21:57
އައްޑޫ ސިޓީ މަރަދޫގައި ގަޑިއަށް ފެށި ވޯޓް ފޮޓެއް 6:00 ގައި ބަންދު ކުރުމަށް ނިންމުމަށް ފަހު ކުއްލި ގޮތަކަށް އެ ވޯޓް ފޮށި 8:00 ގައި ބަންދު ކުރުމަށް ނިންމާފައި އެ ވޯޓް ފޮއްޓަކީ އެއްވެސް މައްސަލަ އެއް ދިމާނުވެ ވޯޓްލުން ކުރިއަށް ދިޔަ ވޯޓް ފޮއްޓެއް.
6 މެއި 2017 | ހޮނިހިރު 21:57
21:32
ބައެއް ރަށްތަކުގައި ވޯޓް ފޮށި ބަންދުކުރުމަށް ފަހު އަލުން ހުޅުވައިފި
ވޯޓް ފޮށި ބަންދުކުރުމަށް ފަހު އަލުން ހުޅުވި ބައެއް ރަށްތައް:
- ކުޅުދުއްފުށި
- ތޮއްޑޫ
- އަލިފުށި
- އައްޑޫ ސިޓީ ފޭދޫ
- ހިންނަވަރު
ވޯޓް ފޮށި ބަންދުކުރީ ވޯޓް ލުމުގެ ވަގުތު އިތުރުކޮށްފައިވާކަން އެ ރަށްތަކަށް އަންގާފައި ނެތުމުން. އެހެން ނަމަވެސް އިލެކްޝަންސް ކޮމިޝަނުން މިހާރު ވަނީ ހުރިހާ ރަށްތަކަށް މައުލޫމާތު ފޯރުކޮށްފަ. ހެނދުނު 8:00 ގައި ވޯޓް ލުން ފެށުނު ރަށްތަކުގެ ފޮށި ބަންދުކުރާނީ 6:00 ގައި. ހެނދުނު 8:00 ގައި ފަހުން ވޯޓް ލާން ފެށުނު ފޮށިތައް ބަންދުކުރާނީ މިރޭ 20:00 ގައި.
6 މެއި 2017 | ހޮނިހިރު 21:32
21:27
ވޯޓް ފޮށިތައް ބަންދުކުރަންޖެހޭ ގަޑިތައް ހުރިހާ ރަށަކަށް އަންގާ ނިމިއްޖެ ކަމަށް އިލެކްޝަންސް ކޮމިޝަނުން ބުނެފި.
ކޮމިޝަނުން ބުނީ ހެނދުނު 8:00 ގައި ވޯޓްލުން ފެށުނު ފޮށިތައް ބަންދުކުރާނީ 6:00 ގައި ކަމަށް
ހެނދުނު 8:00 ގައި ވޯޓްލުން ފެށިފައިނުވާ ފޮށިތައް ބަންދުކުރާނީ މިރޭ 8:00 ގައި ކަމަށް
6 މެއި 2017 | ހޮނިހިރު 21:27
21:14
ހދ. ކުޅުދުއްފުށީ ވޯޓް ފޮށި ބަންދު ކުރުމަށް ފަހު ހުޅުވައިފި. ފޮށި ބަހައްޓާފައި ހުރީ ހދ. އަތޮޅު ތައުލީމީ މަރުކަޒުގައި. އިލެކްޝަންސް ކޮމިޝަނުން ބުނެފައިވަނީ ފޮށިތައް ބަންދުކުރާނީ އިރުއޮއްސި 6:00 ގައި ކަމަށް.
6 މެއި 2017 | ހޮނިހިރު 21:14
21:00
20:57
ވޯޓްލުމުގެ މުއްދަތު ހަމަވަން އެންމެ 10 މިނެޓަށް ވެފައި ވަނިކޮށް، ވޯޓްލުމުގެ މުއްދަތު އިރު އޮއްސި 6:00 އަށް ބަދަލުކޮށްފި. ނަމަވެސް ހެނދުނު 8:00 ގައި ވޯޓްލާން ނުފެށުނު ފޮށިތައް ބަންދުކުރާނީ މިރޭ 8:00 ގައި ކަމަށް ވެސް، އިލެކްޝަން ކޮމިޝަންގެ މެމްބަރު އަކްރަމް ވިދާޅުވި.
ވޯޓްލުމަށް ކުރިން ކަނޑައަޅާފައި އޮތީ ހެނދުނު 8:00 އިން ފެށިގެން ހަވީރު 4:00 އަށް ކަމަށް.
އިލެކްޝަންސް ކޮމިޝަނުން ބުނި ގޮތުގައި ވޯޓް ފޮށި ބަންދުކުރުމުގެ މުއްދަތު އިތުރުކުރީ ބައެއް ވޯޓް މަރުކަޒުތަކުގައި ވޯޓްލަން ފެށުން ލަސްވެގެން ދިއުމުން ކަމަށް.
6 މެއި 2017 | ހޮނިހިރު 20:57
20:43
މިއަދު 15:00 އާ ހަމައަށް އިލެކްޝަންސް ކޮމިޝަނަށް ހުށަހަޅާފައިވަނީ ޖުމުލަ 30 ޝަކުވާ ކަމަށާއި އޭގެ ތެރޭގައި ހިމެނެނީ ރަސްމީކޮށް (ލިޔުމުން) ހުށަހެޅި ފަސް ޝަކުވާ އާއި އަނގަބަހުން ހުށަހެޅި 25 ޝަކުވާ ކަމަށް، އިލެކްޝަންސް ކޮމިޝަންގެ މެމްބަރު އަކްރަމް ވިދާޅުވި. މި ޝަކުވާތަކުގެ ތެރެއިން ސީރިއަސް ޝަކުވާއަކަށް އުޅެނީ، ވޯޓްލާން ދިޔައިރު، ވޯޓް ލާފައި އޮތުން ކަމަށް. އެ މައްސަލައިގައި އެ މީހާގެ ބަޔާން ނަގާފައިވާ ކަމަށައި، މައްސަލަ ނިންމާނީ ކުރީގެ ދެ އިންތިހާބުގައި ވެސް، މިފަދަ މައްސަލަތަކުގައި ވެސް ނިންމާފައިވާ ގޮތަށް ބަލާނެ ކަމަށް.
6 މެއި 2017 | ހޮނިހިރު 20:43
20:30
19:57
ކެމްޕޭން މަސެޖްތައް ފޯނުތަކަށް ފޮނުވާ މައްސަލަ ބޮޑުވެއްޖެ އެވެ.
ލޯކަލް ކައުންސިލް އިންތިހާބުގެ ވޯޓްލުން ކުރިއަށްދާއިރު، ފޯނުތަކަށް ފޮނުވަމުންދާ މަސެޖްގައި ބުނެފައިވަނީ "ވޯޓްލުމުގެ ހައްގު ބޭނުންކުރައްވާ. ވޯޓް ފޮށި ދޮަށަށް ވަޑައިގެން، ތަރައްގީއަށް ވޯޓް ދެއްވާ" މިހެންނެވެ.
6 މެއި 2017 | ހޮނިހިރު 19:57
19:52
ރާއްޖެޓީވީއާ ވާހަކަ ދައްކަމުން އިލެކްޝަންސް ކޮމިޝަންގެ މެމްބަރު އަހްމަދު އަކްރަމް ވިދާޅުވީ ފޭކް ވޯޓް ކަރުދާސްތަކެއް ޕްރިންޓްކޮށްގެން އުޅޭތީ އެކަމަށް ސަމާލުވުމަށް. އީސީގެ ކަރުދާހާ އެއްގޮތަށް، ވޯޓް ކަރުދާހެއް ނޫޅޭނެ.
ވޯޓް ފާހަގަ ފިޔަވައި އިތުރު ފާހަގައެއް ނުޖެހުމަށް އިލްތިމާސްކުރަން. އެއީ އެންމެ މަސްލަހަތު ހުރި ގޮތެއް ވެސް ނޫން. އެންމެ ބޮޑު މައްސަލައެއް ދިމާވަނީ ޖިސްމާނީ ނުކުޅެދުންތެރި ކަމެއް ހުންނަ މީހުންނަށް ވޯޓްލުމުގެ ފުރުސަތު ދިނުމާ ގުޅޭ ގޮތުން. މިފަދަ ކަންކަމުގައި އޮޅުވާ ނުލުން އެދެން.
6 މެއި 2017 | ހޮނިހިރު 19:52
19:50
19:38
19:25
19:20
18:44
18:27
- ކެނޑިޑޭޓުންގެ ޝަރުތުތަކަށް ބަދަލު ގެނައި
- ކުޑަކުއްޖަކާ ބެހުން ނުވަތަ މީހެއްގެ އިއްފަތްތެރިކަން ފޭރިގަތުމުގެ މައްސަލައެއް ސާބިތުވެފައިވާ މީހަކަށް ވާދަނުކުރެވޭނެ
- މަސްތުވާތަކެތީގެ ވިޔަފާރި ކުރި ކަން ސާބިތުވެފައިވާ މީހަކަށް ވާދަ ކުރެވޭނީ ހުކުމް ތަންފީޒްކޮށް ނިމުނުތާ ހަތް އަހަރު ފަހުން
- އެހެން ކުށްތަކުގައި އެއް އަހަރަށް ވުރެ ގިނަ ދުވަހުގެ ހުކުމެއް އައިސްފައިވާ މީހަކަށް ކުރިމަތިލެވޭނީ ހުކުމް ތަންފީޒްކޮށް ނިމުނުތާ ތިން އަހަރު ފަހުން
- މިއަދު ފަށާފައިވާ އިންތިޚާބުގައި މި ޝަރުތުތަކަށް އަމަލުކުރޭ
- މި އިސްލާހާއެކު އަލުން އިންތިޚާބަށް ކުރިމަތިލާން ޖެހުނު
6 މެއި 2017 | ހޮނިހިރު 18:27
18:17
18:06
އިންތިޚާބު ކުރިއަށް ދަނީ ސުލްހަވެރިކަމާއެކު، ފޭކް ވޯޓް ކަރުދާހުގެ މައްސަލަ ދަނީ ބަލަމުން: ފުލުހުން
މިއަދު ހެނދުނު 8:00 އިން ފެށިގެން ކުރިއަށްދާ ލޯކަލް ކައުންސިލް އިންތިޚާބުގެ ކަންކަން ކުރިއަށް ދަނީ ސުލްހަވެރިކަމާއެކު ކަމަށާއި ފޭކް ވޯޓް ކަރުދާސްތަކެއް ގެންގުޅޭ ކަމަށް ކުރާ ޝަކުވާގެ މައްސަލަ ބަލަމުންދާ ކަމަށް ފުލުހުން ބުނެފި
ފުލުހުންގެ މީޑިއާ އޮފިޝަލް ވިދާޅުވީ ކައުންސިލް އިންތިޚާބަށް 422 ފޮއްޓެއް ބަހައްޓާފައިވާއިރު، އެއްވެސް ސަރަހައްދެއްގައި މިހާތަނަށް ބޮޑު ހަމަނުޖެހުމެއް ހިންގާފައިނުވާ ކަމަށް. އަދި އިންތިޚާބާ ގުޅޭ ހަމަނުޖެހުމަކާ ގުޅިގެން މީހަކު ހައްޔަރުކޮށްފައި ވެސް ނުވާ ކަމަށް އޮފިޝަލް ވިދާޅުވި.
އޮފިޝަލް ވިދާޅުވީ ފޭކް ވޯޓް ކަރުދާސްތަކެއް ގެންގުޅެމުންދާ ކަމުގެ ޝަކުވާތައް ލިބިފައިވާ ކަމަށާއި އެ މައްސަލަ މިހާރު ބަލަމުންދާ ކަމަށް.
6 މެއި 2017 | ހޮނިހިރު 18:06
17:54
ފޭކް ވޯޓް ކަރުދާސްތަކެއް ހަދައިގެން އުޅޭ ކަމުގެ ޝަކުވާ ލިބޭ، ސީރިއަސް މައްސަލައެއްގެ ގޮތުގައި ބަލާނަން: އީސީ
- ފޭކް ވޯޓު ކަރުދާސްތަކެއް ހަދައިގެން އުޅޭ ކަމުގެ ޝަކުވާތަކެއް ލިބިފައިވާ ކަމަށް އިލެކްޝަންސް ކޮމިޝަނުން ބުނެފި.
- ކޮމިޝަނުން ބުނީ ޕްރިންޓް ކޮށްފައިވާ ވޯޓު ކަރުދާސްތަކުގައި ހުންނާނީ ސެކިއުރިޓީ ފީޗާސްތަކެއް ހިމަނާފައި ކަމަށް.
- ކޮމިޝަނުން ބުނީ ފޭކް ވޯޓު ކަރުދާސްތަކެއް ޕްރިންޓް ކޮށްގެން އުޅޭ ނަމަ އެއީ ކަންބޮޑުވާ ކަމަށް.
- ކޮމިޝަނުން ބުނީ ވަރަށް ސީރިއަސް ކަމެއްގެ ގޮތުގައި ފޭކް ވޯޓް ކަރުދާހުގެ މައްސަލަ ބަލާނެ ކަމަށް.
6 މެއި 2017 | ހޮނިހިރު 17:54
17:46
އއ.ތޮއްޑޫގައި ބަހައްޓާފައިވާ U02.01.1 ފޮށްޓަށް މިހާތަނަށް ވޯޓު ލާފައިވަނީ 171 މީހުން، އެއީ 94 އަންހެނުންނާއި 77 ފިރިހެނުން،
ތޮއްޑޫގައި ބަހައްޓާފައިވާ U02.01.2 ފޮށްޓަށް މިހާތަނަށް ވޯޓު ލާފައިވަނީ 225 މީހުން، އެއީ 112 އަންހެނުންނާއި 113 ފިރިހެނުން.
6 މެއި 2017 | ހޮނިހިރު 17:46
17:30
އއ.އުކުޅަހުގައި ބަހައްޓާފައިވާ U02.03.1 ވޯޓު ފޮށްޓަށް މިހާތަނަށް ވޯޓު ލާފައިވަނީ 195 މީހުން. މި ފޮށްޓަށް ވޯޓު ލުމުގެ ހައްގު ލިބިފައިވަނީ 614 މީހުންނަށް. މި ފޮށްޓަށް ވޯޓު ލާނީ އުކުޅަހުގެ ރައްޔިތުންނާއި އުކުޅަހުގައި ދިރިއުޅޭ އެހެނިހެން ރަށްރަށުގެ މީހުން.
6 މެއި 2017 | ހޮނިހިރު 17:30
17:29
17:24
މާލޭގައި ދިރިއުޅޭ ފުވައްމުލަކު މެދު ދާއިރާ އަދި ދެކުނު ދާއިރާގައި ވޯޓްލާ ފެށިފައި ވަނީ ވޯޓްލާން ފަށަން ޖެހޭ ގަޑިއަށްވުރެ ދެ ގަޑިއިރު ފަހުން. ނަމަވެސް ގަޑިއތުރު ނުކޮށްދޭނެ ކަމަށް އީސީ އިން ބުނެފައިވާ ކަމަށް އެ މަރުކަޒުގައި ހުރި ރާއްޖެއެމްވީގެ އޮބްޒާވާ މައުލޫމާތުދޭ
6 މެއި 2017 | ހޮނިހިރު 17:24
17:20
- ޑިމޮކްރެޓިކް އަދި ޖަވާބުދާރީވަނިވި އުސޫލުތަކުގެ މަތިން ކަންކަން ހިންގުން
- އިގްތިސާދީ އަދި އިޖުތިމާއީ ދުޅަހެޔޮ ކަމާއި މުޖުތަމައުގެ ތަރައްގީ އަށް ބާރު އެޅުން
- ސިއްޚަތަށް ރަނގަޅު، ރައްކާތެރި، ދިރޭ ތަކެތީގެ މުއްސަނދިކަން ރައްކާތެރިކުރެވޭ ތިމާވެއްޓެއް ގާއިމްކޮށްފައި ބޭއްވުމަށް ބާރު އެޅުން
- ގާނޫނުން ކަނޑައަޅާ މި ނޫން ވެސް މަގުސަދުތައް ހާސިލްކުރުމަށް މަސައްކަތް ކުރުން
6 މެއި 2017 | ހޮނިހިރު 17:20
17:13
ރ. މީދޫގައި ބަހައްޓާފައިވާ E05.13.1 ވޯޓް ފޮއްޓަށް މިހާތަނަށް ވޯޓްލާފައިވަނީ 228 މީހުން.
ރ. މީދޫގައި ބަހައްޓާފައިވާ E05.13.2 ވޯޓް ފޮއްޓަށް މިހާތަނަށް ވޯޓްލާފައިވަނީ 237 މީހުން. އެއީ އަންހެން 106 މީހުންނާއި 131 ފިރިހެނުން.
6 މެއި 2017 | ހޮނިހިރު 17:13