"ފައިސާ ގޯނި އުފުއްލެވި" މެމްބަރަށް. ނަމާދަށް އެރުން މަނާކުރީ ކޮން އިރަކުތޯއެވެ؟

މިހާރު މަނީ ލޯންޑަރިންގެ ދަޢުވާ އެއް ސާބިތުވެ 5 އަހަރުގެ ޖަލުހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް ޢަބްދުﷲ ޔާމީންގެ ދައުރުގައި ދައުލަތުން ވައްކަން ކުރުން އޮތީ ރީލޯޑްއެއް ކޮށްލުންހާ އަދާއިގެ ކަމަކަށް ހައްދަވާފައެވެ. ދައުލަތުގެ އިސްވެރިން ދިޔައީ އެއްބާރު އަނެއްބާރުގެ ތެރެއައް އަތްބާނާ ފުއްގަނޑެއް މޮޑޭހެން މޮޑެމުންނެވެ.

ސަރުކާރަށް ނިސްބަތްވާ މަޖިލިސް މެންބަރުން ތިބީ މަޖިލިސް ތަޅުއަޅުވާ ނުހައްގުން ރައްޔިތުންގެ ފައިސާއިން މުއްސަނދިކަން ހޯދުމަށް ފޫގަޅައިގެންނެވެ. ޢަބްދުﷲ ޔާމީން ގެ ބާރާއި ނުފޫޒް ތާއަބަދަށް ދެމިގެންދާނެ ކަމަށް ދެކިގެންނެވެ. އިންސާފް އަރާ ހަމަކޮށްފާނެ ކަމުގެ ބިރެއްނެތި، ސަރުކާރަށް ނިސްބަތްވާ މަޖިލިސް މެންބަރުން ދިޔައީ ބޮޑެތި ކުށްތަކަށް އަރައިގަނެ އެކުށްތައް ކުރީ ތިމަންނާމެން ކަމަށް ވިދާޅުވެ ރައްޔިތުން ކުރިމަތީ އިއުތިރާފް ވަމުންނެވެ.

ރައްޔިތުންގެ މަޖިލީހުގެ ކުރީގެ ހޯރަފުށީ ދާއިރާގެ މެމްބަރު މުހައްމަދު އިސްމާއީލް "ފައިސާ ގޯނި ހިފައިގެން" މެމްބަރުން ކައިރިއަށް ފައިސާ ބަހަން ވަޑައިގެންކަމަށް ފަޚުރުވެރި ކަމާއެކު ވިދާޅުވި އަޑު އެހީމެވެ. އަބަދުވެސް ބުނާތީ އަހަނީ އަޑުގަދަ މީހާގެ ރުއްގިނަވާނެ ކަމަށެވެ. ނަމަވެސް އަޑުގަދަ މީހާ ދެކެ ރުޅިއަންނަ މީހުން ގިނަވާނެކަން ހަނދުމަފުޅު ނެތުނީތޯއެވެ.

ގުދަން ބެލެހެއްޓުމުގައި އުޅުއްވަނިކޮށް ރައްޔިތުން ތިބޭފުޅާ މަޖިލީހަށް ހޮވީ ރައްޔިތުންގެ ހެވާ ލާބަޔަށް ކަންކުރާނެ ކަމުގެ އުންމީދުގައެވެ. "ފައިސާ ގޯނި ހިފައިގެން" މެމްބަރުން ކައިރިއަށް ފައިސާ ބަހަން ދާކަށްނޫނެވެ. އެދުވަހު ރައްޔިތުން އަތުގައިވެސް ބާރުއޮތްކަން ހަނދުމަފުޅު ނެތުމުން މިއަދު ރައްޔިތުން މިވަނީ ބޮޑުތަނުން ނޫނެކޭ ބުނެފަ ނޫންތޯއެވެ؟ އެވަރުންވެސް އަދިވެސް ރައްޔިތުން ގެ މެދުގައި ފިތުނަ ފަސާދަ އުފެއްދުން ހުއްޓާކަށް ނުވޭތޯއެވެ؟ ދާދިފަހުން މީޑިއާއަކުން ދައްކަމުންދިޔަ ޕޮގްރާމެއްގައިވެސް މަނިކުފާނު މިވަނީ ވަރަށް ބޮޑު އިތުރުފުޅެއް ހައްދަވާފައެވެ.

މަނިކުފާނެވެ. އިސްލާމިކް މިނިސްޓްރީން ނަމާދުކުރުން މަނާކުރީ ކޮންއިރަކުތޯއެވެ؟ ސިޔާސީ ކަންކަމުގައި ދީން އަށްޑަނައަކަށް ނުހަށްދަވާށެވެ. މަނިކުފާނަށް ނޭނގިދާނެ ކަމަށް ބުނެލަދޭނަމެވެ.

އިސްލާމިކް މިނިސްޓްރީން މަނާކުރީ މިސްކިތަށް ނަމާދަށް ދިއުމެވެ. އެއީ ހަލުވިކަމާއެކު ފެތުރެމުންދާ ކޮވިޑް-19 ގެ ބިރުވެރިކަން ބޮޑުކަމުން ޖަމާއަތުގައި ނަމާދު ކުރުން މިވަގުތަށް ބުއްދިވެރި ކަމަކަށް ނުފެންނާތީއެވެ. އެއްފަހަރުވެސް ނަމާދު ނުކުރަން މިނިސްޓްރީން އަންގާފައެއް ނުވެއެވެ. މަނިކުފާނު ތިޔަ އަޑުއައްސަވަނީ ޔަހޫދީން އަޑުއަހާހެންނެވެ. ޔަހޫދީންނަށްވެސް އަޑު އިވުނީ ނަމާދާ ގާތްނުވަން އެންގެވި ބަސްފުޅު އެކަންޏެވެ. ފަހަތުން އެންގެވި "މަސްތުވެގެން ވާ ހާލުގައި" މި ބަސްފުޅު އަޑެއްނީވުނެވެ.

އިސްމާއިލް. ދަންނަވަންތޯއެވެ. އަޑު ކިތަންމެ ގަދަޔަސް އިންސާފު އަރާހަމަކުރާނެއެވެ. ކުރިން ހިންގާފައި ހުރި ޖަރީމާތައް މަތިން އަދި ރައްޔިތުން ހަނދާނެއް ނުނެތެއެވެ. ދެންވެސް ރައްޔިތުން ގާތު މާފަށް އެދިލައްވާށެވެ. މިފަދަ ދަނޑިވަޅެއްގައި ރައްޔިތުންގެ މެދުގައި ސާބިތު ނުހިފޭ ދޮގު ވާހަކަތައް ދެއްކެވުން ހުއްޓާލައްވާށެވެ.