ރިލްވާންގެ މައްސަލަ މިއަދުގެ މަޖިލީހުގެ ޖަލްސާގައި
ގެއްލިފައިވަނީ 2014 ވަނަ އަހަރުގެ އޮގަސްޓު މަހުގެ 8 ވަނަ ދުވަހު
ނޫސްވެރިޔާ އަހުމަދު ރިލްވާން އަބްދުﷲ
މަރާލާފައިވާ ނޫސްވެރިޔާ އަހުމަދު ރިލްވާން އަބްދުﷲ ގެ މައްސަލައިގައި މަރާލާފައިވާ މީހުންނާއި ގެއްލުވާލާފައިވާ މީހުންގެ މައްސަލަތައް ތަހުގީގު ކުރާ ކޮމިޝަނުން އެކުލަވާލި ރިޕޯޓާ ގުޅޭ މައްސަލަ އަންގާރަ ދުވަހުގެ މަޖިލީހުގެ ޖަލްސާގައި އެޖެންޑާކޮށްފިއެވެ.
ރިލްވާން މަރާލާފައިވާކަން ހާމަކޮށްފައިވަނީ އާދީއްތަ ދުވަހު އެ ކޮމިޝަނުން ބޭއްވި ނޫސްވެރިންގެ ބައްދަލުވުމުގައެވެ.
ނޫސްވެރިޔާ އަހުމަދު ރިލްވާން ގެއްލިފައިވަނީ 2014 ވަނަ އަހަރުގެ އޮގަސްޓު މަހުގެ 8 ވަނަ ދުވަހުއެވެ.
މިހާތަނަށް ލިބުނު ހޯދުންތަކާއި ހެކި ބަހަށް ބަލާއިރު ރިލްވާން އެރުވީ ޑިންގީއަކަށް ކަމަށާއި ރިލްވާން މަރާލީ ކަނޑު އުޅަނދެއްގައި ކަމަށް އެކޮމިޝަނުގެ ރައީސް ހުސްނުއް ސުއޫދު ވަނީ ވިދާޅުވެފައެވެ. އެއީ ކޮން ފަރާތެއްގެ ކަނޑު އުޅަނދެއްކަން އަދި އެ ޑައިރެކްޓް ކުރަމުން އައި އައްޑޫގައި ހުރި ކާކުކަން ވެސް ހޯދާފައިވާކަމަށް ސުއޫދު ވަނީ ވިދާޅުވެފައެވެ.
އެކޮމިޝަނުން އެކުލަވާލި ރިޕޯޓުގައި ވާގޮތުން ރިލްވާން ކިޑްނެޕްކޮށްގެން ގެންގޮސް އެރުވީ ދޯންޏަކަށް ކަމަށް ހެކި ދިން ފަރާތަކުން ބަޔާން ދީފައިވާކަމަށް ވެއެވެ. އަދި ރިލްވާން މަރާލެވުނީ މި ދޯންޏަށް އެރުވުމަށް ފަހު ކަމަށް ކޮމިޝަނުން ބުނެފައިވެއެވެ.
