ކޮވިޑް-19: އެންމެ ފަހުގެ

ފަރުވާ އަކީ ގޭގައި މަޑުކުރެއްވުން: އަމީން

ވަސީލަތްތައް އިތުރު ކުރުމުގެ މަސައްކަތް ދަނީ ކުރަމުން

ލޮކްޑައުން އަށް ގޮތެއް ނިންމާނީ ޓާސްކް ފޯސްގެ އިތުރުން އެޗްޕީއޭއާއެކު މަޝްވަރާ ކުރުމަށް ފަހު

ފޯނު މެދުވެރިކޮށް ރާއްޖެ ޓީވީގެ ''60 މިނިޓް'' އަށް ދެއްވި ހާއްސަ އިންޓަވިއުއެއްގައި ހެލްތް މިނިސްޓަރު އަމީން ވިދާޅުވީ، ކޮވިޑް-19 އަށް ޕޮޒިޓިވް ކޭސްއެއް ފެނުމާއިއެކު މި ވަގުތު ހެލްތް މިނިސްޓްރީން އެންމެ ބޮޑު އިސްކަމެއްދެނީ ޓެސްޓު ކުރުމާއި، ހައި ރިސްކު މީހުން އައިޑެންޓިފައި ކުރުމާއިއެކު ޕްރައިމަރީ ކޮންޓެކްޓް ޓެސްޓު ކުރުމުގެ އިތުރުން އަލާމާތްތައް ހުންނަ މީހުން ޓެސްޓުކޮށް އެ ފަރާތްތައް އައިސޮލޭޓް ކުރުމުގެ މަސައްކަތް ކަމަށެވެ.

މިނިސްޓަރު ވިދާޅުވީ، މާލޭގެ އިތުރުން ރާއްޖޭގެ އެކި ހިސާބުތަކުގައި މިހާރަށް ބޭނުންވާ ސިއްހީ ވަސީލަތްތައް ހުންނާނެ ކަމަށާއި، އިތުރު ވަސީލަތްތައްވެސް ގާއިމްކުރަމުންދާ ކަމަށެވެ. ސިއްހީ މާހިރުންގެ އެންމެ ބޮޑު އެއް ކަންބޮޑުވުމަކީ ސިއްހީ ނިޒާމަށް ނުކަތާ ވަރަށް ބަލި ފެތުރިގެން ދިޔުމެވެ.

އިތުރު ދެ މީހަކު ކޮވިޑް-19 އަށް ޕޮޒިޓިވްވެއްޖެއެވެ.

އެޗްޕީއޭ އިން ކުރި ޓުވީޓެއްގައި ވަނީ 2 ދިވެއްސެއް ކޮވިޑް-19 އަށް ޕޮޒިޓީވް ވެފައިވާކަމަށާއި އެ ދެމީހުންނަކީ ބަލީގެ އަލާމާތްތައް ހުރެގެން ފްލޫ ކްލިނިކަން ދިޔަ ދެމީހުންކަމަށެވެ. އެއާއި އެކު މާލެއިން ފެނިފައިވާ ކޭސްތަކުގެ އަދަދު ވަނީ 66 އަކަށް އަރާފައެވެ. މި ދެމީހުން މިހާރު އައިސޮލޭޝާން ފެސިލިޓީއަށް ގެންދިއުމުގެ މަސައްކަތްކުރަމުންދާ ކަމަށް އެޗްޕީއޭ އިން ބުންޏެވެ.

މިއަދު އެކަނި 38 ފަރާތެއް ޖޫރިމަނާކުރެވިފައި. ޖޫރިމަނާކުރުމަށްފަހުވެސް މަގުމަތީ އުޅުނު 4 މީހަކު ވަނީ ހައްޔަރުކޮށްފައި

ޑެލިވަރީއަށް އެދުމުން ބައެއް އޯޑަރުތަކަށް މަދުން މުދާ ގަންނަ ކަމުގެ ޝަކުވާ ލިބޭކަމަށާއި އެހެންކަމުން އެއީ ކޮންބައެއް ކަން ބަލާ ރިޕޯޓްކުރުމަށް ފުލުހުން އެދެ އެވެ.

ހުޅުމާލެ މެޑިކަލް ފެސިލިޓީ ގައި މިހާރު ހިނގަމުންދަނީ ފިނިޝިންގ އާއި އިކުުޔެޕްމަންޓް ތައް ވެއްދުމުގެ މަސައްކަތް

26 ފްލޫކުލިނިކް ރާއްޖޭގެ އެކި ސަރަހައްދުތަކުގައި މިވަގުތު އެބަހުރި

78 ކުއްޖެއް ކަރަންޓީނު ނިންމާ މެޑިކަލް ޓީމުތަކާއި ގުޅިފައި

46 މެޑިކަލް ކުއްޖެއް ބަންގްލަދޭޝް އާއި ނޭޕާލުން އައި ކުދިން ކަރަންޓީނުގައި

193 ތަނެއް ބަންދުކޮށްފައި

މިއަދު 43 ބިލްޑިންގ އެއް މޮނިޓަރިންގައި

ޖުމްލަ ސާމްޕަލް : 4418

ޕޮޒިޓިވް : 84

ރިކަވަރީ: 16

އެކްޓިވް : 66

ޕްރޮބެބެލް: 2 ކޭސް

ރާއްޖެއިން ބޭރުގައި 2

262 ނަތީޖާ ނުލިބި 246 އަކީ ކުރެއްދޫއިން ނެގިފައިވާ ސާމްޕަލްތައް

ކޮވިޑް-19 އާ ގުޅިގެން، އިތުރު ހަތަރު ރަށަކާއި ރިސޯޓެއް މޮނިޓަރިންގެ ހާލަތަށް ގެންގޮސްފި އެވެ.

ނޭޝަނަލް އިމަޖެންސީ އޮޕަރޭޝަން ސެންޓަރު (އެންއައިއޯސީ) އިން މިއަދު ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާން މަބުރޫކް އަޒީޒް ވިދާޅުވީ އިތުރު ހަތަރު ރަށަކާއި ރިސޯޓެއް މޮނިޓަރިންގެ ހާލަތަށް އަންގާރަ ދުވަހު ގެނެސްފައިވާ ކަމަށެވެ.

މާލެއިން އިތުރު ދިވެއްސެއް ކޮވިޑް-19ށް ޕޮޒިޓިވްވެއްޖެއެވެ.

އަންގާރަ ދުވަހު ނެޝަނަލް އެމަރޖެންސީ އޮޕަރޭޝަން ސެންޓަރުން ބޭއްވި ނޫސްވެރިންގެ ބައްދަލުވުމުގައި މަބްރޫކް އަޒީޒު ވިދާޅުވީ ހޯމަ ދުވަހު ބޭއްވި ނޫސްވެރިންގެ ބައްދަލުވުމަށްފަހު, އަންގާރަ ދުވަހުގެ ހަވީރު ބޭއްވި ނޫސްވެރިންގެ ބައްދަލުވުމާ ހަމައަށް 17 މީހަކު ޕޮޒިޓިވްވެފައިވާ ކަމަށެވެ. އެޗްޕީއޭއިން އަމަލު ކުރަމުން އަންނަ ގޮތުން ޕޮޒިޓިވްވާ ފަރާތްތައް އައިސޮލޭޝަނަށް ވަގުތުން ގެންދިއުމުގެ މަސައްކަތް ކުރާނެއެވެ.

ކޮންޓެކްޓް ޓްރޭސިންގެ ތެރެއިން 1370 މީހުން، މިހާތަނަށް ދެނެގަނެވިފައިވާކަމަށް، ކޮވިޑް-19 ޓާސްކް ފޯހުގެ ތަރުޖަމާނު މަބްރޫކު އަޒީޒް ވިދާޅުވެއްޖެއެވެ.

އަންގާރަ ދުވަހު ނެޝެނަލް އެމަޖެންސީ އޮޕަރޭޝަން ސެންޓަރުގައި ބޭއްވި ނޫސްވެރިންގެ ބައްދަލުވުމުގައި ވާހަކަދައްކަވަމުން މަބްރޫކް ވިދާޅުވީ ކޮންޓެކްޓް ޓްރޭސިންގގެ މަސައްކަތް ކުރިއަށްދާއިރު 190 އިމާރާތް މޮނީޓަރިންގެ ހާލަތަށް ގެނެވިފައިވެއެވެ. އަދި ހޯމަ ދުވަހު އެކަނި 40 އިމާރާތެއް މޮނީޓަރިންގެ ހާލަތަށް ގެނެފައިވާކަމަށްވެސް މަބްރޫކް ވިދާޅުވިއެވެ.

ކޭސް 68: ތުލުސްދޫގައި މަސައްކަތްކުރި ބަންގްލަދޭޝް މީހެއް

ކޭސް 69: އެމްއެންޑީއެފް ސްޓާފެއް

ކޭސް 70،71،72: އެމްއެޗްއޭގައި މަސައްކަތް ކުރި މީހެއް އަދި އޭނާގެ އާއިލާ، މިއީ އެއް ކްލަސްޓަރ

ކޭސް73: ކޭސް 68 ގެ ކްލޯސް ކޮންޓެކްޓެއް

ކޭސް 74،75: އަމީނީހިޔާ ކޮންސްޓްރަކްޝަގަ މަސައްކަތް ކުރާ މީހުން (ކޭސް 36 ގެ ކޮންޓެކްޓްސް)

ކޭސް 76،77،78: އަންޑޮކިއުމަންޓް ބިދޭސީންތަކެއް، ފުރުވާލަން ގެންގޮސްފައި ޓެސްޓްކުރި އިރު ޕޮޒިޓިވް

ކޭސް 79: ކޭސް 31 ގެ ކޮންޓެކްޓެއް (ޑެންޓަލް ކްލިނިކަކުން އެކްސްޕޯސްވެފައި)

ކޭސް 80: ކޭސް 35 އާއެކު ބޭންކް އޮފް ސިލޯންގައި މަސައްކަތް ކުރާ މީހެއް

ކޭސް 81: އައިޖީއެމްއެޗް ޑީއެޗް 11 ގައި އޮތް ފިރިހެނެއް

ކޭސް 82: ކޭސް 35 ގެ ދަރިފުޅު

ކޭސް 83: އައިޖީއެމްއެޗަށް ބަލިވެގެން ދެއްކި ބަންގްލަދޭޝް މީހެއް

އެމްއެންޑީއެފްގެ މީހުންނަށް ބޭނުންވާ ރައްކާތެރިކަމުގެ ވަސީލަތްތައް ފޯރުކޮށްދީފައިވާނެ، އަދި ފްރަންޓްލައިންގައި މަސައްކަތް ކުރާ ފަރާތްތަކުގެ ރައްކާތެރިކަން ކަށަވަރު ކުރުމުގެ މަސައްކަތް ސަރުކާރުން ކުރޭ،

އެމްއެންޑީއެފްއިން ޕޮޒިޓިވްވި މީހާގެ ރޭންކް އަދި ފްރޮންޓް ލައިންގައި މަސައްކަތް ކުރިތޯ/ނޫންތޯ ބެލުމުގެ މަސައްކަތް ކުރަމުންދާ ކަމަށް މަބްރޫކު ވިދާޅުވި.

ޑީއެޗް 11 ގެ އައިސީޔޫގައި 80 އަހަރުގެ މީހެއް އޮތްއިރު، އޭނާއަކީ ހަކުރުބަލި، ލޭމައްޗަށް ދިއުން، ކޮލެސްޓްރޯލް ހުންނަ މީހެއް، އަދި ނިއުމޯނިއާ ޖެހިގެން މީގެ ކުރިން އެޑްމިޓްވެފައިވާ މީހެއް، އޮކްސިޖަންވެސް ހުރީ ހާލަތު ގޯސްވެގެންދާ ހިސާބުގައި

ދުނިޔޭގެ ސިއްޙަތު ޖަމިއްޔާއިން ނެރިފައިވާ ގައިޑްލައިންތަކުގައި ކޭސް ޑެފިނިޝަން 3 ގޮތަކަށް ބޭނުންކުރޭ، އެއީ ސަސްޕެކްޓް، ކޮންފާރމްޑް އަދި ޕްރޮބެބަލް ކޭސް،

2 ކޭސްއެއް ރާއްޖެއިން ފާހަގަވި ޕްރޮބެބަލް- އެއީ ޓެސްޓް ހެދުމަށްފަހު ކަށަވަރު ނުވާ ނަތީޖާއަކަށް ވެފައި އޭނާއަކީ ސަސްޕެކްޓް ކޭސްއަކަށްވާތީ

ރައްޔިތުންގެ މަޖިލީހުގެ އަންގާރަ ދުވަހުގެ ޖަލްސާ 11 ޖަހާއިރު ފެށުމަށް ހަމަޖެހިފައިވީނަމަވެސް ކަރަންޓު ކެނޑުމާއި ގުޅިގެން ޓެކްނިކަލް މައްސަލައެއް ދިމާވެ، މަޖިލީހުގެ ޖަލްސާ ފެށުން ލަސްކޮށްފި އެވެ.

އެކަމާއި ގުޅިގެން މަޖިލީހުގެ އިދާރާއިން ބުނީ ކަރަންޓު ކެނޑި، ދިމާވި ޓެކްނިކަލް މައްސަލައަކާ ގުޅިގެން ބާއްވަން ހަމަޖެހިފައިވާ ޖަލްސާ ފެށުން ލަސްކުރެވިފައިވާ ކަމަށެވެ. އަދި މައްސަލަ ހައްލު ކުރެވުނުހާ އަވަހަކަށް ޖަލްސާ ފަށާނެ ގަޑި އިއުލާން ކުރާނެ ކަމަށެވެ.

ތެލެސީމިއާ ޕޭޝަންޓުން އެއް ރަށުން އަނެއް ރަށަށް ދަތުރު ކުރުމުގައި އަދި މާބަނޑު މީހުންނަށް ރޭވިފައިވާ އިންތިޒާމް ކުރެވިފައިވާ ގޮތާ ގުޅޭގޮތުން ޑރ ނަޒްލާ ވިދާޅުވީ، ސިއްޙީ ޚިދުމަތް ހޯދުން ފަދަ ޒަރޫރީ ކަންކަމުގައި އެއް ރަށުން އަނެއް ރަށަށް ދެވެން ޖެހޭނެކަމަށް، އަދި ރަށްރަށުގެ ޓާސްކްފޯސްއިން އެޗްޕީއޭއާ ގުޅިގެން އެ އިންތިޒާމްތައް ހަމަޖެހެން ޖެހޭނެ ކަމަށް

މިމަހު 14 އަދި 15 ގައި ބާޒާރު ލިލީއަށް އަދި 15-17 އަށް މ.އިހުސާން ފިހާރައަށް ދިޔަ ފަރާތްތައް އެޗްޕީއޭއަށް ރިޕޯޓް ކުރުމަށް ކޮވިޑް-19 ޓާސްކްފޯސް ޓީމުން އެދިވަޑައިގެންފި. އެއީ މިހާރު ޕޮޒިޓިވްވި ކޭސްތަކުގެ ތެރެއިން ކޭސް 55 އަކީ ބާޒާރު ލިލީގައި އުޅޭ ފަރާތަކަށް ވުމާއި، އިތުރު ކޭސްތަކަކީ އިހުސާން ފިހާރައިގެ ޑެލިވަރީގައި އުޅޭ ފަރާތްތަކާ ގުޅުންހުރި ކޭސްތަކަށް ވާތީ.

ބައްޔަށް ޓެސްޓިންގ ކެޕޭސިޓީ އިތުރު ކުރުމަށް ޓެސްޓް ކުރުމުގެ ކަންކަން އިތުރަށް ހަރުދަނާ ކުރަމުންދާ ކަމަށް ޑޮކްޓަރ ނަޒްލާ މުސްތަފާ ވިދާޅުވި، އެގޮތުން މިހާރު ބެލިބެލުމުން ކްލަސްޓަރތައް މީގެ 2 ނުވަތަ 3 ހަތްފާ ކުރިން ފެށިފައިވާކަން ފާހަގަވެފައިވާ ކަމަށް ވިދާޅުވި.

ޑރ އަލީ ލަތީފް ވިދާޅުވީ، ހަފްތާ އެއްގެ ތެރޭގައި އިތުރު ޓެސްޓް ކިޓްތައް ލިބޭނެ ކަމަށް، ނަމަވެސް މުޅި ކޮމިއުނިޓީ ޓެސްޓް ކުރުމުގެ ވިސްނުމެއް އަދި މިވަގުތަށް ނެތް ކަމަށް، އެއީ ޓެސްޓަށް ހޭދަވާ ވަގުތާ، މިވަގުތުގެ މުހިއްމީ ކޮން ކަންކަމެއްކަން ބަލައި އެންމެ މުހިއްމު ވަގުތުތަކުގައި ޓެސްޓް ހެދޭނެ އިންތިޒާމްތައް ހުރިތޯ ކަށަވަރު ކުރަންޖެހޭ ކަން ފާހަގަކުރެއްވި

މާލޭ ސަރަޙައްދުގައި އިއުލާނުކޮށްފައިވާ ލޮކްޑައުންއާ ގުޅިގެން ފުލުހުން މަގުތައް ބަލަހައްޓަމުންދާއިރު، އެކަންކަމާއި ގުޅިގެން މިހާތަނަށް 95 މީހަކު ފުލުހުން ޖޫރިމަނާކޮށްފައިވާކަމަށް މަބްރޫކު ވިދާޅުވި.

ކޭސް 61: ކޭސް 36 އާއި ގުޅުން ހުރި ކޭސްއެއް

ކޭސް 62، 63، 64: ކޭސް 28 އާއި ގުޅުން ހުރި ކޭސްތައް

ކޭސް 65، 66، 67: ކޭސް 29 އާއި ގުޅުން ހުރި ކޭސްތައް