ކޮވިޑް-19: އެންމެ ފަހުގެ

ކުރިން ޙާލަތަށް ބަލައި މާސްކް އަޅަން ކޮންމެހެން ނުޖެހޭކަމަށް ބުނެފައިވީނަމަވެސް، މިހާރުގެ ޙާލަތަށް ބަލައި، ބޭރަށް ނުކުންނަ ނަމަ މާސްކް އެޅުމަށް ޑރ އަލީ ލަތީފް އެދިވަޑައިގަތް، ނަމަވެސް އެއަށްވުރެ ބޮޑަށް އަދިވެސް އިޖުތިމާއީ ގައިދުރުކަން ފަދަ ކަންކަމަށް ޚާއްސަ ސަމާލުކަމެއް ދިނުމަށް އެދިވަޑައިގެންނެވި

ރާއްޖެއިން ބޭރުގައި އުޅޭ ދިވެހިންގެ ކަންކަމަށް އާސަންދައިން 1.9 މިލިއަން، ޒަކާތު ފަންޑުން 2.5 މިލިއަން ރުފިޔާ މިހާތަނަށް ޚަރަދުކޮށްފައިވޭ. އެ ފަރާތްތަކުގެ ޙާލު ސަރުކާރުން ދަނީ ގާތުން ބަލަމުން -މަބްރޫކް-

ޑޮކްޓަރ އަލީ ލަތީފް ވިދާޅުވީ، ބަލި ކޮންޓްރޯލް ކުރުމަށް އެޅޭނެ އެންމެ ބޮޑު ފިޔަވަޅަކީ ތެދުހެދުން ކަމަށް، އެގޮތުން ކޮންޓެކްޓްވާ ފަރާތްތަކުގެ ތެދު މައުލޫމާތު ހާމަ ކުރުމާއި، ބަލީގެ އަލާމަތްތައް ފެނުމުން ތެދަށް އެ މައުލޫމާތުތައް ހިއްސާ ކުރުމަށް އެދިވަޑައިގެންފައިވޭ، އޭގެ އިތުރުން މިކަމުގައި އެންމެންގެ އެއްބާރުލުން ބޭނުންވާކަން ޑޮކްޓަރ ފާހަގަކުރެއްވި.

ރާއްޖެއިން މިހާތަނަށް ޕޮޒިޓިވްވި މީހުންގެ ޖުމްލަ އަދަދު 67 ށް އަރައިފި އެވެ. މީގެތެރޭގައި ހިމެނެނީ 29 ދިވެހިންނާއި 38 ބިދޭސީންނެވެ.

އަލުން ޕޮޒިޓިވް ވި 7 މީހުންގެ ތެރޭގައި ހިމެނެނީ 3 ދިވެހިންނާއި 4 ބިދޭސީން ކަމަށް މަބްރޫކް ވިދާޅުވި އެވެ.

މޮނިޓަރިންގ ގައި ހުރި ގެތަކާއި ހޯމް އައިސޮލޭޝަންގައި ތިބި މީހުން ބޭރަށް ނިކުމެ އުޅޭނަމަ އެކަން އެންގުމަށް މަބްރޫކް އެދިވަޑައިގަންފަ އެވެ.

މިއަދު ޕޮޒިޓިވްވި މީހުންގެ ތެރޭގައި 60 އަހަރުން މަތީގެ މީހެއް ހިމެނޭ ކަަމަށާއި ޕޮޒިޓިވްވި މީހުންގެ ހާލު ރަނގަޅުކަމަށް ޑރ ނަޒްލާ ވިދާޅުވި އެވެ.

މިއަދު ޕޮޒިޓިވްވި އިހުސާން ފިހާރަ އަދި ބީއެޗްއެމް ގެ ސްޓާފުންނަކީ އެތަންތާންގެ ކުންފުނީގެ މަސައްކަތްކުރާ މީހުންކަމަށާއި އެކުންފުނިތަކުގެ ދަށުން ފިހާރަތައް ހުރި އިރު އިތުރު މައުލޫމާތު ސާފުވަމުންދިޔުމާއެކު އިހުސާން ފިހާރަ އަދި ބީއެޗްއެމް އަށް ދިޔަ މީހުން މައުލޫމާތު ހިއްސާކުރުމަށް ފަހުން އަންގާނެކަމަށް ޑރ ނަޒްލާ ވިދާޅުވި އެވެ.

ފްލޫ ކުލިނިކަށް ދައްކަން ދާ އެންމެންގެ ޓެސްޓްތައް މިހާރު ހަދަމުންދާ ކަމަށް ޑރ ނަޒްލާ ވިދާޅުވި އެވެ.

ކުރިން މައުލޫމާތު ނުދޭ މީހާ ކޮންޓެކްޓް ޓްރޭސިންގ މައުލޫމާތު އަންނަނީ ދެމުން ކަމަށާއި މިހާތަނަށް އާއިރު ގިނަ މައުލޫމާތުތަކެއް ދީފައިވާކަމަށް ޑރ ނަޒްލާ ވިދާޅުވި އެެވެ.

ކޭސް 34 : 454 މީހުން

ކޭސް 37 އާއި 49 އާ ދެމެދު އިތުރު 35 މީހުން

ކޭސް 50 އަދި 51 އާ ގުޅޭ 50 މީހުން

ކޭސް 52 އާ ގުޅޭ 150 ށް ވުރެ ގިނަ މީހުން

ކޮންޓެކްޓް ޓްރޭސިން ހެދުމަށްދާއިރު އައިސޮލޭޝަން ފެސިލިޓީތަކަށް ގެންދަނީ ހައިރިސްކް އަދި މީޑިއަމް ރިސްކް މީހުން ކަމަށާއި ދެން ތިބި މީހުން ހޯމް އައިސޮލޭޝަންގައި ބައިތިއްބާ ކަމަށް ޑރ ނަޒްލާ ވިދާޅުވި އެވެ.

މިއަދު ފެނުނު ކޭސްތަކުގެ ކޮންޓެކްޓް ޓްރޭސިން ހަލުވި މިނުގައި ކުރިޔަށްދާ ކަމަށް ޑރ ނަޒްލާ ވިދާޅުވި އެވެ. އަދި މިރޭ އޭގެ އަޕްޑޭޓް ލިބޭނެކަމަށް ޑރ ނަޒްލާ ވިދާޅުވި އެވެ.

މިއަދު ކޮވިޑް-19 އަށް ޕޮޒިޓިވްވި ބަންގްލަދޭޝް ދެ މީހުންނަކީ މާލޭގެ އިހުސާން ފިހާރައިގައި މަސައްކަތްކުރާ މީހުން

މިއަދު ޕޮޒިޓިވްވި 56 ވަނަ މީހާއަކީ 34 ގެ ކޮންޓެކްޓް

މިއަދު ފެނުނު 53 ވަނަ ކޭސް އަކީ ދިވެއްސެއް، ބީއެޗްއެމްގައި އުޅޭ ޑެލިވަރީ ސްޓާފެއް

ރާއްޖޭގެ އެކި ރަށްރަށާއި މާލެ ސިޓީ އަދި ރިސޯޓްތަކާއި ސަފާރީ ވަނީ މޮނިޓަރިންގ ގައި

ޖުމްލަ : 60 ޕޮޒިޓިވްވި

ސާމްޕަލް: 4139

ނެގެޓިވް: 3834

ނަތީޖާ ނުލިބޭ: 245 ސާމްޕަލް

އިސްލާމިކް މިނިސްޓްރީން ބުނީ، ކޮވިޑް-19 ގައި މަރުވާ މީހުންގެ ކަށުކަމާކެމީގެ ކަންކަން ކުރިޔަށް ގެންދާނެ ގޮތް ރާއްޖޭގައި ތިއްބެވި ޑޮކްޓަރުންގެ ލަފާގެ މަތިން، އެމް.އެން.ޑީ.އެފް ގެ ފަރާތުން ކަނޑައަޅާފައިވާ ފަރާތްތަކަށް އިސްލާމިކް މިނިސްޓްރީގެ ޢިލްމުވެރިން ކިޔާދެއްވާފައިވާކަމަށެވެ.

މުޅި ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 ޖެހުނު މީހުންގެ އަދަދު 2.4 މިލިއަނަށް އަރައިފި އެވެ.

ތަފާސްހިސާބުތައް ދައްކާގޮތުން މިވަގުތާއި ހަމައަށް މުޅި ދުނިޔެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 2,407,339 އަށް އަރާފަ އެވެ. އަދި ބަލީގައި 165,069 މަރުވިއިރު، ބަލި ޖެހުނު މީހުންގެ ތެރެއިން 625,127 މީހަކު ވަނީ ބަލިން ރަނގަޅުވެފަ އެވެ.

އިންދިރާ ގާންދީ މެމޯރިއަލް ހޮސްޕިޓަލް (އައިޖީއެމްއެޗް) އިން މައްޔިތުންގެ މޫނު ދެއްކުން ވަގުތީގޮތުން ހުއްޓާލައިފިއެވެ.

އާދިއްތަ ދުވަހުގެރޭ އައިޖީއެމްއެޗުން ނެރުނު ބަޔާނެއްގައި ބުނީ، ބަލީގެ ޢަލާމާތްތައް ނުފެނި ގިނަ ޢަދަދެއްގެ ބަޔަކު ތިބޭނެކަމަށް ކަމާބެހޭ ތަޖުރިބާކާރުން ބުނަމުންދާއިރު، މިފަދަ ހާލަތެއްގައި ހޮސްޕިޓަލު ތެރެއަށް މި ބަލި ވަދެ، ޑޮކްޓަރެއް، ނަރުހެއް ނުވަތަ އެނޫންވެސް މުވައްޒަފަކަށް މި ބަލި ޖެހިއްޖެނަމަ އެއީ މުޅި މުޖުތަމަޢުއަށް ނުރައްކާތެރިކަން އެތައް ގުނައަކަށް އިތުރުވެގެން ދާނެ ކަމެއް ކަމަށެވެ.

ކޮވިޑް-19 އާއި ގުޅިގެން މާލެސިޓީގައި އިއުލާން ކޮށްފައިވާ ލޮކްޑައުން ހާލަތު ނިމެންދެން، ރާއްޖެޓީވީގެ ބައެއް މުވައްޒަފުން ރާއްޖެޓީވީ ހިނގަމުންދާ އިމާރާތުގައި ތިބުމަށް ނިންމައިފިއެވެ.

މި ގޮތުން އާދިއްތަ ދުވަހުގެ ރެއިން ފެށިގެން މުވައްޒަފުން ވަނީ އިމާރާތުގައި ސްޓޭޝަން ވެފައެވެ. މިކަމާއި ގުޅިގެން ރާއްޖެޓީވީގެ ޑެޕިއުޓީ ސީއޯއޯ ނާޒްމީ ސައީދު ވިދާޅުވީ، ހާލަތު ބަދަލު ވަމުން ދާލެއް އަވަސް ވުމާއެކު، މި ފިޔަވަޅު އަޅަން ނިންމީ އެކި އެކި ސަރަހައްދުތައް ބަންދު ކުރަމުން ދިއުމާއެކު، އެކަންކަމާ ގުޅިގެން ރާއްޖެޓީވީގެ ނޫސްވެރިން ރައްޔިތުންނަށް މި މުހިންމު ދަނޑިވަޅުގައި ދެމުންދާ ޚިދުމަތައް ބުރުލެއް އެރިޔަ ނުދިނުމާއެކު، މުވައްޒަފުންގެ ސަލާމަތާ ރައްކާތެރި ކަމުގެ ގޮތުން ކަމުގައެވެ.

މިގޮތުން ލޮކްޑައުންގެ މުއްދަތު ނިމެންދެން ސްޓޭޝަންގައި ތިބޭ މުވައްޒަފުން ނޫން މުވައްޒަފުން މަސައްކަތް ކުރަމުންދާނީ ގޭގައި ތިބެގެންނެވެ.

އޭޕްރީލް 19 ގެ 23:00 ގެ ނިޔަލަށް

އޭޕްރީލް 15 - 1 މީހެއް

އޭޕްރީލް 16- 2 މީހުން

އޭޕްރީލް 17- 5 މީހުން

އޭޕްރީލް 18- 7 މީހުން

އޭޕްރީލް 19 - 17 މީހުން

ޖުމުލަ : 32 މީހުން

މިވަގުތު ތިބީ 905 ޑޮކްޓަރުން އަދި 2907 ނަރުހުން،

އޭގެ އިތުރުން ބޭރު ޤައުމުތަކުން އަދި ދަރިވަރުން 14 ދުވަހުގެ ކަރަންޓީންގެ މުއްދަތު ނިމުމަށްފަހު މެޑިކަލް ޓީމްތަކާ ގުޅޭނެ

ޑޮކްޓަރުންނާއި ނަރުހުންގެ ޝޯޓޭޖެއް އުޅެދާނެ މިހާރު މިދާގޮތަށް ދާނަމަ، -މަބްރޫކް-

މިހާރު އޭނާ އެއްބާރުލުން ދޭން ފަށައިފި، އަދި ހޯދަން ބޭނުންވި ތަފްސީލްތައްވެސް ދަނީ ލިބެމުން،

އޭގެ އިތުރުން، ވަކި މީހަކަށް އަމާޒުވާ ގޮތަށް ހީއެއްގެ މައްޗަށް މީހުންގެ ފޮޓޯ އާންމުކޮށް، ސީދާ ދޮގު މައުލޫމާތު ފަތުރަން ފެށި، އަދި އެ ފަރާތްތަކާ ހަޑިހުތުރު ބަހުން މުއާމަލާތުކޮށް، ހާސްކަމުގެ ތެރެއަށް ވައްޓާލަމުންދާ ކަމުގެ މައުލޫމާތު ލިބޭ، ވީމާ ކަމާބެހޭ ފަރާތްތަކުން ހާމަކުރާ މައުލޫމާތުގެ އިތުރަށް ހީއެއްގެ މައްޗަށް ބިނާކޮށް، އެފަދަ ކަންކަން ނުކުރުމަށް އިލްތިމާސްކުރަން، އެއްބާރުލުން ނުދީގެން ނުވަތަ ރައްޔިތުންގެ ރައްކާތެރިކަމަށް ބުރޫ އަރާ ހިސާބުން އެފަދަ ފަރާތެއްގެ ނަމާއި ފޮޓޯވެސް އާންމު ކުރެވޭނެ.

-މަބްރޫކް-

އެއްވެސް ކްލަސްޓަރއެއްގެ ފުރަތަމަ ފެންނަ ކޭސްއަކީ ކޮންމެހެން ކޭސްގެ ފެށުމެއް ނޫން، އެއީ ފުރަތަމަ ދެނެގަނެވޭ ކޭސް،

ކޭސްތަކުގެ ފޮޓޯތައް އަދި ހީވާ މީހުންގެ ފޮޓޯ އާންމުކުރާކަން ފާހަގަވޭ، އޭގަ ނުރަނގަޅު މީހުންގެ ފޮޓޯތައްވެސް ދަނީ ދައުރުވަމުން، އެފަދަ ފަރާތްތަކުގެ މައުލޫމާތު އާންމު ކުރުމާ ގުޅޭ ޤަވާއިދެއް ވާނީ ހަދާފައި، އެ ކުރަނީ ޤާނޫނީ ކުށެއް - ޑރ ނަޒްލާ

ކޭސް 35 އާ ގުޅިގެން 45 ކޮންޓެކްޓް ހޯދިފައި

36 ގެ 4 ކޮންޓެކްޓެއް ހޯދިފައި، ތަފްސީލް ހޯދަން ޖެހޭ އިތުރު 200 ކޮންޓެކްޓްސް

37 އިން 49 އަށް ޕޮޒިޓިވްވި ކޭސްތަކާ ގުޅިގެން 68 މީހުން ފާހަގަވެފައި

ކޭސް 50 އަދި 51 އާ ގުޅިގެން 50 އެއްހާ ކޮންޓެކްޓެއް ހޯދިފައި

ކޭސް 52 އާ ގުޅިގެން 131 އެއްހާ ކޮންޓެކްޓް ހޯދިފައި

ޑރ ނަޒްލާ

ކޭސް 35 އާ ގުޅިގެން 45 ކޮންޓެކްޓް ހޯދިފައި

36 ގެ 4 ކޮންޓެކްޓެއް ހޯދިފައި، ތަފްސީލް ހޯދަން ޖެހޭ އިތުރު 200 ކޮންޓެކްޓްސް

ކޭސް 50 އަދި 51 އާ ގުޅިގެން 50 އެއްހާ ކޮންޓެކްޓެއް ހޯދިފައި

ކޭސް 52 އާ ގުޅިގެން 100 އެއްހާ ކޮންޓެކްޓް ހޯދިފައި

ޑރ ނަޒްލާ

ލޮކްޑައުން ހާލަތުގައި ބޭރަށް ދެން ނިކުމެ އުޅޭނަމަ ފުރަތަމަވެސް ކުރާނީ ޖޫރިމަނާކަމަށާއި ޖޫރިމަނާ ކުރާނީ 1000 ރުފިޔާއިން ކަމަށް ފައިރޫޝް ވިދާޅުވި އެވެ. އަދި ދެވަނަ އަށް ޤާނޫނީ ފިޔަވަޅު އަޅާނެކަމަށް ފައިރޫޝް ވިދާޅުވި އެވެ.

މިހާރު މިހަމަޖެހިގެން ދިޔަ ގޮތާއެކު ދެން މާލޭގައި އެއް ވަގުތެއްގައި އުޅޭނީ 625 މީހުންނަށް ކަމަށް ފައިރޫޝް ވިދާޅުވި އެވެ. މާލެ ވަނީ މިހާރު 26 ސަރަހައްދަކަށް ބަހާލާފައެވެ.

މިހާތަނަށް އެއްވެސް މީހަކު ގަވާއިދާ ޚިލާފަށް ބޭރުގައި އުޅެގެން ހައްޔަރުނުކުރާކަމަށް ފައިރޫޝް ވިދާޅުވި އެވެ. ދެން ނަސޭހަތެއް ނުދޭނެކަމަށާއި ފުރަތަމަވެސް ކުރާނީ ޖޫރިމަނާކަމަށް ފައިރޫޝް ވިދާޅުވި އެވެ.

މި ހުއްދަ ދެނީ ހަމައެކަނި ގޭގެއަށް ބޭނުންވާ ކާބޯތަކެތި ގަންނަން ދިޔުމަށް ކަމަށް ޑެޕިޔުޓީ ކޮމިޝަނަރ އޮފް ޕޮލިސް ވިދާޅުވި އެވެ. އެމީހާ ގޮވައިގެންދާ މީހާއަށް ހުއްދަ ދޭގޮތަށް މިހާރު ހަމަޖެހިފައިނުވާކަމަށް ޑެޕިޔުޓީ ކޮމިޝަނަރ އޮފް ޕޮލިސް ވިދާޅުވި އެވެ. ބަލި މީހަކަށް ބޭސް ހޯދުންކަހަލަ ކޮންމެހެން ކުރަންޖެހޭ ކަންކަމަށް ނަންބަރުތަކަށް ގުޅައިގެން އެކަންކަން ކުރުމަށް ޑެޕިޔުޓީ ކޮމިޝަނަރ އޮފް ޕޮލިސް ވިދާޅުވި އެވެ.

ބޭރަށް ނިކުމެ އުޅުމަށް ޑިޒައިންކޮށްފައިވާ ފޯމް ހުންނާނީ މައިގަނޑު 4 ބަޔަކަށް ބަހާލައިގެން ކަމަށް އެސިސްޓެންޓް ކޮމިޝަނަރ އޮފް ޕޮލިސް ވިދާޅުވި އެވެ. ފިހާރައަށް ދިޔުމާއި، ބަލި މީހުން ހޮސްޕިޓަލަށް ދިޔުމާއި ޑިޔުޓީތަކަށް ދިޔުން ހިމެނިފައިވާނެ އެވެ. ޑިޔުޓީތަކަށް ދިޔުމަށް ހުއްދަ ހޯދުމަށް ވަޒީފާ އަދާކުރާ ތަނުން އެމީހަކު އެގަޑީގައި ޑިޔުޓީއަށް ދޭތޯ ޔަގީންކުރުމުގެ ކަންކަން ކުރަމުންދާ ކަމަށް ފައިރޫޝް ވިދާޅުވި އެވެ.

އެއް ސަރަހައްދަކުން މީހުން އެއްފަހަރާއި ނިނުކުމެ މީހުން ނިކުމެ އުޅޭ ސަރަހައްދުތައް މަދުކުރުމަށް މިދަނީ މަސައްކަތް ކުރަމުން ކަމަށް އެސިސްޓެންޓް ކޮމިޝަނަރ އޮފް ޕޮލިސް އަބްދުﷲ ފައިރޫޝް ވިދާޅުވެއްޖެ އެވެ.