ބުދަ 08 ޖުލައި 2020
08 ފުނޯސް
1441 ޒުލްގައިދާ 17
ފަތިސް 04:41
އިރުއަރާ 05:59
މެންދުރު 12:15
އަސްރު 15:38
އިރުއޮއްސޭ 18:23
އިޝާ 19:41
ދިރާގު ދިވެހި ލީގު

ފަސޭހަކަމާއިއެކު ފޯކައިދޫ ބަލިކޮށް މާޒިޔާއިން ލީގުތައްޓާއި ގާތަށް ޖެހިލައިފި

  • މި މެޗު މާޒިޔާއިން ކާމިޔާބުކުރީ 7-0 ގެ ނަތީޖާއަކުން

ކ. މާލެ | 14 ޖެނުއަރީ 2020 | އަންގާރަ 19:31 | 2,092

މާޒިޔާ އަދި ފޯކައިދޫ ބައްދަލުކުރި މެޗުގެ ތެރެއިން - އެފްއޭއެމް

ދިރާގު ދިވެހި ޕްރިމިއާ ލީގުގައި ފަސޭހަކަމާއިއެކު ފޯކައިދޫ ފުޓުބޯޅަ ކްލަބް ބަލިކޮށް މާޒިޔާއިން ލީގު ތައްޓާއި ގާތަށް ޖެހިލައިފިއެވެ.

ގައުމީ ފުޓުބޯޅަ ދަނޑުގައި އަންގާރަ ދުވަހު ހަވީރު ކުޅުނު މި މެޗު މާޒިޔާއިން ކާމިޔާބުކުރީ 7-0 ގެ ނަތީޖާއަކުންނެވެ.

މި މެޗު ފަށައިގެން މާޒިޔާއިން މޮޅު އެޓޭކިންގ ގޭމެއް ކުޅެފައިވާއިރު މެޗުގެ 18 ވަނަ މިނެޓުގައި މާޒިޔާއިން ވަނީ ލަނޑުޖަހާ ލީޑު ނަގައިފައެވެ. މި ލަނޑު އެޓީމަށް ކާމިޔާބުކޮށްދިނީ އިބްރާހީމް މަހުދީ (ފޭދޫ އިއްބެ) އެވެ. މި ލަނޑަށްފަހު ވެސް މާޒިޔާއިން ވަނީ ފުލުފުލުގައި ފޯކައިދޫގެ ގޯލަށް ހަމަލާތައް ފޮނުވައިލައިފައެވެ. ފުރަތަމަ ހާފު ނިމުމުގެކުރިން މާޒިޔާއިން ވަނީ އިތުރު ލަނޑެއް ޖަހާ ލީޑު ފުޅާކޮށްފައެވެ. މި ލަނޑު އެޓީމަށް ކާމިޔާބުކޮށްދިނީ ހަމްޒާ މުހައްމަދު (ހަމްޕު)އެވެ.

މެޗުގެ ފުރަތަމަ ހާފު ނިމިގެންދިޔައީ 2-0 ގެ ނަތީޖާ އަކުން މާޒިޔާ ކުރީގައި އޮވެގެންނެވެ.

ދެވަނަ ހާފު ފަށައިގެން މާޒިޔާއިން ވަނީ އެޓީމުގެ އެޓޭކްތައް އިތުރަށް ވަރުގަދަ ކޮށްފައެވެ. އެގޮތުން މެޗުގެ 59 ވަނަ މިނެޓުގައި މާޒިޔާގެ ބިދޭސީ ފޯވާޑް ސްޓެވާޓް ވަނީ ލަނޑު ޖަހައިފައެވެ. އަދި މެޗުގެ 60 ވަނަ މިނެޓު ސްޓެވާޓް އޭނާގެ ދެވަނަ ލަނޑު މާޒިޔާއަށް ކާމިޔާބުކޮށްދީ، ސްޓްވާޓް އޭނާގެ ހެޓްރިކް ފުރިހަމަކުރީ މެޗުގެ 81 ވަނަ މިނެޓުގައެވެ. މެޗުގައި މާޒިޔާއިން ކާމިޔާބުކުރި ފަހު ލަނޑު މެޗުގެ 89 ވަނަ މިނެޓުގައި އެޓީމަށް ކާމިޔާބުކޮށްދިނީ މުހައްމަދު އިރުފާންއެވެ.

މެޗަށްފަހު ވާހަކަ ދައްކަމުން ފޯކައިދޫގެ ކޯޗު އަލީ ނިސްތާރް މުހައްމަދު ބުނީ މި މެޗަށް ފޯކައިދޫއިން ނުކުތީ ޕްރެކްޓިސްއަކާއި ނުލާ ކަމަށާއި ޓްރާންސްފަރ މާކެޓްގައި ޓީމަށް ވަނީ ބޮޑު ބަދަލުތަކެއް އައިސްފައިވާ ކަމަށެވެ. މީގެ އިތުރުން ނިސްތާރު ބުނީ ފޯކައިދޫގެ މިހާރުގެ އަމާޒަކީ ގަދަ ހަތަރަކަށް އެރުން ކަމަށެވެ.

އެންމެ ފަހުން އަޕްޑޭޓް ކުރީ: 3 މަސް ކުރިން | ރިވިއު ކުރީ: އަބުދުﷲ ނަސީރު އިބްރާހިމް

މި ލިޔުން ކިޔާލުމުން

ޚަބަރެއް ނުވަތަ މައުލޫމާތެއް ރާއްޖެއެމްވީ އަށް ދެއްވުމަށް [email protected] އަށް އީމެއިލް ކުރައްވާ ނުވަތަ 3007773 ނަންބަރަށް ގުޅުއްވާ.