިންގ ކެޕޭސިޓީ އައިޖީއެމްއެޗްގައި އިތުރުކުރުމަށް މަސައްކަތް ކުރަމުންދާ ކަމަށާއި ނަމަވެސް އެކަންވާނެ ވަކި ދުވަހެއް އަދި ނޭންގޭ ކަމަށް މަބްރޫކް ވިދާޅުވި އެވެ.

މިވަގުތު މުހިންމީ ކްލަސްޓަރ ތައް ބެލުމާއި މާލޭގައި ވައިރަސް ކޮންޓްރޯލް ކުރުން ކަމަށް މަބްރޫކް ވިދާޅުވި އެވެ.

ހއ އުލިގަމުން އަލާމާތް ހުރެގެން ހެދި ސްކްރީނިން ޓެސްޓް ޕޮޒިޓިވްވެފައިވާ ކަމަށާއި އެމީހާ ކޮރޯނާއަށް ޓެސްޓް ކުރުމުގެ މަސައްކަތް ކުރަމުންދާ ކަމަށް މަބްރޫކް ވިދާޅުވި އެވެ. މިމީހާއަކީ މާލޭގައި ހުރެފައި އުލިގަމަށް ދަތުރުކުރި މީހެއް ކަމަށް މަބްރޫކް ވިދާޅުވި އެވެ.

ކޭސް 21 އާ ގުޅުންހުރި އެކަކު ކޮންޓެކްޓް ޓްރޭސިންގ އާ ގުޅުންހުރި ރަނގަޅު މައުލޫމާތު ދެމުން ނުދާކަން ފާހަގަކުރެވޭ ކަމަށް ޑރ ނަޒްލާ ވިދާޅުވެއްޖެ އެވެ.

ޖުމްލަ : 3982 ސާމްޕަލް

ނެގެޓިވް : 3676 ސާމްޕަލް

ނުލިބޭ : 254 ސާމްޕަލް

މިއަދު ޕޮޒިޓިވްވި 13 ބަންގުލަދޭޝް މީހުންނަކީ ލިލީގައި މަސައްކަތް ކުރާ މީހުން

އެމީހާ ޕޮޒިޓިވްވެފައިވަނީ ޓެސްޓް ހެދުމުން

ހއ އިހަވަންދޫ މޮނިޓަރިންގ ހާލަތަށް ގެނެސްފައިވާ ކަމަށް ހއ ހޮސްޕިޓަލްގެ މެނޭޖަރ އަޝްރަފް ވިދާޅުވެއްޖެ އެވެ.

ކޮވިޑް-19 މާލެ އިން ފެނުމާއި ގުޅިގެން މާލެ ލޮކްޑައުން ކޮށްފައި ވަނިކޮށް، މާލެ މަގުމައްޗަށް ނިކުމެ އުޅުނު 39 މީހަކު ޖޫރިމަނާ ކޮށްފައިވާ ކަމަށް ފުލުހުން ބުނެފި.

ޒަރޫރީ ބޭނުމެއްނެތި މާލޭގެ މަގުމައްޗަށް ނިކުމެ އުޅުނު 92 މީހަކު ފުލުހުންގެ ބެލުމުގެ ދަށަށް ވަނީ ގެންގޮސްފަ އި.

ހޮނިހިރު ދުވަހު ދަރުބާރުގޭގައި ބޭއްވި ނޫސްވެރިންގެ ބައްދަލުވުމުގައި، އެސިސްޓެންޓް ކޮމިޝަނަރަ އޮފް ޕޮލިސް ޑރ. އަބްދުﷲ ފައިރޫޝް ވިދާޅުވީ، ފުލުހުންގެ ބެލުމުގެ ދަށަށް ގެންދެވެނު މީހުންގެ ތެރެއިން ބައެއް ފަރާތްތަކަކީ ހައްޔަރު ކުރުމުގެ މަގްސަދުގައި ގެންދެވުނު ބައެއް ނޫން ކަމަށާއި، އޭގެ ތެރޭގައި ހިމެނޭ ބައެއް މީހުންނަކީ އެއްވެސް ގެދޮރެއް ނެތް ފަރާތްތައް ކަމަށް.

އަސާސީ ބޭންކިންގ ޚިދުމަތްތައް ދިނުމަށްޓަކައި މިއަދު ބޭންކް ހުޅުވާނެ ކަމަށް ބޭންކް އޮފް މޯލްޑިވްސް (ބީއެމްއެލް) އިން ބުނެފި.

ބީއެމްއެލް އިން ބުނީ އާދިއްތަ ދުވަހުގެ ހެނދުނު 9:30ން ފެށިގެން 12:30ށް ބޭންކް ހުޅުވިފައިވާ ހުންނާނެ ކަމަށް. އެގޮތުން މި ގަޑިތަކުގައި ރާއްޖޭން ބޭރަށް ފައިސާ ޓްރާންސްފަރ ކުރުމާއި ޕޭ ރޯލް ހިދުމާއި އޭޓީއެމް މެދުވެރިކޮށް ޖަމާކުރާ ޗެކް ޕްރޮސެސް ކުރުމުގެ އިތުރުން ލޯކަލް ބޭންކް ޓްރާންސްފަރގެ ހިދުމަތް ލިބިގެންދާނެ ކަމަށް.

މިމަހުގެ 20 ވަނަ ދުވަހު ބަންގްލަދޭޝް ސަރުކާރުގެ އެހީއާއިއެކު އެ ގައުމުގެ ސަރުކާރުން ހަމަޖައްސައިދީފައިވާ މިލިޓަރީ އެއާރކްރާފްޓެއްގައި ދިވެހިން ގޮވައިގެން ރާއްޖެއަށް ދަތުރުކުރާނެކަމަށް ސަރުކާރުން ހާމަކޮށްފިއެވެ.

ހޮނިހިރު ދުވަހުގެ ރޭ އެންއީއޯސީގައި ބޭއްވި ނޫސްވެރިންގެ ބައްދަލުވުމެއްގައި މަބްރޫކް ވިދާޅުވީ، ބަންގްލަދޭޝްފގެ ސަރުކާރުން ހަމަޖައްސާފައިވާ ފްލައިޓުން އައުމަށް ހަމަޖެހިފައިވަނީ ކަޓަމަންޑޫ އެއާރޕޯޓަށް އައިސް ފްލައިޓް ކެންސަލްވުމާއި ގުޅިގެން ނުފުރި، ނޭޕާލުގައި ތިބި 18 ދިވެހި ކިޔަވާކުދިން ގެންނާނެކަމަށެވެ.

މަބްރޫކް ވިދާޅުވީ ނޭޕާލުން ޑާކާއަށް ދިއުމަށްފަހު ޑާކާއިން ރާއްޖެ ގެންނާނެކަމަށެވެ.

އިތުރަށް ވާހަކަ ދައްކަވަމުން މަބްރޫކް ވިދާޅުވީ،ބަންގްލަދޭޝްގައި ކިޔަވަން ތިބި 51 ދިވެހިންނާއި ރާއްޖެއަށް މިހާލަތަުގައި އެހީތެރިވެދިނުމަށް މެޑިކަލް ޓީމެއް އައުމަށް ހަމަޖެހިފައިވާކަމަށެވެ. އަދި ޓީމްގައި 10 ސިއްހީ މާހިރުން ހިމެނޭކަމަށް އޭނާ ވިދާޅުވިއެވެ.

ކޮވިޑް-19 އާއި ގުޅިގެން މާލެސިޓީގައި އިއުލާންކޮށްފައިވާ ލޮކްޑައުންގައި މިއަދު މަގުމައްޗަށް ނިކުތް 92 މީހެއް ފުލުހުންގެ ބެލުމުގެ ދަށަށް ގެންގޮސްފައިވާކަމަށް މަބްރޫކް ވިދާޅުވިއެވެ. އަދި އޭގެތެރެއިން އެކަކު ވަނީ ޖޫރީމައިނާކޮށްފައެވެ.

މާލެއިން ކޮވިޑް-19 އަށް ޕޮޒިޓިވްވި މީގހުންގެ ތެރޭގައި މާބަނޑުމީހެއް ހިމެނޭކަމަށް ކޮވިޑް-19ގެ ޓަސްކް ފޯހުގެ ތަރުޖަމާން މަބްރޫކް އަޒީވް ވިދާޅުވެއްޖެއެވެ.

މަބްރޫކް މިހެން ވިދާޅުވީ އެންއީއޯސީގައި ކުރިޔަށްދާ ނޫސްވެރިންގެ ބައްދަލުވުމުގައެވެ.