ޔޫއެފާ ޗެމްޕިއަންސް ލީގުގައި ޖަރުމަނުގެ ޑޯރޓްމަންޑް އިން ވަރުގަދަ ބާސެލޯނާ މޮޅުވިޔަ ނުދީ ހިފަހައްޓައިފިއެވެ.

ޑޯރޓްމަންޑްގެ ދަނޑުގައި ކުޅުނު މި މެޗު ނިމިގެންދިޔައީ 0-0 ގެ ނަތީޖާއަކުންނެވެ.

މެޗު ފަށައިގެން ދެޓީމުގެ ފަރާތުން ހަމަހަމަ ކުޅުމެއް ފެނިގެންދިޔަ ނަމަވެސް ބާސެލޯނާގެ ލުއިސް ސުއަރޭޒް އަދި ގްރީޒްމަން ވަނީ ނުރައްކާތެރި ހަމަލާތަކެއް ޑޯރޓްމަންޑްގެ ގޯލަށް ފޮނުވާލައިފައެވެ. ނަމަވެސް މެޗުގެ ފުރަތަމަ ހާފުގެ ނިމުމުގެ ކުރިން ޑޯރޓްމަންޑް އިން ވަނީ އެޓީމުގެ ކުޅުން ރަނގަޅުކޮށް ބާސެލޯނާގެ ގޯލަށް ނުރައްކާ ކޮށްފައެވެ.

ޑޯރޓްމަންޑް އިން ފޮނުވާލި އެންމެ ނުރައްކާތެރި ހަމަލާއަކީ މެޗުގެ 28 ވަނަ މިނެޓުގައި ހުމެލްސް ބޮލުން ފޮނުވާލި ބޯޅައެވެ. ހުމެލްސް ބޮލުން ފޮނުވާލި ހަމަލާ ބާސެލޯނާގެ ކީޕަރު ވަނީ ހުށިޔާރުކަމާއެކު ދިފާއުކޮށްފައެވެ.

މެޗުގެ ދެވަނަ ހާފު ފަށައިގެން ބާސެލޯނާއިން ވަނީ އެޓީމުގެ އެޓޭކްތައް ވަރުގަދަ ކުރެވޭތޯ މަސައްކަތް ކޮށްފައެވެ. އެގޮތުން މެޗުގެ 59 ވަނަ މިނެޓުގައި ބާސެލޯނާއިން ވަނީ އެޓީމުގެ ކެޕްޓަން ލިއޮނަލް މެސީ ކުޅެން އަރުވައިފައެވެ.

މި ހާފުގައި ވެސް ޑޯރޓުމަންޑުން ވަނީ ބާސެލޯނާގެ ގޯލަށް ފުލުފުލުގައި ނުރައްކާތެރި ހަމަލާތަކެއް ފޮނުވައިލައިފައެވެ. ނަމަވެސް ބާސެލޯނާގެ ކީޕަރުވަނީ ޑޯޓުމަންޑުން ފޮނުވާލި ހަމަލާތައް ހުށިޔާރުކަމާއިއެކު ދިފާއު ކޮށްފައެވެ.

މި މެޗުގެ އެންމެ މޮޅު ކުޅުންތެރިޔަކީ ބާސެލޯނާގެ ކީޕަރު މާކް އަންދްރޭ ޓާ ސްޓެޖެންއެވެ.

މި ނަތީޖާއާއެކު ބާސެލޯނާ އޮތީ ލިބުނު އެއް ޕޮއިންޓާއެކު ގްރޫޕުގެ 3 ވަނައިގައެވެ. އަދި ޑޯޓްމަންޑް އޮތީ މި ގްރޫޕްގެ ފުލުގައެވެ. މި ގްރޫޕްގެ އެއްވަނައިގައި އަދި ދެވަނައިގައި އޮތް ޓީމަށް ވެސް ލިބިފައިވަނީ އެންމެ ޕޮއިންޓެކެވެ.