ކޮވިޑް-19 ޖެހުނު 71 އަހަރު ދިވެހި އަންހެނެއް ނިޔާވެއްޖެ، މިއީ 16 ވަނަ މަރު
30 ޖުލައި 2020 | ބުރާސްފަތި 11:43މިހާތަނަށް 10 ދިވެހިން ވަނީ ބަލީގައި ނިޔާވެފައި
އައިޖީއެމް ހޮސްޕިޓަލް؛ އަންހެން މީހާ ނިޔާވީ އެމަރޖެންސީގައި ފަރުވާދެމުން ދަނިކޮށް
ކޮވިޑް-19 ޖެހިންގެ ރާއްޖޭގައި އުމުރުން 71 އަހަރުގެ ދިވެހި އަންހެނެއް ނިޔާވެއްޖެއެވެ.
ހެލްތް ޕްރޮޓެކްޝަން އެޖެންސީ (އެޗްޕީއޭ) އިން ބުނީ ބުރާސްފަތި ދުވަހުގެ މެންދުރު 01:38 ހާއިރު 71 އަހަރުގެ އުމުރުން ދުވަސްވީ ދިވެހި އަންހެނެއް ނޭވާލާން އުނދަގޫވެގެން އައިޖީއެމްއެޗްގެ އެމަރޖެންސީ ރޫމަށް ބުރާސްފަތި ދުވަހުގެ ހެނދުނު ގެންދެވުނު ކަމަށެވެ. އެމީހާ ނިޔާވީ ފަރުވާ ދެމުންދަނިކޮށް ކަމަށް އެޗްޕީއޭ އިން ވަނީ ބުނެފައެވެ.
މިއީ ރާއްޖޭގައި ކޮވިޑް-19 ޖެހިގެން ނިޔާވި 16 ވަނަ މީހާއެވެ.
މިއީ ރާއްޖޭގައި ކޮވިޑް-19 ޖެހިގެން ނިޔާވި 10 ވަނަ ދިވެހި މީހާ އެވެ. މީގެ އިތުރުން ބަންގުލަދޭޝްގެ 5 މީހުންނާއި ފިލިޕީންސްއަށް ނިސްބަތްވާ އެކަކު ވަނީ ރާއްޖޭގައި ނިޔާވެފައެވެ.
މިހާތަނަށް ރާއްޖޭގައި 3568 މީހަކު ވަނީ ކޮވިޑް-19ށް ޕޮޒިޓިވްވެފައެވެ. އަދި މިހާތަނަށް 2554 މީހަކު ބަލިން ރަނގަޅުވެފައިވާ އިރު، 983 މީހަކަށް ދަނީ ފަރުވާ ދެމުންނެވެ. ކޮވިޑް-19ށް ފަރުވާ ދެމުން އަންނަ މީހުންގެ ތެރެއިން މިވަގުތު އެޑްމިޓްކޮށްގެން ފަރުވާ ދެމުން އަންނަނީ 56 މީހަކަށެވެ.
