raajjemv logo
ޔުއެފާ ޗެމްޕިއަންސް ލީގު
ޕޯޓޯ ބަލިކޮށް ޗެލްސީ ސެމީއާ ގާތަށް
 
ފުރަތަމަ ލެގުން ޗެލްސީ މޮޅުވީ 2-0 ގެ ނަތީޖާއަކުން
 
ދެވަނަ ލެގު ކުޅޭނީ މި މަހުގެ 13 ވަނަ ދުވަހު
އިސްމާޢީލް ޝާހް
1,333
ކ. މާލެ |
8 އޭޕްރިލް 2021 | ބުރާސްފަތި 07:27
ޕޯޓޯ އާއި ޗެލްސީ ބައްދަލުކުރި މެޗުގެ ތެރެއިން: މި މެޗުން ޗެލްސީ މޮޅުވީ 2-0 ން
ގެޓީ އިމޭޖަސް

ޔުއެފާ ޗެމްޕިއަންސް ލީގުގެ ކުއާޓާ ފައިނަލުގެ ފުރަތަމަ ލެގުގައި ޕޯޓޯ ބަލިކޮށް، މުބާރާތުގެ ސެމީ ފައިނަލާ ގާތަށް ޗެލްސީ ޖެހިލައިފިއެވެ.

ރަށުން ބޭރުގައި ކުޅުނު މެޗުން ޗެލްސީ މޮޅުވީ 2-0 ގެ ނަތީޖާއަކުންނެވެ. މި މެޗުން ޗެލްސީ މޮޅުވިއިރު، މި ފަހަރުގެ ޗެމްޕިއަންސް ލީގުގައި މިހާތަނަށް އެއްވެސް މެޗަކުން އެ ޓީމު ބަލިވެފައެއް ނުވެއެވެ.

ބުދަ ދުވަހުގެރޭ ކުޅުނު މެޗުގައި ޗެލްސީން މޮޅު ކުޅުމެއް ދެއްކިއިރު، ފުރަތަމަ ހާފުގައި އެ ޓީމުން ވަނީ ލީޑު ނަގާފައެވެ. އެގޮތުން މެޗުގެ 32 ވަނަ މިނެޓުގައި ޖޯޖީނިއޯ ދިން ޕާހަކުން ޗެލްސީއަށް ލީޑު ނަގައިދިން ލަނޑު ކާމިޔާބުކޮށްދިނީ މި ސީޒަނުގައި މޮޅު ކުޅުމެއް ދައްކަމުން އަންނަ މޭސަން މައުންޓެވެ.

އޭގެ ފަހުން މި މެޗުގައި ޕޯޓޯއިންވެސް ގިނަ ހަމަލާތަކެއް އުފެއްދިއިރު، އެ ހަމަލާތައް ހުއްޓުވުމުގައި ޗެލްސީގެ ގޯލްކީޕަރު އެޑޮއާޑް މެންޑީ ވަނީ މުހިންމު ދައުރެއް އަދާކޮށްފައެވެ. އެއާއެކު މެޗު ނިމެން ފަސް މިނެޓަށް ވެފައި ވަނިކޮށް ޗެލްސީން ވަނީ ލީޑު ފުޅާކޮށްފައެވެ. މި ލަނޑު އެ ޓީމަށް ކާމިޔާބުކޮށްދިނީ ޑިފެންޑަރު ބެން ޗިލްވެލެވެ.

މި މޮޅާއެކު ސެމީއާ ގާތަށް ޕީއެސްޖީ ޖެހިލިއިރު، ކުއާޓާގެ ދެވަނަ ލެގު ކުޅޭނީ މި މަހުގެ 13 ވަނަ ދުވަހު ޗެލްސީގެ ދަނޑުގައެވެ.

އެންމެ ފަހުން އަޕްޑޭޓް ކުރީ: 2 ދުވަަސް ކުރިން
ރިވިއު ކުރީ: ހުސައިން ފަރިޔާޒް
100%
އަންތަރީސް ވެއްޖެ
0%
އުފާ ވެއްޖެ
0%
ދެރަ ވެއްޖެ
0%
ރުޅި ގަދަ ވެއްޖެ
0%
މޮޔަވެއްޖެ
0%
ލިޔުން ރަނގަޅު
ކޮމެންޓް