ކ. މާލެ
|
15 ޑިސެންބަރ 2019 | އާދީއްތަ 18:32
ސޮއި ކުރުމުގެ ހަފްލާގެ ތެރެއިން
ސޮއި ކުރުމުގެ ހަފްލާގެ ތެރެއިން
ރާއްޖެ އޮންލައިން
ޓީސީ ސްޕޯޓްސް ކްލަބް
ޓީސީގެ ކޯޗު ކަމުގެ މަގާމަށް ޝާޒްލީ ހަމަޖައްސައިފި
 
ޓީސީ މިވަގުތު އޮތީ ވަރަށް ދަށް ހާލަތެއްގައި

ދިވެހި ޕްރިމިއަރ ލީގުގެ އެންމެ ފަހުގެ ޗެމްޕިއަން ޓީސީ ސްޕޯޓްސް ކްލަބުގެ ކޯޗު ކަމުގެ މަގާމަށް މުހައްމަދު ޝާޒްލީ ހަމަޖައްސައިފިއެވެ.

ޓީސީ ސްޕޯޓްސް ކްލަބްގެ ކޯޗު ކަމުގެ މަގާމާއި ޝާޒްލީ ހަވާލުވެ، އެއްބަސްވުމުގައި ސޮއިކޮށްފައިވަނީ ހޮނިހިރު ދުވަހުގެ ރެއެވެ.

މަގާމާއި ހަވާލުވުމަށްފަހު ޝާޒްލީ ބުނީ އޭނާ އަށް ޓީސީގެ ހާލަތު ވަރަށް ރަނގަޅަށް އިނގޭ ކަމަށާއި އޭނާގެ އަމަޒަކީ އަންނަ އަހަރު އޮންނަ އޭއެފްސީ ކަޕްގައި ޓީސީ އަށް ރަނގަޅު ނަތީޖާ އެއް ނެރެދިނުން ކަމަށެވެ.

މި ސީޒަނަށްފަހު ޓީސީ އުވާލާނެ ކަމަށް ޓީސީގެ ބާނީ ކުރީގެ ސްޕޯޓްސް ކޮމިޝަނަރ އަހްމަދު ނަޝީދު (ޑޭވް) ބުނެފައިވިނަމަވެސް ރޭ ނޫސްވެރިންނާ ބައްދަލުކުރައްވާ ޑޭވް ބުނީ ޓީސީ ދާނީ ކުރިޔަށް ކަމަށާއި ޓީސީ ހިންގަން ކިތަންމެ ކުޑަ އަލި މަގެއް ފެނުނަސް ޓީސީ އިން ދާނީ ކުރިޔަށް ކަމަށާއި ޓީސީ އަށް ދިމާވެފައިވާ މާލީ ހާލަތުން އަދިވެސް އަރައި ގަނެވިފައި ނުވާ ކަމަށެވެ.

އޭއެފްސީ ކަޕްގައި ޓީސީން ކުޅެންޖެހޭނީ އިންޑިއާގެ ވަރުގަދަ ޗެންނާއީ ސިޓީ އަދި ބަންގާޅުގެ ބަޝުންދަރާ ކިންގްސް އާއި އެއް ގްރޫޕެއްގައެވެ.

ޓީސީގެ ކޯޗުގެ މަގާމާ ރޭ ޝާޒްލީ ހަވާލުވިއިރު، އޭނާއަކީ ފުޓްބޯޅައިގެ އެންމެ މަތީ ފެންވަރުގެ ކޯޗިން ސަނަދު ކަމަށްވާ ޕްރޯ ޑިޕްލޮމާ ކޯޗިން ސެޓްފިކެޓް ހާސިލުކުރި ފުރަތަމަ ދިވެހި ކޯޗެވެ. މީގެ ކުރިން ވިކްޓަރީ ސްޕޯޓްސް ކްލަބަށްވެސް ކޯޗުކަން ކޮށްދިން ޝާޒްލީ ވަނީ ސެޕްޓެމްބަރު މަހު ނޭޕާލްގެ ވެރިރަށް ކަތަމަންޑޫގައި ބޭއްވި 18 އަހަރުން ދަށުގެ ސާފް ޗެމްޕިއަންޝިޕުން ރާއްޖެއަށް ލޯ މެޑެއްޔެއްވެސް ހޯދާދީފައެވެ.

ޝާޒްލީގެ އިރުޝާދުގެ ދަށުން ޓީސީން ކުޅޭ ފުރަތަމަ މެޗުގައި ދިރާގު ދިވެހި ޕްރިމިއަރ ލީގުގައި މާދަމާރޭ ނުކުންނާނީ ނިލަންދޫ ސްޕޯޓްސް ކްލަބާ ދެކޮޅަށެވެ. އެންމެ ފަހުގެ ލީގު ޗެމްޕިއަނުން ކަމަށްވާ ޓީސީ ލީގުގައި މިހާރި އޮތީ ހަތަރުވަނައިގައި 16 ޕޮއިންޓާއެކު އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ޒިހްނަތު ހަސަން
0%
0%
0%
0%
0%
0%
ކޮމެންޓް