ކޮވިޑް-19: އެންމެ ފަހުގެ

ދަފްތަރެއް އެކުލަވާލާފައި ޝާއިއު ކުރާނަން ވަރަށް އަވަހަށް، އޭރުން ރައްޔިތުންނަށް އެނގޭނެ އާންމުކޮށް ގޮސް ވިޔަފާރި ކުރެވޭ ފިހާރަތަކާއި، ޑެލިވަރީ ކޮށްދޭ ފިހާރަތައް

އާދިއްތަ ދުވަހު ނޫނީ ހޯމަ ދުވަހު އެ މައުލޫމާތު ޝާއިއު ކުރާނެ،

-ރެޖިސްޓްރާ އޮފް ކޮމްޕެނީޒް. މަރިޔަމް ވިސާމް-

ފުލުހުން ބަލަހައްޓަމުންދާ ތަންތަނުގައި (18 ތަނެއް) ޤަވާއިދާ ޚިލާފަށް ތިބި މީހުންނާ ޤަވާއިދާ އެއްގޮތަށް ތިބި މީހުންވެސް އެބަތިބި، އެއިން ކޮންމެ ތަނެއްގައިވެސް ގާތްގަނޑަކަށް 10 އިންސައްތަ ޓެސްޓް ކުރެވޭ ގޮތަށް އެޗްޕީއޭއާ މި މަޝްވަރާ ކުރަމުންދަނީ،

ފުލުހުންގެ ފޮރެންސިކް ލެބްގައި އިތުރު 15 ޓެކްނީޝަންއަށް ސީދާ ކޮވިޑް-19 އަށް ޓެސްޓް ކުރުމުގެ ތަމްރީނު ދަނީ ދެމުން، އެކަންކަން ހަމަޖެހުމުން ދުވާލަކަށް 190 ޓެސްޓް ކުރެވޭނެ ކަމަށް ބެލެވޭ

-އޭސީޕީ ނަވީން-

އެއްވެސް ހުއްދައެއް ދޫކުރަނީ އެޗްޕީއޭއިން ރިލީސް ލެޓަރ ލިބުނީމާ، ޚާއްސަކޮށް މާލެއިން ބޭރަށް ނުދެވޭނެ އެޗްޕީއޭގެ ޚާއްސަ ހުއްދައެއް ނެތިއެއް،

އެސިސްޓެންޓް ކޮމިޝަނަރ އޮފް ޕޮލިސް ނަވީން-

ނޯތް ހާބަރ ޕޯޓްގައި ޤާއިމުވެ ތިއްބަވަނީ އިކޮނޮމިކް މިނިސްޓްރީ، އެލްޖީއޭ، ޕޯޓް އަދި ފުލުހުންގެ އޮފިޝަލުން، ކޮންމެ ބޯޓެއްވެސް އަތޮޅު ތެރެއިން ފުރައިގެން އަންނައިރު އެލްޖީއޭ ސިސްޓަމުން ނޯތް ހާބަރާ ހިއްސާކުރަން ޖެހޭ، އަދި އުޅަނދު އަންނަ ބޭނުމާ، މުދާ ބޯޓަށް އަރުވައިގެން އަނބުރާ ދާނަމަ އެ ދަތުރެއްގެ މައުލޫމާތު ހިއްސާކުރަން އެބަޖެހޭ،

އެލްޖީއޭ ސިސްޓަމުން ހުއްދަ ލިބުމާއެކު އެ ހުއްދައާބެހޭ މައުލޫމާތު ނޯތް ހާބަރަށް ލިބޭނެ،

ދަނޑުވެރިކަން ކުރާ ރަށްރަށުންވެސް ކައިރީގައި އޮންނަ ރަށެއްގެ ކައުންސިލުން އެ މައުލޫމާތު ހިއްސާ ކުރެވޭނެ،

ފުރާ ކޮންމެ އުޅަނދަކުން ޔަޤީން ކުރަން ޖެހޭ އެލްޖީއޭ ސިސްޓަމް މެދުވެރިކޮށް ކައުންސިލުން އެ މައުލޫމާތު ހިއްސާކޮށްފައިވާކަން، އަދި އުޅަނދު އަނބުރާ ފުރާއިރު ގެންދާ މުދަލުގެ ތަފްސީލުވެސް ހާމަކުރަންޖެހޭ،

އަތޮޅު ތެރެއިން އަންނަ އުޅަނދުގައި ތިބޭ އެއްވެސް ކްރޫއަކަށް މާލެއަށް ނުފޭބޭނެ، ހަމައެކަނި ދެވޭނީ އޭޓީއެމްއަށް ، އެއީވެސް ފުލުހުންނާއި ގުޅިގެން އެ ހުއްދަވެސް ދެވޭނީ

-މަރިޔަމް ވިސާމް، ރެޖިސްޓްރާ އޮފް ކޮމްޕެނީޒް-

އޭގެ ތެރެއިން 47 މީހުން ހައްޔަރުކޮށްފައިވަނީ މާލެއިން، އަދި 2 މީހަކު ހުޅުމާލެއިން

ހޮނިހިރު ދުވަހު މާލެއިން އެކަނިވެސް 17 މީހުން، އަދި ހުޅުމާލެއިން އެކަކު ހައްޔަރުކޮށްފައިވޭ.

މިހާތަނަށް މާލެއިން ޖުމުލަ 543 މީހުން ޖޫރިމަނާކޮށްފައިވޭ، 53 މީހުން ހުޅުމާލެއިން އަދި 32 މީހުން ވިލިމާލެއިން

ހޮނިހިރު ދުވަހު އެކަނިވެސް މާލެއިން 139 މީހުން ޖޫރިމަނާކޮށް، ހުޅުމާލެއިން 23 މީހުން އަދި ވިލިމާލެއިން 5 މީހުން ޖޫރިމަނާކޮށްފައިވޭ.

އޭގެ އިތުރުން، 17 ވެހިކަލް ޕާމިޓެއް ކެންސަލްކޮށްފައިވޭ އެއީ ހުއްދަ ދެވިފައިވާ ޤާނޫނީ އިމުން ބޭރުވެފައިވާތީ

- އެސިސްޓެންޓް ކޮމިޝަނަރ އޮޕް ޕޮލިސް ނަވީން-

ކޮވިޑް-19 އަށް އިތުރު 36 މީހުން ޕޮޒިޓިވްވެއްޖެއެވެ. ޕޮޒިޓިވްވި މީހުންގެ ތެރޭގައި ބަންގްލަދޭޝް އަށް ނިސްބަތްވާ 29 މީހުންނާއި އިންޑިއާ އަށް ނިސްބަތްވާ މީހަކު ހިމެނެއެވެ. ޕޮޒިޓިވް ވި މީހުންގެ ތެރޭގައި 6 ދިވެހިންވެސް ހިމެނެއެވެ. މިއާއި އެކު ރާއްޖެއިން ފެނުނު ކޭސްތަކުގެ އަދަދު މިވަނީ 177 އަށް އަރާފައެވެ.

ކޮވިޑް-19 ގައި މަރުވި މީހުންގެ އަދަދު ދެ ލައްކައަށްވުރެ މައްޗަށް އަރައިފި އެވެ.

ތަފަސްހިސާބުތައް ދައްކާގޮތުން ކޮވިޑް-19 ޖެހުނު މީހުންގެ އަދަދު 2,891,073 އަށް އަރާފައިވާއިރު، މަރުވި މީހުންގެ އަދަދު ވަނީ 201,501 އަށް އަރާފަ އެވެ.

ހޮނިހިރު ދުވަހު އެންއީއޯސީގައި ބޭއްވި ނޫސްވެރިންގެ ބައްދަލުވުމުގައި ޑރ އަލީ ލަތީފް ވިދާޅުވީ، ކޮވިޑް-19 އަށް ފަރުވާ ދިނުމަށްޓަކައި ދިވެހިބޭސް ބޭނުން ކުރުމަށް މިވަގުތު ރިކޮމެންޑް ނުކުރައްވާ ކަމަށާއި، ފަރުވާ ދެވޭނެ ގޮތްތައް ދެނެގަތުމުގެ މަސައްކަތް ޑޮކްޓަރުންވެސް ކުރަމުންދާ ކަމަށް.

ހެލްތް މިނިސްޓަރ އަމީން ވިދާޅުވީ، ދިވެހި ބޭސްވެރިންވެސް ފަރުވާއެއް ހޯދުމަށް މަސައްކަތް ކުރެވިދާނެކަން، އަދި ފަރުވާއެއް ހޯދިއްޖެނަމަ އެކަން ބަލައިގަންނާނެ ކަމަށް، އޭގެ އިތުރުން، މިހާރުވެސް ބައެއް ފަރާތްތަކުން ދިވެހިބޭސްވެރިކަމުގެ ތެރެއިން ފަރުވާއެއް ހޯދުމަށް މަސައްކަތް ކުރަމުންދާ ކަމަށާއި، އެކަމަށްޓަކައި އުފާކުރައްވާކަމަށް ވިދާޅުވި، ނަމަވެސް މިވަގުތަށް އަދި ވަކި ފަރުވާއެއް ހޯދިފައި ނެތްކަން ފާހަގަކުރެއްވި،

އެކި ސަބަބުތަކާހުރެ ތަންތަނުގައި ތާށިވެފައި ތިބި މީހުންނަށް އެ ރަށެއްގެ މީހުންވެސް އަޅާލުން ދޭންޖެހޭ، ރަށްރަށުގައި ޓާސްކްފޯސް ޓީމުތަކުންވެސް އެ މަސައްކަތް ދަނީ ކުރަމުން،

ޑީޖީ މައިމޫނާ އަބޫބަކުރު

ކޮވިޑް-19 އަށް ޕޮޒިޓިވްވާ މީހުން ގިނަވާ 2 ގޮތެއް އޮވޭ، އެއީ ޓެސްޓް ކުރާ މީހުން ގިނަވުމާއެކު ޕޮޒިޓިވް ވުމުގެ ޗާންސް ބޮޑު، އަދި ކޮމިއުނިޓީ ސްޕްރެޑެއް އޮންނަ ނަމަވެސް ޗާންސް ބޮޑު،

މިހާރު ނިންމާފައިވަނީ ކޮމިއުނިޓީ ސަވައިލެންސްއަށް ދާން، އަދި އެކި ސަރަޙައްދުތަކުން މީހުން ދިރިއުޅޭ ތަންތަން ޗެކް ކުރުން، އެގޮތުން ރިސްކް ބޮޑު އަދި ގިނަ މީހުން އުޅޭ ތަންތަނުގައި އުޅޭ މީހުން ޓެސްޓް ކުރާނެ،

ބަލީގެ އަލާމަތް ހުންނަ މީހުން އަމިއްލައަށް ނަގަންޖެހޭ ރައްކާތެރިކަމުގެ ފިޔަވަޅުތައް އަޅައި، މާސްކް އެޅުންވެސް ވަރަށް މުހިއްމު،

ޑރ އަލީ ލަތީފް

ޓެސްޓު ކުރުމުގެ ކަންކަން އިތުރަށް ހަރުދަނާ ކުރުމަށްވެސް ދަނީ މަސައްކަތްތަކެއް ކުރަމުން، އޭގެ އިތުރުން ޕޮޒިޓިވް ކޭސްތަކާ ގުޅުންހުރި މީހުން ފިޔަވައި އެކި ސަރަޙައްދުތަކުގައި ރެންޑަމްކޮށް ޗެކް ކުރާނެ އަދި ޓެސްޓް ކުރެވޭނެ، އެގޮތުން ބެލި ބެލުމުންވެސް ޕޮޒިޓިވް ކޭސްތައް ފެނިފައިވޭ، އަތޮޅު ތެރޭގައިވެސް މި މަސައްކަތް ކުރިއަށްދާނެ، ކޮމިއުނިޓީ ސަވައިލެންސް ކުރިއަށް ގެންދާނެ

އޭގެ އިތުރުން، ވިއްސާރަ މޫސުމާ ދިމާކޮށް ޑެންގީ އިތުރުވޭ އާންމުކޮށް، ވީމާ އިތުރަށް ސަމާލުވާން ޖެހޭ، ޑެންގީ މޫސުމާ ބައްދަލުކުރާއިރު، ސިއްޙީ އިތުރު ނުރައްކަލަކާ ކުރިމަތިވެދާނެ، ވީމާ އެކަމަށް ސަމާލުކަން ދޭންޖެހޭ

ހެލްތް މިނިސްޓަރ އަބްދުﷲ އަމީން

ކޮމިއުނިޓީ ސްޕްރެޑެއް ފެނުނު ފަހުން ބަލި ފެތުރެމުންދަނީ ލަފާކުރެވިފައިވާ ސްޕީޑާ އެއްވަރަށް، މާލެއިން ކޭސްއެއް ފެނުނުއިރު އަތޮޅު ތެރެއަށްވެސް އޭގެ ކުރިން މީހަކު ދަތުރު ކޮށްފައިވެދާނެ ކަމަށް ބެލެވިގެން މަސައްކަތް ކޮށްފައިވާނީ، މިހާރު ފަންނީ ބޭފުޅުންނާއި ޑޮކްޓަަރުން ގުޅިގެން ފަރުވާގެ ކަންކަމަށް ގެންނަންޖެހޭ ބަދަލުތައް ދަނީ ދެނެގަންނަމުން، އެހެންކަމުން ބެލިބެލުމުން ކަރަންޓީނަށް ބަދަލުތަކެއް ގެންނަންޖެހޭ ކަމަށް ބެލެވޭ، އެގޮތުން ރައްޔިތުން ގޭގައި ކަރަންޓީން ކުރަން ޖެހިދާނެކަމަށް މިނިސްޓަރ ވިދާޅުވި،

މިހާރު މަޝްވަރާ ކުރަމުންދަނީ ޕޮޒިޓިވް މީހުން ވަކި ތަނެއްގައި/ވަކި ރަށެއްގައި ބައިތިއްބަން، އަދި ޑައިރެކްޓް ކޮންޓެކްޓްގެ ތެރެއިން އަލާމަތްތައް ހުންނަ މީހުން ގާތުން ބަލަން ޖެހޭ، އިސްކަންދޭ ތަރުތީބަށް ބަލާއިރު، މިހާރު ޤަބޫލު ކުރެވޭ ގޮތުގައި އެންމެ އިސްކަމެއް ދޭން ޖެހޭނީ ޑައިރެކްޓް ކޮންޓެކްޓް ތެރެއިން އަލާމަތް ހުންނަ މީހުންނަށް.

ހެލްތް މިނިސްޓަރ އަބްދުﷲ އަމީން