ކޮވިޑް-19: އެންމެ ފަހުގެ

މިހާތަނަށް ކުރެވޭ މަސައްކަތުން ޖުމްލަ 1500-1800 އާ ދެމެދުގެ ރޫމް، އަދި 3000 ށް ވުރެ ގިނަ ރޫމް އައިސޮލޭޝަނަށް ވަނީ ހަމަޖެއްސިފައިވާ ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ.

ފްލޯޓިންގ ހޮސްޕިޓަލް ގެންނަވަރުގެ ހާލަތެއް އަދި ރާއްޖެއަށް ނާންނަކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ. އަދި މިއޮތް ހާލަތުގައި މިކަންކަން މެނޭޖްކުރެވޭނެކަމަށާއި އަދި ބޭރުގެ އެހީއަށް އެދެން ނުޖެހޭކަމަށް އަލީ ވަހީދު ވިދާޅުވި އެވެ.

ހުޅުމާލޭގައި އިތުރު ފެސިލިޓީސްތައް އަވަސް މުއްދަތެއްގައި ހެދުމަށް މަސައްކަތްކުރަމުންދާ ކަމަށާއި އެކަމަށް މިވަގުތު ޗައިނާގައި ތިބި މީހުންގެ އެހީތެރިކަން ފޯރުކޮށްދެމުން ދާ ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވި އެވެ. ވިލިވަރު އަދި ގުޅީ ފަޅުގައިވެސް ކަރަންޓީނު ފެސިލިޓީތައް ހެދުމުގެ މަސައްކަތް އަންނަނީ ކުރަމުންކަމަށް އަލީ ވަހީދު ވިދާޅުވި އެވެ.

މިހާތަނަށް އައިއިރު ސިފައިންގެ ތެރެއިން 5 މީހަކު ކޮވިޑް-19 އަށް ޕޮޒިޓިވްވެފައިވާކަމަށް ކާނަލް ހުސައިން އަލީ ވިދާޅުވެއްޖެ އެވެ. އަދި އެކޭސްތަކާއި ގުޅިގެން ކަރަންޓީނު ކުރަންޖެހޭ މީހުން ކަރަންޓީނުކުރަމުންދާ ކަމަށް ކާނަލް ހުސައިން އަލީ ވިދާޅުވި އެވެ. މިފަދަ ހާލަތަކަށް އަތުވެދާނެކަމަށް ތައްޔާރަށް އޮތްކަމަށް ކާނަލް ހުސައިން އަލީ ވިދާޅުވި އެވެ.

ހާލަތެއް އަތުވެއްޖެ ނަމަ ރާއްޖޭގެ އުތުރާއި ދެކުނުގައި ކަރަންޓީނު ފެސިލިޓީތައް ގާއިމުކުރުމަށް އެސަރަހައްދުގައި ހުރި ރިސޯޓްތަކާއި ވާހަކަ ދައްކާފައިވާ ކަމަށް އަލީ ވަހީދު ވިދާޅުވެއްޖެ އެވެ.

މިހާރު ހުރި ކަރަންޓީނު ފެސިލިޓީތަކުން މިހާރު ފެންނަމުންދާ އަދަދުތަކަށް މެނޭޖްކުރެވޭނެކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ.

ކަރަންޓީނު ފެސިލިޓީތައް މެނޭޖްކުރުމުގައި ކޮރަޕްޝަންގެ އެއްވެސް އަމަލެއް ހިންގާފައި ނޯންނާނެކަމުގެ ޔަގީންކަން ދެއްވާ ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ. މިހާރުވެސް އިންޓަރނަލް އޮޑިޓިންގ ހެދެމުންދާ ކަމަށް އަލީ ވަހީދު ވިދާޅުވި އެވެ.

ކަރަންޓީނަށް ސިފައިން ދާންޖެހުނަސް ސިފައިން ކުރަމުންދާ މަސައްކަތްތަކަށް ފަސް ނުޖެހި މިކަމުގައި ދެމި ތިބޭނެކަމަށް ކާނަލް ހުސައިން ވިދާޅުވި އެވެ.

ތަފާތު އެކި ކަރަންޓީނު ފެސިލިޓީތައް ހެދުމަގައި ސިފައިން ހަރަކާތްތެރިވާ ކަމަށާއި ފެސިލިޓީތައް މެނޭޖްކުރުމުގެ ކަންކަންވެސް ސިފައިން ހަރަކާތްތެރިވާކަމަށް ކާނަލް ހުސައިން ވިދާޅުވި އެވެ. އެގޮތުން ފެސިލިޓީ ތައް މެނޭޖްކުރުމަށް ސިފައިންނާއި ފުލުހުން އަދި މެޑިކަލް ޓީމު ގުޅިގެން މަސައްކަތްކުރާ ކަމަށް ކާނަލް ހުސައިން ވިދާޅުވި އެވެ.

ރިސޯޓްތަކުގައި ހުރި ކަރަންޓީނު ފެސިލިޓީތައް ސަރުކާރުން ނަގާފައިވަނީ 750 ރުފިޔާއަށް ކަމަށާއި އެއީ ހަމައެކަނި ކާއެއްޗެހި ފޯރުކޮށްދިނުމަށް ދޭ ފައިސާ ނޫންކަމަށް އަލީ ވަހީދު ވިދާޅުވި އެވެ. އެފައިސާ އަކީ އެހެނިހެން ޚިދުމަތްތައްވެސް ހިމެނޭ ގޮތަށް ދޭ ފައިސާކަމަށް އަލީ ވަހީދު ވިދާޅުވި އެވެ.

ރާއްޖޭގެ ރިސޯޓްތަކުގައި ހުރި ކަރަންޓީނު ފެސިލިޓީތައް ސަރުކާރުން ނަގާފައިވަނީ ތިން މަސް ދުވަހުގެ މުއްދަތަށް ކަމަށް އަލީ ވަހީދު ވިދާޅުވި އެވެ.

ރިސޯޓްތަކުގައި ތިބި ސްޓާފުންނަށް އަމިއްލަ ރަށަށް ދިޔުމުގެ އިންތިޒާމު މިދަނީ ހަމަޖައްސަމުންދާ ކަމަށާއި އެ މުވައްޒަފުންނަށް ރަށަށްދެވޭތޯ ޔަގީން ކުރައްވާނެކަމަށް އަލީ ވަހީދު ވިދާޅުވެއްޖެ އެވެ.

މިވަގުތުވެސް ރާއްޖޭގެ 10 ރިސޯޓެއްގައި ފަތުރުވެރިން އެބަތިބި ކަމަށާއި އެމީހުން ގެ ގައުމަށް ދިއުމަށް ފްލައިޓްތައް އައުމުން އެއިންތިޒާމު ހަމަޖައްސަމުންދާ ކަމަށް ޓޫރިޒަމް މިނިސްޓަރ އަލީ ވަހީދު ވިދާޅުވެއްޖެ އެވެ.

މާލޭ ސިޓީ 26 ސަރަހައްދަކަށް ބަހާލާފައިވާއިރު، މިއިން ކޮންމެ ޒޯނެއްގައި އެއް ފަހަރާ މަގުމަތީގައި އުޅޭނީ 65 މީހުން ކަމަށް ފުލުހުން ބުނެފި. އަދި ބައެއް ޒޯންތަކުގައި އެއް ފަހަރާ ނިކުމު އުޅޭ އަދަދުތައް މިއަށްވުރެވެސް މަދުވާނެ ކަމަށް އެސިސްޓަންޓް ކޮމިޝަނަރ އޮފް ޕޮލިސް އިސްމާއިލް ނަވީން ވިދާޅުވި.

ކޮވިޑް-19 އިން ރައްކާތެރިވުމަށް ކުރާ މަސައްކަތަށް 25 އޭޕްރީލް ގެ ނިޔަލަށް 560 މިލިއަން ރުފިޔާ ހަރަދުކޮށްފައިވާކަން ހާމަވެއްޖެ

ޓެސްޓިންގ ކެޕޭސިޓީ އިތުރުކުރުމާއެކު، ނަތީޖާ ނުލިބި ހުރި ސާމްޕަލްތަކުގެ އަދަދު ބޮޑުތަނުން ދަށަށް ގޮސްފި. ފާއިތުވި ދުވަސްތަކުގެ ތެރޭގައި ނަތީޖާ ނުލިބިހުރި ސާމްޕަލްތައް 200 އަށް ވުރެ ގިނަ.