ކޮވިޑް-19: އެންމެ ފަހުގެ

އިކޮނޮމިކް މިނިސްޓަރ ވިދާޅުވީ، މިނިސްޓްރީގެ ޖޮބް ސެންޓަރަށް މިހާތަނަށް 2291 ޝަކުވާ ހުށައެޅިފައިވާ ކަމަށް، އެގޮތުން ނޯޕޭއާ ގުޅޭ 639 މައްސަލަ، ވަޒީފާއިން ވަކި ކުރުމުގެ 571 މައްސަލަ، މުސާރަ ކުޑަ ކުރުމުގެ 385 މައްސަލަ އަދި ސަސްޕެންޑް ކުރުމުގެ 162 މައްސަލަ، ސެލްފް އެމްޕްލޯއިޑް މީހުންގެ ވަޒީފާއަށް އަސަރު ކުރުމުގެ 280 މައްސަލައި އަދި އޭގެ އިތުރުންވެސް އިތުރު ކެޓެގަރީގެ މައްސަލަތައް ހިމެނޭ،

އިކޮނޮމިކް މިނިސްޓަރ ވިދާޅުވީ، ވަޒީފާ ގެއްލުނު ފަރާތްތަކަށް އެލަވަންސް ދިނުމުގެ އުސޫލު މިއަދުގެ ވަގުތެއްގައި ގެޒެޓްކުރާނެ ކަމަށް ބެލެވޭ ކަމަށް، އެގޮތުން އެ އުސޫލު ކުރިން އާންމު ނުކުރީ ޤާނޫނީ ގޮތުން އިތުރަށް ބަލަންޖެހޭ ކަންކަން ހުރުމުގެ ސަބަބުންކަމަށް ވިދާޅުވި

ބީއެމްއެލް މެދުވެރިކޮށް ރިލީފް ފަންޑުގެ ތެރެއިން މިހާތަނަށް 51 ލޯނު ދޫކޮށްފި، އެ ލޯނުތަކުގެ ޖުމުލަ އަގު 70 މިލިއަނަށް އަރާ

-ފިނޭންސް މިނިސްޓަރ-

ކޮވިޑް-19 އާ ގުޅިގެން ކުރާ ޚަރަދުތައް ކޮންމެ ހަފްތާއެއްގެވެސް ހޯމަ ދުވަހު އާންމުކުރައްވާނެ ކަމަށް ފިނޭންސް މިނިސްޓަރ އަމީރު ވިދާޅުވެއްޖެއެވެ. އެގޮތުން މިއީ ސަރުކާރުގެ ޒީރޯ ޓޯލެރެންސް ޓު ކޮރަޕްޝަންގެ ދަށުން ކުރާ މަސައްކަތެއްކަން މިނިސްޓަރ ފާހަގަކުރެއްވިއެވެ.

އެމެރިކާގެ މަޝްހޫރު ކޮންސަލްޓަންސީ އަދި އެޑްވައިޒަރީ ފާރމެއްކަމުގައިވާ 'އައިލެންޑް އިނޮވޭޝަން' ގެފަރާތުން ބޭއްވި ބައިނަލްއަޤްވާމީ ވެބިނަރ ގައި މޯލްޑިވްސް އިންޓިގްރޭޓެޑް ޓުއަރިޒަމް ޑިވެލޮޕްމަންޓް ކޯޕަރޭޝަން (އެމްއައިޓީޑީސީ) ގެ މެނޭޖިންގ ޑިރެކްޓަރ މުޙައްމަދު ރާއިދު ބައިވެރިވެވަޑައިގެންފިއެވެ.

ބުދަ ދުވަހު ބޭއްވި މި ވެބިނަރ އަކީ "އައިލެންޑްސް އެންޑް ދަ ކޮވިޑް 19 ޕެންޑަމިކް" މިމަޢުޟޫގެ މައްޗަށް އަލިއަޅުވާލާ ބޭއްވި ވެބިނަރއެކެވެ. އަދި އެކި ދާއިރާތަކުން ބައިނަލްއަޤްވާމީ 5 ފަރާތަކުން ވަނީ މައުލޫމާތު ދެއްވާފައެވެ.

އެ ބޭފުޅުންނަކީ ގްރީން ލޭންޑުގެ މިނިސްޓަރ އޮފް ފިނޭންސް އެންޑް މިނެރަލް ރިސޯސަސް އޮނަރަ ބްލް ވިޓުސް ކުއާކީޓްސޮގް، އާއި ސްކޮޓްލެންޑްގެ ސްޓްރެތުކްލައިޑް ސެންޓަރ ފޮރ އެންވައިރަމަންޓަލް ލޯ އެންޑް ގަވަރނަންސް ގެ ކޯ- ޑައިރެކްޓަރ ޑރ. ފްރެންސެސްކޯ ސިންޑިކޯ، އާއި އެންގުއިލާގެ ތޯޓްފުލް ޑިޖިޓަލް އެޖެންސީގެ ޕާޓްނަރ މސ. ތަހީރާ ބެންކްސް، އާއި ކެނާރީ އައިލެންޑްސްގެ ލަޒަރޯތު ިބޒްންސް އެންޑް ރެސިޑެންޓްސް އެސޯސިއޭޝަންގެ ރައީސް މރ. ޑެނިއަލް ޓްރިގް އަދި ދިވެހިރާއްޖޭގެ އެމްއައިޓީޑީސީގެ މެނޭޖިންގ ޑިރެކްޓަރ މުހައްމަދު ރާއިދުއެވެ.

މިވެބިނަރ ގައި ރާއިދު މައިގަނޑު ގޮތެއްގައި އަލިއަޅުވާލެއްވީ، ކޮވިޑް-19 ގެ ސަބަބުން ދިވެހިރާއްޖޭގެ ފަތުރުވެރިކަމުގެ ސިނާއަތަށް އަންނާނެ ބަދަލުތަކާއި، އަދި މިކަމުން އަރައިގަނެ، ފަތރުވެރިކަން ފަށައިގަންނައިރު ފުރިހަމަކުރަންޖެހޭނެކަމަށް ޤަބޫލުކުރެވޭ ކަންކަމުގެ މައްޗަށެވެ. އެގޮތުން މިހާތަނަށް ރާއްޖޭގައި ކޮވިޑް-19 ފެތުރޭ މިންވަރަށް ބަލާ، 2020 ޖުލައި މަހުގެ ތެރޭގައި އެތެރެ އާއި ބޭރުގެ އުދުހުންތަކަށް ހުޅުވާލެވޭނެކަމަށް ލަފާކުރެވޭކަމަށާއި، އެހެނަސް ފަތުރުވެރިން ރާއްޖެއަށް މިސްރާބު ޖަހާނެކަމަށް ބޮޑަށް ބުރަވެވެނީ ނޮވެމްބަރ މަހުން ފެށިގެންކަމަށް ލަފާކުރެވޭކަމަށް އޭނާ ވިދާޅުވިއެވެ.

ރަޝިޔާގެ ކަލްޗަރ މިނިސްޓަރު އޮލްގާ ލަޔޫބިމޮވިއާ ކޮވިޑް-19 އަށް ޕޮޒިޓިވްވެއްޖެ އެވެ.

އޮލްގާ، ކޮވިޑް-19 އަށް ޕޮޒިޓިވްވެފައިވާކަން ހާމަކޮށްފައިވަނީ އޭނާގެ ތަރުޖަމާނެވެ. ޓެސްޓުގެ ނަތީއްޖާ ލިބުމާއި އެކު އޮލްގާ ވަނީ އެކަމަނާގެ ގޭގައި އެކަހެރިވެވަޑައިގެންފަ އެވެ.

ކުރިން ނޫސްވެރިއެއްގެ އިތުރުން ޑޮކިއުމެންޓަރީ ފިލްމު ހެދުމުގައި އުުޅުއްވި އޮލްގާ މިނިސްޓަރު ކަމުގެ މަގާމަށް އައްޔަން ކުރައްވާފައިވަނީ މި އަހަރުގެ ޖެނުއަރީ މަހު އެވެ. އުމުރުން 39 އަހަރުގެ އޮލްގާ އަކީ ރަޝީޔާގެ ވަޒީރުންގެ ކެބިނެޓްގައި ހިމެނިވަޑައިގަންނަވާ އެންމެ ހަގު ވަޒީރެވެ.

ކޮވިޑް-19 ޖެހިފައިވާ ނުވަތަ ބައްޔަށް ޝައްކުކުރެވޭ މީހުން މަރުވުމުން ކަށުކަމާކެމީގެ ކަންތައްތައް ކުރާނެ ގޮތުގެ ސްޓޭންޑަޑް އޮޕަރޭޓިންގް ޕްރޮސީޖަރ (އެސްއޯޕީ) އެއް އެކުލަވައިލައިފިއެވެ.

އެސްއޯޕީ އެކުލަވާލައިފައިވަނީ ކޮވިޑް-19 އާއި ގުޅިގެން އެކުލަވާލައިފައިވާ ޓެކްނިކަލް އެޑްވައިޒަރީ ގްރޫޕްގެ ފަންނީ ބޭފުޅުންގެ ނިންމުމާއި އިސްލާމިކް މިނިސްޓްރީން މި ހާލަތުގައި އަމަލުކުރުމަށް އިރުޝާދު ދީފައިވާ ގޮތަށް ބަލައިގެންނެވެ. އެގޮތުން، އެސްއޯޕީ އެކުލަވާލަފައިވާ މަގްސަދުތަކުގެ ތެރޭގައި ކޮވިޑް-19 ބަލިޖެހިފައިވާ ނުވަތަ ޝައްކުކުރެވޭ މީހަކު މަރުވުމުން އެބަލި ނުފެތުރޭގޮތަށް ރައްކާތެރިކަމާއެކު މައްޔިތާގެ ހަށިގަނޑު ގެންގުޅުމާއި، އުފުލުމާއި ވަޅުލުމުގެ ޢަމަލުކުރާނެ ގޮތްތަކެއް ވަނީ ކަނޑައަޅާފައެވެ.

ކޮވިޑް-19 ބަލި ޖެހިގެން ނުވަތަ އެބަލި ޖެހިފައިވާކަމަށް ޝައްކުކުރެވޭ މީހުން މަރުވުމުން ކަށުކަމާކެމީގެ ކަންތަކުގައި ޢަމަލުކުރާނެ ގޮތް ކަނޑައަޅައި މިގޮތަށް މަރުވާ މީހުން ވަޅުލުމުގައި އެއްހަމައެއް ގެންގުޅުމަށް އެސްއޯޕީގައި ވަނީ ބުނެފައެވެ.

ކަރަންޓީނު ފެސިލިޓީއެއްގެ ގޮތުގައި ބޭނުންކުރަމުން ހެރެތެރެ އައިލެންޑް ރިސޯޓުގައި ކަރަންޓީނު ކޮށްފައި ތިބި މީހުންގެ ތެރެއިން ފިލި ފަސް މީހުންގެ ތެރެއިން ތިން މީހަކު ހޯދާފައިވާ ކަމަށް ފުލުހުން ބުނެފިއެވެ.

ހެެރެތެރެގައި ކަރަންޓީނު ކޮށްފައިތިބި މީހުންގެ ތެރެއިން ދިވެހި ފަސް ފިރިހެނުން ފިލާފާއިވާކަމަށް ފުލުހުން ވަނީ ބުދަ ދުވަހުގެ ރޭގަނޑުގެ ވަގުތެއްގައި ބުނެފައެވެ. ފިލި މީހުންގެ ތެރެއިން އެކަކު ހޯދާފައިވަނީ ބުދަ ދުވަހުގެ ރޭގަނޑު އަށެއް ޖެހިހާއިރު އެވެ.

އޭގެ ފަހުން މީޑިއާތަކަށް ފުލުހުން ފޮނުވާފައިވާ މެސެޖެއްގައި ބުނީ، ފިލި މީހުންގެ ތެރެއިން އިތުރު ތިން މީހުން ހޯދާފައިވާ ކަމަށެވެ. އެއާއި އެކު ފުލުހުން ދަނީ ފިލި މީހުންގެ ތެެރެއިން ފަސް ވަނަ މީހާ ހޯދުމުގެ މަސައްކަތް ކުރަމުންނެވެ.

ކޮވިޑް-19 އަށް ޓެސްޓް ކުރުމަށް ސާމްޕަލް ދޭން ދެކޮޅުހެދި ހަތަރު ފަރާތެއްގެ މައްޗަށް ކޯޓު އަމުރެއް ނެރެފި އެވެ.

މިކަމާއި ގުޅިގެން ސިވިލް ކޯޓުން ބުނެފައިވަނީ، ކޮވިޑް-19 އަށް ޓެސްޓް ކުރުމަށްޓަކައި ސާމްޕަލް ދިނުމަށް ދެކޮޅު ހަދާފައިވާ ހަތަރު ފަރާތެއްގެ މައްޗަށް ސާމްޕަލް ދިނުމަށް އެންގާކަމަށެވެ. އެގޮތުން، ސާމްޕަލް ނަގައިދިނުމަށް ޑިރެކްޓަރ އޮފް ޕަބްލިކް ހެލްތު ކޮށްފައިވާ އަމުރު ތަންފީޒުކުރުމަށް އެކަމުގައި ޝާމިލްވާ ފަރާތްތަކަށާއި ފުލުހުންގެ މައްޗަށް ވަނީ ނެރެފަ އެވެ.

މާލެއަށް ކުރުމުއްދަތަކަށް ދަތުރުކޮށް، ލޮކްޑައުން ހާލަތާއި ގުޅިގެން އަނބުރާ ރަށަށް ނުދެވި ތިބި 42 މީހަކު ކަރަންޓީނު ކޮށްފިއެވެ.

ރާއްޖޭގެ ކޮވިޑް-19 ގެ ހާލަތުގެ އެންމެ ފަހުގެ މައުލޫމާތު ހިއްސާކުރުމަށް ބުދަ ދުވަހުގެރޭ ނެޝަނަލް އިމަރޖެންސީ އޮޕަރޭޝަން ސެންޓަރ (އެންއީއޯސީ) އިން ބޭއްވި ނޫސްވެރިންގެ ބައްދަލުވުމުގައި އެ ސެންޓަރުގެ ތަރުޖަމާނު މުހައްމަދު މަބްރޫކް އަޒީޒް ވިދާޅުވީ، އެ މީހުންގެ ކަރަންޓީނުގެ މުއްދަތު ނިމުމަށް ފަހު ރަށަށް ދެވޭގޮތަށް ހަމަޖައްސާފައިވާ ކަމަށެވެ.

ކުރިއަށް އޮތް ދެ ހަފުތާގެ ތެރޭގައި ކޭސްތަކުގެ އަދަދު އިތުރުވާނެ ކަމަށް އަންދާޒާކުރެވޭތީ، މީސް މީހުންގެ ހަރަކާތްތައް މަދުކުރަން އިތުރު ފިޔަވަޅުތަކެއް އެޅުމަށް ނެޝަނަލް ޓާސްކްފޯހުން މަޝްވަރާކޮށްފި އެވެ.

މަޝްވަރާކުރެވުނު ކަންތައްތައް ހިއްސާކުރައްވާ ރައީސް އޮފީހުން ކުރި ޓްވީޓެއްގައި ވަނީ، ކޭސްތައް އިތުރުވެދާނެ ކަމަށް ޕްރޮޖެކްޝަންސްތަކުން ދައްކާތީ މިހާރަށް ވުރެ ބޮޑަށް ސަމާލުވާން ޖެހޭ ކަމަށެވެ. އަދި ކޮންމެހެން ބޭރަށް ދާން ޖެހިއްޖެ ހާލަތެއްގައި މެނުވީ އެއް ތަނުން އަނެއް ތަނަށް ދިއުން މަނާކުރަން މަޝްވަރާކޮށްފައި ވެއެވެ.

އަސާސީ ތަކެއްޗާއި ރިލީފް ގުޑްސް ގެންނަމުންދޭ. މި ތަކެތި ލުއި ފަސޭހަ ގޮތެއްގައި ކްލިއަރ ކުރުމަށް އަވަސް ހިދުމަތްތަކެއް ހަމަޖެހިފައިވޭ. މިހާރު އެތެރެ ކުރެވޭ ތަކެތި ގިންތި ކުރުމުގެ ކަންކަން އިންޓަރނޭޝަނަލް މިންޑަގަނޑުތަކަށް ކުރިއަށްދޭ. ވިޔަފާރީގެ ގޮތުގައި ޓްރޭޑް ކުރެވޭ ތަކެތި ކްލަސިފައި ކުރެވިފައިވޭ. އެއިން ކޮވިޑް-19 އާ ގުޅޭ ތަކެތި ލިސްޓްކޮށް ވިޔަފާރިއަށް ފޯރުކޮށްދެވޭ.

ފްރަންޓްލައިންގައި އުޅޭ އޮފިސަރުންނާ އާއިލާގެ ސަލާމަތަށްޓަކައި ސޭފްޓީ އިކްވިޕްމަންޓްސް ފޯރުކޮށްދީ އެކަމަޑޭޝަން ހަމަ ޖައްސާފައިވަނީ އާއިލާތަކާ ވަކިން.

ކޮވިޑް-19 ގެ ދަތިތައް ހުރި ނަމަވެސް އެއްވެސް ގައުމެއްގެ އެއްވެސް މުދަލެއް ގެނައުމަށް ބޯޑަރުގެ ދަތިކަމެއް ހުރި ނަމަ ކަސްޓަމްސްއަށް އެންގުމަށް ވިޔަފާރިވެރިންނަށް ގޮވާލަން: ނާޝިދު