ކޮވިޑް-19: އެންމެ ފަހުގެ

ކޮވިޑް-19 މިހާރު އެންމެ ހަލުވިކަމާއެކު ފެތުރެމުންދާ ގައުމަކަށް ދެކުނު ކޮރެއާ ވެއްޖެއެވެ. އެންމެ ފަހުގެ ތަފާސްހިސާބުތަކަށް ބަލާއިރު، މަރޗް 6 ވަނަ ދުވަހު ދެކުނު ކޮރެއާގެ 174 މީހަކު ވަނީ މި ވައިރަސްއަށް ޕޮޒިޓިވްވެފައެވެ.

މި ވައިރަސް އެންމެ ފުރަތަމަ ފެނުނު ޗައިނާގައި މިހާރު ބަލި ފެތުރޭ މިންވަރު ކުޑަކޮށް މަޑުޖެހިލާފައިވާއިރު، އެ ގައުމުގެ ކަމާބެހޭ ފަރާތްތަކުން އަންދާޒާކުރާ ގޮތުގައި މި މަހުގެ ފަހުކޮޅަށް ވައިރަސްއަށް ޕޮޒިޓިވްވާ މީހުންގެ އަދަދު އެއްކޮށް މަޑުޖައްސާލެވޭނެއެވެ. ނަމަވެސް، އަދިވެސް އެންމެ ގިނައިން މި ވައިރަސް ޖެހިގެން މީހުން މަރުވަމުން އަންނަނީ ޗައިނާގައެވެ. އެގޮތުން އިއްޔެ އެކަނިވެސް، 28 މީހަކު ވަނީ މަރުވެފައެވެ.

ދުނިޔޭގެ އެކި ކަންކޮޅުތަކުން ކޮވިޑް-19 އަށް ޕޮޒިޓިވްވީ މީހުންގެ ތެރެއިން 50 އިންސައްތަ މީހުން ރިކަވަރވެއްޖެއެވެ. އެގޮތުން ޖުމްލަ 57،611 މީހުން ވަނީ މި ވައިރަސްއިން ސަލާމަތްވެފައެވެ.

މިހާރުގެ އެކްޓިވް ކޭސަސްއަށް ބަލާއިރު، 41،118 މީހަކު މި ބައްޔަށް ފަރުވާ ހޯދަމުން އަންނައިރު، އޭގެ ތެރެއިން 6153 މީހުންގެ ހާލު ވަރަށް ސީރިއަސްއެވެ.

އެމެރިކާގެ ސްޓޭޓެއް ކަމުގައިވާ ހަވާއީން، ކޮވިޑް-19 އަށް ޕޮޒިޓިވްވެފައިވާ މީހަކު ފެނިއްޖެއެވެ. އެ މީހާއަކީ ފެބްރުއަރީ މަހުގެ ފަހުކޮޅު ހަވާއީގެ އޮއާހޫގައި ބަނދަރުކުރި ގްރޭންޑް ޕްރިންސަސް ކުރޫޒް ޝިޕްގެ ފަސިންޖަރެކެވެ. ހަވާއީގެ ޑިޕާޓްމަންޓް އޮފް ހެލްތާ ހަވާލާދީ ބައެއް ނޫސްތަކުގައި ވަނީ، އޭނާ އެއްވެސް ބަޔަކާ ކޮންޓެކްޓް ވެފައިވާ ކަމަށް ނުބެލެވޭ ކަމަށެވެ. ނަމަވެސް، އިތުރަށް ހުރިހާ ކަމެއް ބެލުމުގެ މަސައްކަތް އެ ޑިޕާޓްމަންޓުން އަންނަނީ ކުރަމުންނެވެ.

ދުނިޔޭގެ އެކި ކަންކޮޅުތަކުން ކޮވިޑް-19 އަށް ޕޮޒިޓިވްވެފައިވާ މީހުންގެ އަދަދު 102،224 އަށް އަރައިފިއެވެ. އަދި މި ވައިރަސް ޖެހިގެން މަރުވީ މީހުންގެ އަދަދު ވަނީ 3495 އަށް އަރާފައެވެ.

ވަޒީރުންގެ ދަތުރުތައް ވެސް މަޑުޖައްސާލަން ނިންމާފައިވާ ކަމަށް ވެސް ޓޫރިޒަމް މިނިސްޓަރ އަލީ ވަހީދު ވިދާޅުވި. ރައްޔިތުންނަށް ބޭނުންވާ ބޭހާއި ކާޑު އެބަހުރި ކަމަށް ވެސް ފާހަގަކުރެއްވި

ފަރުކޮޅު ފުށީގައި ތިބީ ދިވެހި އަންހެނަކާއި ކުޑަކުއްޖެއް

ކުރެއްދޫ ޑޮކްޓަރު ކަރަންޓީނަށް ގެންނައުމުގެ މަސައްކަތް ކުރަމުންދަނީ

ތިނަދޫގައި ތިބި 3 މީހަކު

ރިސޯޓް އަދި ތިނަދޫ އަށް ވަގުތީގޮތުން އަރާފޭބުން އޮތީ މަނާކޮށްފައި. އެ ހުއްދަ އަލުން ލިބޭނީ ޓެސްޓް ނަތީޖާ ލިބެފައި. ރާއްޖޭގައި އޮތީ ވައިޓް އެލާޓް.

ޕޮޒިޓިވްވި އިޓަލީ ފަތުރުވެރިޔާ ރާއްޖެ އައި އިރު ކޮރޯނާގެ އަލާމާތެއް ފެނިފައި ނުވާ ކަމަށް ހެލްތް މިނިސްޓަރު އަބްދުﷲ އަމީން ވިދާޅުވެއްޖެ.

ރާއްޖެއިން ކޮރޯނާ ވައިރަސްގެ އަސަރެއް ފެނިއްޖެނަމަ އަދި މިވަގުތު ވެސް ޝައްކުކުރެވޭ މީހަކު ފެނިއްޖެނަމަ އަމަލުކުރަމުން މިދަނީ ޑަބްލިއުއެޗްއޯގެ މިންގަނޑުތަކާ އެއްގޮތަށް ކަމަށް ހެލްތް މިނިސްޓަރު އަބްދުﷲ އަމީން ވިދާޅުވި.

ފަރުކޮޅުފުށީގައި ހަދާފައިވާ ދާއިމީ އައިސޮލޭޝަން ނިޒާމްގެ އިތުރުން އިތުރު 30 އެނދު އިތުރުކުރަން ވަނީ ނިންމާފައި. އަދި އައިސީޔޫ ވެސް ހުރީ ބޭނުންކުރެވޭ ހާލަތުގައި.

ކުރެއްދޫ އިން ދިޔަ ފަތުރުވެރިޔާ ކޮރޯނާއަށް ޕޮޒިޓިވްވިކަން އެންގީ އޭނާ އަމިއްލައަށް. އޭނާ ޕޮޒިޓިވްވިކަން އެނގުނީ އަނބުރާ އިޓަލީއަށް ދިޔަފަހުން.

ކަރަންޓީން ކޮށްފައިވާ ފަތުރުވެރިޔާ އަދި ކުރެއްދޭ ރިސޯޓުން ޓެސްޓް ކުރި މީހުންގެ ނަތީޖާ މާދަމާ ލިބޭނެ.

އިޓަލީން މީހުން އައުން މަނަކުރީ ޔޫރަޕްގެ ގައުމުތަކަށް އެންމެ ބޮޑަށް ވައިރަސް ފެތުރެމުން ދަނި އިޓަލީން ކަމަށް ވުމުން.

މާދަމާރޭގެ 11:59 އިން ފެށިގެން އިޓަލީން އެއްވެސް މީހަކަށް ރާއްޖެ ނާދެވޭނެކަމަށް ސަރުކާރުން ހާމަކޮށްފިއެވެ. ސަރުކާރުގެ ފަރާތުން ޓުއަރިޒަމް މިނިސްޓަރު އަލީވަހީދު ހުކުރު ދުވަހުގެ ރޭ ބޭއްވި ނޫސްވެރިންގެ ބައްދަލުވުމުގައި ވިދާޅުވީ އިޓަލީން ފަތުރުވެރިން ރާއްޖެ އައުން މަނާކޮށްފައިވާ ކަމަށާއި، ޑައިރެކްޓް އަދި ޓްރާންސިޓް ފުލައިޓެއް ވެސް މާދަމާގެ ފަހުން ނާދެވޭނެ ކަމަށެވެ.

ކޮރޯނާވައިރަސް ޖެހުނު މީހުންގެ އަދަދު 97,981 އަރައި، މަރުވި މީހުންގެ އަދަދު 3,381 އަށް އަރައިފި އެވެ.

ދުނިޔޭގެ ސިއްހަތު ޖަމިއްޔާގެ ތަފާސް ހިސާބުތައް ދައްކާގޮތުން ދުނިޔެގެ 87 ޤައުމަކުން ވައިރަސްއަށް ޕޮޒިޓިވްވެފައިވާ މީހުން ފެނިފައިވެއެވެ. އޭގެތެރެއިން ޗައިނާއިން ވައިރަސްއަށް ޕޮޒިޓިވްވި މީހުންގެ އަދަދު 80،710 ގައި އުޅޭއިރު، ކޮރެއާގެ 6،248 މީހަކު ވައިރަހަށް ޕޮޒިޓިވްވެފައިވެއެވެ.

ދުނިޔޭގެ އެކި ކަންކޮޅުތަކުގައި ހަލުވިކަމާއެކު ފެތުރެމުންދާ ނޮވެލްކޮރޯނާވައިރަސް (ކޮވިޑް-19) އަށް އަވައްޓެރި އިންޑިއާގެ ވެރިރަށް ނިއުދިއްލީގެ އިތުރު މީހަކު ޕޮޒިޓިވްވެއްޖެއެވެ.

އިންޑިއާގެ ރަސްމީ އިދާރާތަކާ ހަވާލާދީ އެ ޤައުމުގެ ނޫސްތަކުން ރިޕޯޓްކޮށްފައިވާ ގޮތުން ހުކުރު ދުވަހު ކޮވިޑް-19 އަށް ޕޮޒިޓިވް މީހާއަކީ ތައިލޭންޑްއާއި މެލޭޝިއާއަށް ދަތުރުކޮށްފައިވާ މީހެކެވެ. އެގޮތުން އޭނާ މިހާރު ކަރަންޓީން ކުރެވިފައިވާ ކަމަށާއި، އޭނާގެ ހާލު "ސްޓޭބަލް" ކަމަށް މީޑިއާ ރިޕޯޓްތައް ބުނެއެވެ.

އެއާއެކު އަވައްޓެރި އިންޑިއާގައި މި ވައިރަސްއަށް ޕޮޒިޓިވްވި މީހުންގެ އަދަދު މިވަނީ 31 އަށް އަރާފައެވެ. އޭގެ ތެރެއިން 16 މީހުންނަކީ އިޓަލީއަށް ނިސްބަތްވާ މީހުންކަމަށް އިންޑިއާގެ ނޫސްތަކުން ރިޕޯޓްކޮށްފައިވެއެވެ.

ކޮރޯނާވައިރަސް (ކޮވިޑް-19) އަށް ޑެންމާކްގެ ގައުމީ ޓީމުގެ ކުރީގެ ކުޅުންތެރިޔާ ތޯމަސް ކަލެންބާގް ޕޮޒިޓިވް ވެއްޖެއެވެ. ޑެންމާކްގެ ގައުމީ ޓީމަށް 47 މެޗު ކުޅެދިން ތޯމަސް ކޮރޯނާވައިރަސް އަށް ޕޮޒިޓިވް ވެފައިވާކަން ޑެންމާކްގެ ފުޓުބޯޅަ އިދާރާއިން ވަނީ ކަށަވަރުކޮށްދީފައެވެ.

ތޯމަސްގެ އިތުރުން ޑެންމާކްގެ ކްލަބެއް ކަމަށްވާ ބޮރޮންޑީގެ އެސިސްޓެންޓް ކޯޗުގެ އިތުރުން އެޓީމުގެ 13 ކުޅުންތެރިން ވަނީ ކަރަންޓީނު ކުރެވިފައެވެ.

މިހާތަނަށް 90 ހާހަށް ވުރެ ގިނަ މީހުންނަށް ކޮރޯނާވައިރަސް ޖެހިފައިވާކަމަށް މީޑިއާ ރިޕޯޓްތައް ބުނާއިރު 88 ޓީމަކުން މި ބަލި ވަނީ ފެނިފައެވެ.

ދުންފަތުގެ އިސްތިޢުމާލު ކުރުމަކީ ކޯވިޑް-19 އިން ރައްކާތެރިކޮށްދޭނެ ކަމެއް ނޫން. ދުންފަތުގެ އިސްތިޢުމާލު ކުރުމަކީ ފުރާނައަށް ނުރައްކާތެރި ކަމެއް އަދި މިކަމުގެ ސަބަބުން އަހަރަކު 8 މިލިއަނަށްވުރެ ގިނަ މީހުން މަރުވޭ.

ދުންފަތުގެ އިސްތިޢުމާލު ކުރުމުގެ ސަބަބުން ހިތުގެ ބަލި ފަދަ ޞިއްޙީ މައްސަލަތައްހުންނަ މީހުންގެ ބަލީގެ ހާލަތު އިތުރަށް ގޯސްވޭ. އެހެންކަމުން މިފަދަ މީހުންނަށް ކޮރޯނާވައިރަސް ބަލިޖެހުން އަދި ބަލިން ކުރާ އަސަރު ބޮޑުވުމުގެ ފުރުސަތު އޮވޭ.

ހެލްތު ޕްރޮޓެކްޝަން އެޖެންސީން ނެރުނު ބަޔާނެއްގައި ބުނީ، ދުނިޔޭގައި ކޮރޯނާ ވައިރަހުގެ ހާލަތު އެއްދުވަހުން އަނެއް ދުވަހަށް ވަރަށް ހަލުވިކަމާއެކު ބަދަލުވަމުންދިއުމާއެކު، ރާއްޖެއިން ބޭރަށް ދަތުރުކުރައްވާ ފަރާތްތަކުން ކޮންމެހެންކުރަންޖެހޭ ދަތުރުތައް ފިޔަވާ އެހެން ދަތުރުތައް ލަސްކުރުން ނުވަތަ ނުކުރުމަކީ މިވަގުތު އެންމެ ރައްކާތެރިގޮތް ކަމުގައި ދެކޭކަމަށެވެ.

ދުނިޔެގެ އެކިކަންކޮޅުތަކުގައި ހަލުވިކަމާއެކު ފެތުރެމުންދާ ކޮރޯނާ ވައިރަސް ރާއްޖެއަށް އަތުވެދާނެތީވެ ކުރަންޖެހޭ ކަންކަން ކުރަމުން އަންނަކަމަސް ރައީސުލްޖުމްހޫރިއްޔާ އިބްރާހިމް މުހައްމަދު ސޮލިހް ވިދާޅުވެއްޖެ އެވެ. ރ. އަތޮޅުގެ ކެމްޕޭން ބައްދަލުވުމުގައި ވާހަކަފުޅުދައްކަވަމުން ރައީސް ސޯލިހް ވިދާޅުވީ ހަރަދުތައް ކުޑަކުރުމުގެ މަސައްކަތް ކުރައްވަމުންގެންދަވާކަމަށެވެ. ނަމަވެސް މަސައްކަތް ކުރައްވަމުންގެންދަވަނީ އަތޮޅުތަކުގެ ތަރައްޤީގެ މަސައްކަތްތައް ހުއްޓުމެއް ނެތި ކުރިއަށްގެންދެވޭނެގޮތަކަށް ކަމަށް ރައީސް ސޯލިހް ވިދާޅުވި އެވެ.

ހަލުވިކަމާއެކު ފެތުރެމުންދާ ކޮރޯނާ ވައިރަހުގެ ސަބަބުން، އިރާނުގެ ސުކޫލުތަކާއި، ޔުނިވާސިޓީތައް މާރިޗު މަހުގެ 220 ވަނަ ދުވަހުގެ ނިޔަލަށް ބަންދުކޮށްފި އެވެ.

ކޮރޯނާ ވައިރަހުގައި މިހާތަނަށް އިރާނުން 107 މީހުން މަރުވެ، 3513 ވައިރަހަށް ޕޮޒިޓިވްވެފައިވެއެވެ. އޭގެތެރެއިިން ވޭތުވެދިޔަ 24 ގަޑިއިރުގެ ތެރޭގައި 591 މީހަކު ވަނީ ވައިރަހަށް ޕޮޒިޓިވްވެފައިކަމަށް އެ ޤައުމުގެ ހެލްތު މިނިސްޓްރީން ބުނެ އެވެ.

ނޫސްވެރިންގެ ބައްދަލުވުމުގައި ވާހަކަދައްކަވަމުން އެސްޓީއޯގެ އެމްޑީ ހުސެއިން އަމްރު ވިދާޅުވީ އެސްޓީއޯ އިން ރައްޔިތުންނަށް ބޭނުންވާ ވަރަށް ކާޑު ފޯރުކޮށްދެވޭނެ ކެޕޭސިޓީ އެބަހުރި ކަމަށެވެ.

ކޮވިޑް-19 އާ ގުޅިގެން އެސްޓީއޯ އިން ވަމުންދާ ތައްޔާރީތަކާއި ގުޅޭގޮތުން މައުލޫމާތު ހިއްސާ ކުރުމަށް ބުރާސްފަތި ދުވަހު ބޭއްވި ނޫސްވެރިންގެ ބައްދަލުވުމުގައި އަމްރު ވިދާޅުވީ އެކަން އެގޮތަށް ނުކުރެއްވުމަށް އިލްތިމާސްކުރައްވާ ކަމަށެވެ. އަދި ރައްޔިތުންނަށް ބޭނުންވާ ވަރަށް ފޭސް މާސްކް އެބަހުރި ކަމަށާއި ހޮސްޕިޓަލްތަކަށް ބޭނުންވާ ބައެއް ސާމާނުތައް ވެސް މިހާރު ބައެއް ރަށްރަށަށް ފޯރުކޮށްދީފައިވާނެ ކަމަށް އަމްރު ވިދާޅުވިއެވެ. މީގެއިތުރުން ބައެއް ހޮސްޕިޓަލްތަކަށް ބޭނުންވާ މެޑިކަލް ސާމާނުތައް ވެސް ފޯރުކޮށްދީފައިވާނެ ކަމަށް އަމްރު ވަނީ ފާހަގަކުރައްވާފައެވެ.

މިއަދު އިޓަލީ އިން ރާއްޖެ އަށް ދަތުރުކުރި ދިވެއްސެއް#ކޮވިޑް19އަށް މޮނިޓަރ ކުރުމަށް އެކަހެރިކޮށްފައިވާކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނެފި އެވެ. އެ މީހާއި ގުޅޭ އިތުރު މައުލޫމާތެއް އެޗްޕީއޭއިން ހާމައެއް ނުކުރެ އެވެ.

އިޓަލީގައި މިހާރު ހަލުވިކަމާއިއެކު، ފެތުރެމުން އަންނަ ކޮރޯނާވައިރަސް (ކޮވިޑް-19) ގެ ސަބަބުން އިޓަލީގައި ބާއްވާ ކުޅިވަރު ހަރަކާތްތައް އަންނަ މަހުގެ 3 ވަނަ ދުވަހުގެ ނިޔަލަށް ބޭއްވޭނީ ކުޅިބަލާ މީހުން ނުވައްދާ ކަމަށް އިޓަލީގެ ސަރުކާރުން އެގައުމުގެ ކުޅިވަރު އެސޯސިއޭޝަންތަކަށް އަންގައިފިއެވެ.

އިޓަލީ ސަރުކާރުން މިހެން އެންގިއިރު، އިޓާލިއަން ލީގުގެ ގިނަ މެޗުތަކެއް ވަނީ ކޮވިޑް-19 ގެ ސަބަބުން ފަސްކޮށްފައެވެ.

އިޓަލީގައި މި ބަލި ޖެހުނު މީހުންގެ އަދަދު 3000 އަށް ވުރެ މައްޗަށް އަރައިފައިވާއިރު މިބަލީގެ ސަބަބުން މަރުވި މީހުންގެ އަދަދު 100 އަށްވުރެ ގިނަ ކަމަށް އިޓަލީގެ ސަރުކާރުން ބުނެއެވެ.

ިއިރާނުގެ ދައުލަތުގެ މީޑީއާއިން ރިޕޯޓުކުރާ ގޮތުގައި، ސަރުކާރުން މިއަދު ވަނީ މުއްދަތެއް ނެތް ގޮތައް ސަރުކާރުގެ އިސް މަސްއޫލުވެރިން ޤައުމުން ބޭރަށް ދަތުރު ނުކުރެއްވުމަށް އަންގާފައެވެ. މުއްދަތެއް ނެތް ގޮތައް ސަރުކާރުން މިގޮތައް ނިންމާފައިވަނީ ކޮވިޑް-19 ފެތުރުން ހުއްޓުވައި، ވައިރަސް އިން ރައްކާތެރިވުމަށް އެޤައުމުން އަޅަމުންދާ ފިޔަވަޅުގެ ދަށުންނެެވެ.

ސަރުކާރުގެ އިސްމަސްއޫލުވެރިންނަށް ދަތުރުނުކުރެއްވުމަށް އަންގާފައިވަނީ މުއްދަތެއް ނެތް ގޮތަށެވެ.

އީރާނުގައި ހަލުވިކަމާއެކު ވައިރަސް ފެތުރެމުންދާއިރު، ވައިރަސް ޖެހުނު މީހުންގެ ތެރޭގައި އެޤައުމުގައި ރައީސުލްޖުމްހޫރިއްޔާގެ ނައިބާއި، ހެލްތު މިނިސްޓަރުގެ ނައިބާއި، ޤާނޫނު ހަދާ މަޖިލީހުގެ 23 މެންބަރުންނާއި، ވެރިރަށް ތެހެރާންގެ އަވަށެގެ މޭޔަރުވެސް ހިމެނެއެވެ.

ޖަޕާނުގެ ހެލްތު މިނިސްޓްރީން މިއަދު ޢާންމުކުރި ނޫސް ބަޔާނެއްގައި ބުނެފައިވަނީ، އިއްޔެ އެކަނި އެޤައުމުން 33 މީހުން އަލަށް ވައިރަސްއަށް ޕޮޒިޓިވްވެފައިވާކަމަށެވެ.

މިއާއެކު ޖަޕާނުގައި ވައިރަސްއަށް ޕޮޒިޓިވްވީ މީހުންގެ އަދަދުވަނީ 1،023އަށް އަރާފައެވެ.

ދެކުނު ކޮރެއާގެ ސެންޓަރސް ފޮރ ޑިޒީސް ކޮންޓްރޯލް އެންޑް ޕްރިވެންޝަން އިން ބުނާ ގޮތުގައި ފާއިތުވެދިޔަ 24 ގަޑިއިރު އެޤައުމުގައި 438 މީހުން ވަނީ ކޮވިޑް-19 އަށް ޕޮޒިޓިވްވެފައެވެ. އަދި ފަރުވާދެމުން ދިޔަ 3 މީހުން ވަނީ މަރުވެފައެވެ. އަލަށް ވައިރަސް ޖެހުނު މީހުންގެ ތެރެއިން 320 މީހުންނަކީ ޑައޭގޫ އަވަށު މީހުންކަމަށާއި، ބާކީ 87 މީހުން ނިޞްބަތްވަނީ އުތުރު ގިޔޯންސަންގއަށް ކަމަށް އެ ސެންޓަރުން ބުނެއެވެ.

މިއާއެކު، އެޤައުމުގައި ވައިރަސްއަށް ޕޮޒިޓިވްވީ މީހުންގެ ޢަދަދު ވަނީ 5،766 އަށް އަރާފައެވެ. އަދި ވައިރަސްގައި މަރުވީ މީހުންގެ ޖުމު ޢަދަދަކީ 35 އެވެ.

ޗައިނާގެ ނެޝަނަލް ހެލްތު ކޮމިޝަނުން ބުނާގޮތުގައި ދުނިޔޭގެ 62 ޤައުމަކުންނާއި، ބައިނަލް އާޤުވާމީ 7 ޖަމާޢަތަކުން އެޤައުމަށް ފޭސް މާސްކް ހަދިޔާކޮށްފިއެވެ. މިއީ މިހާރު ޗައިނާގައި ހަލުވިކަމާއެކު ފެތުރެމުންދާ ކޮވިޑް-19 އާއި ގުޅިގެން، އެޤައުމު މާސްކަށް ޖެހިފައިވާތީ އެކިވެރި ދައުލަތްތަކާއި، ޗައިނާއިން ބައިވެރިވެފައިވާ ބައިނަލްއަޤުވާމީ ޖަމްއިއްޔާތަކުން ވެދިން ދީލަތި އެހީއެއް ކަމަށް އެކޮމިޝަނުން ބުނެފައެއް ނުވެއެވެ. މާސްކްގް އިތުރުން ކޮވިޑް-19 ޖެހިފައިވާ މީހުންނަށް ފަރުވާދިނުމަށް ޞިއްހީ އެހީތެރިން ބޭނުންކުރާ ރައްކާތެރިކަމުގެ ހެދުމާއި، ބައެއް އެހެނިހެން ޞިއްޙީ އާލާތްތައް ބައެއް ޤައުމުތަކުން ދަނީ ފޯރުކޮށްދެމުންނެވެ. އެހެންނަމަވެސް، އެހީދޭ މިންވަރުގެ ތަފުޞީލު ހާމަކޮށްފައެއް ނުވެއެވެ.

އިޓަލީވިލާތުގައި މިހާރު ހަލުވިކަމާއެކު ކޮވިޑް-19 ފެތުރެމުންދާތީ އެޤައުމުގެ ހުރިހައި ސްކޫލަކއި ޔުނިވަރިސޓީތައް ބަންދުކޮށްފިއެވެ. މިކަން ހާމަކޮށް އެޤައުމުގެ ތަޢުލީމާއި ބެހޭ ވުޒާރާއިން ޢާންމުކޮށްފައިވާ ބަޔާނުގައި ވަނީ، މިއަދުން ފެށިގެން މާރޗު މަހުގެ 15 ވަނަ ދުވަހާއި ހަމަޔަށް ބަންދުކުރަން ސަރުކާރުން ނިންމާފައިވާކަމަށެވެ. އަދި ސްކޫލް ހުޅުވުުމުގެ ކުރިން ކޮވިޑް-19 ގެ ޙާލަތު ބަލާނެކަމަށް މިނިސްޓްރީގެ ބަޔާނުގައި ވެއެވެ.

އޮސްޓްރޭލިއާގެ ޑިޕާޓްމަންޓް އޮފް ހެލްތުން ބުނާ ގޮތުގައި ފާއިތުވެ ދިޔަ 24 ގަޑިއިރު އެޤައުމުން އިތުރު 10 މީހުން ވަނީ ކޮވިޑް-19 އަށް ޕޮޒިޓިވްވެފައެވެ. މިއާއެކު، އެޤައުމުގައި ވައިރަސް ޖެހުނު މީހުންގެ އަދަދު ވަނީ 52 އަށް އަރާފައެވެ. އަދި މިހާތަނަށް އައިއިރު، ވައިރަސް ޖެހިގެން 2 މީހުން ވަނީ އެޤައުމުގައި މަރުވެފައެވެ.

މިހާރު ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 ގައި މިހާތަނަށް އައިއިރު މުޅި ދުނިޔެއިން 3،285 މީހުން ވަނީ މަރުވެފައެވެ. މީގެތެރެއިން 3،012 މީހުންނަކީ މި ވައިރަސް އަށް ފެނުނު ޗައިނާއިންނެވެ. ޗައިނާއިން އެކަނިވެސް މިވައިރަސްގައި 3012 މީހުން ވަނީ މަރުވެފައެވެ. ޗައިނާއިން ބޭރުން ދެން އެންމެ ގިނަ މީހުން މަރުވެފައިވަނީ އިޓަލީއާއި، އިރާނާއި، ދެކުނު ކޮރެއާއިންނެވެ.

ދުނިޔޭގެ 75 ޤައުމަކަށް މިހާރު މިވައިރަސް ފެތުރިފައިވާއިރު، 95،481 މީހުން ވަނީ ވައިރަސްއަށް ޕޮޒިޓިވްވެފައެވެ.

ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ބުނީ، ކޯވިޑް-19 ރާއްޖޭގައި އުޅޭތޯ އިތުރަށް ދެނެގަތުމަށް ބަލިއުޅޭ ޤައުމަކަށް ދަތުރުކޮށްފައިނުވިނަމަވެސް، ނިއުމޯނިއާ ނުވަތަ އަރިދަދުސްރޯގާ ޖެހި ސީރިއަސް ހާލަތަކަށްދާ ފަރާތްތައް މިބައްޔަށް ޓެސްޓްކުރަމުން އަންނަކަމަށެވެ. އަދި މިކުރެވޭ ޓެސްޓްތަކުން އަދި މިހާތަނަށް އެއްވެސް ފަރާތެއް ޕޮސިޓިވް ވެފައިއެއްނުވާކަމަށް އެ އިދާރާއިން ބުންޏެވެ.

ޕޮލޭންޑުން މީހަކު ކޮވިޑް-19 އަށް ޕޮޒިޓިވްވެއްޖެ. އެޤައުމުގެ ހެލްތު މިނިސްޓަރ ލުކާޒް ޒުމޯވްްސކީ ވިދާޅުވީ ހޮސްޕިޓަލުގައި އެޑްމިޓްކޮށްގެން ވައިރަސް ޖެހުނު ފިރިހެން މީހާއަށް ފަރުވާދެމުންދާ ކަމަށާއި، އޭނާގެ ޙާަލތު ރަނގަޅުކަމަށެވެ.

އިރާޤުގައި ކޮވިޑް-19 ޖެހިގެން މީހަކު މަރުވެއްޖެއެވެ. ބޭރުގެ މީޑިއާތަކުން ރިޕޯޓުކުރާގޮތުގައި މިއީ އިރާޤުން މި ވައިރަސް ފެނުނުފަހުން، މަރުވި ފުރަތަމަ މީހާއެވެ.

އިރާޤުގައި އިއްޔެ އެކަނިވެސް ކޮވިޑް-19 އަށް 5 މީހުން ޕޮޒިޓިވްވިއެވެ. މިއާއެކު އިރާޤުގައި ވައިރަސް ޖެހުނު މީހުންގެ ޢަދަދަކީ 31 އެވެ.