17 އަހަރުގެ ކުއްޖާ ބަލިވެއިން މައްސަލައިގައި މީހަކު ހައްޔަރުކޮށްފި
މިމައްސަލަ ފުލުހުންނަށް ހުށަހަޅާފައިވަނީ ޖުލައި މަހުގެ 1 ވަނަ ދުވަހު
ކުޑަކުދިންނަށް ކުރާ ޖިންސީ އަނިޔާއާ ދެކޮޅަށް ބޭއްވި އެއްވުމެއްގެ ތެރެއިން
އުމުރުން 17 އަހަރުގެ އަންހެއްކުއްޖަކު ބަލިވެއިން މައްސަލައިގައި ކޯޓު އަމުރެއްގެ ދަށުން 23 އަހަރުގެ މީހަކު ހައްޔަރުކޮށްފައިވާ ކަމަށް ފުލުހުން ބުނެފިއެވެ.
ފުލުހުން ބުނީ މިމައްސަލާގައި ދިވެހި ފިރިހެނަކު ހައްޔަރުކޮށްފައިވަނީ ހުކުރު ދުވަހުގެ ވަގުތެއްގައި ކަމަށެވެ. އުމުރުން 17 އަހަރުގެ އަންހެން ކުއްޖަކު ބަލިވެއިން މައްސަލައެއް ސެންޓްރަލް ޕޮލިސް ޑިވިޝަންގައި ހިމެނޭ ރަށެއްގައި ހުންނަ ސިއްހީ މަރުކަޒަކުން ފުލުހުންނަށް ހުށަހަޅާފައިވަނީ ޖުލައިު މަހުގެ 1 ވަނަ ދުވަހުއެވެ.
މި މައްސަލަ ކުޑަކުއްޖާ ރޭޕްކުރި މައްސަލައެއްގެ ގޮތުގައި ފުލުހުންގެ ކްރައިމް އެގެއިންސްޓް ޗިލްޑްރެން ޑިޕަރޓްމަންޓްގެ ތަހުގީގު ޓީމަކުން ޖެންޑަރ މިނިސްޓްރީއާ ގުޅިގެން ތަހުގީގުކުރަމުންދާ ކަމަށް ފުލުހުން ވަނީ ބުނެފައެވެ.
ސަފާރީއެއްގެ ތެރޭގައި ކެންޔާ އަންހެނަކު ރޭޕްކުރި މައްސަލައެއް ފެންމަތިވުމާއެކު ކުޑަކުދިންނަށް ކުރާ ޖިންސީ އަނިޔާ އާއި ރޭޕްގެ ވާހަކަތައް ވަނީ ފެންމަތިވެފައެވެ. އަދި އެކަމާއި ދެކޮޅަށް މާލޭގައި އަންނަނީ އަޑުއުފުލާ އެއްވުންތައް ބާއްވަމުންނެވެ.
