ހުޅުމާލެ ދެވަނަ ފިޔަވަހީގައި އަލިފާނުގެ ހާދިސާއެއް ހިނގައިފި
19 ޖެނުއަރީ 2021 | އަންގާރަ 06:49އަލިފާން ރޯވެފައިވަނީ، ހުޅުމާލެ ދެވަނަ ފިޔަވަހީގައި ހުރި ބިދޭސީ އެކޮމޮޑޭޝަން ބްލޮކްއެއްގައި
ހުޅުމާލެ ދެވަނަ ފިޔަވަހީގައި އަލިފާނުގެ ހާދިސާ ހިނގި ސަރަހައްދު
ހުޅުމާލެ ދެވަނަ ފިޔަވަހީގައި އަލިފާނުގެ ހާދިސާއެއް ހިނގައިފިއެވެ.
މޯލްޑިވްސް ނެޝަނަލް ޑިފެންސް ފޯސްއިން ވިދާޅުވީ، އެމްއެންޑީއެފްގެ ފަޔަރ އެންޑް ރެސްކިއު ޑިޕާޓްމަންޓަށް އަލިފާނުގެ ހާދިސާގެ ރިޕޯޓްކޮށްފައިވަނީ 11:08 ގައި ކަމަށެވެ. އެގޮތުން އަލިފާން ނިއްވުމަށް ފަޔަރ އެންޑް ރެސްކިއު ޑިޕާޓްމަންޓުގެ ސިފައިންނާއި ހުޅުމާލެ ފަޔަރ ސްޓޭޝަންގެ ސިފައިން ވެސް ހަރަކާތްތެރިވިއިރު 11:39 ގައި އަލިފާންގަނޑު ވަނީ ކޮންޓްރޯލްކޮށްފައެވެ.
ހުޅުމާލެ ދެވަނަ ފިޔަވަހީގައި އިމާރާތްކުރަމުންދާ ހަތްހާސް ހައުސިންގް ޔުނިޓް ހުންނަ ސަަރަަހައްދުގައި މަސައްކަތް ކުރާ ބިދޭސީން އުޅޭ އެކޮމޮޑޭޝަން ބްލޮކްއެއްގައި އަލިފާނުގެ ހާދިސާއެއް ހިނގާފައިވާކަމަށް އެމްއެންޑީއެފްއިން ވަނީ ވިދާޅުވެފައެވެ. އަދި އަލިފާން ރޯވާން މެދުވެރިވި ސަބަބެއް އެމްއެންޑީއެފްއިން އަދި މިހާތަނަށް ހާމަކޮށްފައެއް ނުވެއެވެ.
މި ހާދިސާގައި އެއްވެސް މީހަކަށް އަނިޔާއެއް ނުވެއެވެ. އަލިފާނުގެ ހާދިސާ ހިނގަން މެދުވެރިވި ސަބަބު ދަނީ ބަލަމުންނެވެ.
