ޕާކިސްތާނުގެ ފޮރިން އެފެއާޒް މިނިސްޓަރުގެ ދައުވަތަކަށް ރާއްޖޭގެ ފޮރިން މިނިސްޓަރު ޑރ. މުހައްމަދު އާސިމް އާދީއްތަ ދުވަހު ޕާކިސްތާނަށް ވަޑައިގަންނަވަން ނިންމައިފި އެވެ.
އާދީއްތަ ދުވަހުން ފެށިގެން ތިން ދުވަހުގެ މުއްދަތަށް މިނިސްޓަރު އާސިމް ޕާކިސްތާނުގައި މަޑުކުރައްވާނެ ކަމަށް ޕާކިސްތާނުގެ "ދަ ނޭޝަން" ނޫހުގައި ވަނީ ބުނެފަ އެވެ.
އެނޫހުގައި ބުނެފައިވާ ގޮތުގައި މިނިސްޓަރު އާސިމްގެ އެ ދަތުރުފުޅުގައި ޕާކިސްތާނުގެ ޕްރައިމް މިނިސްޓަރު ނާވާޒު ޝަރީފާ ބައްދަލު ކުރައްވައި ދެ ގައުމުގެ ދެމެދުގައި އޮތް ގުޅުން އިތުރަށް ބަދަހި ކުރުމާ ބެހޭ ގޮތުން މަޝްވަރާ ކުރައްވާނެ އެވެ.
ހާއްސަކޮށް ދެ ގައުމުގެ ދެމެދުގައި މިހާރު އޮތް ހާރިޖީ ގުޅުން އިތުރަށް ވަރުގަދަ ކުރުމާ ބެހޭގޮތުން މަޝްވަރާ ކުރެއްވުމަށް ވަނީ ހަމަޖެހިފައި ކަމަށްވެސް އެނޫހުގައި ވަނީ ބުނެފައެވެ.
