ކ. މާލެ
|
22 އޯގަސްޓް 2019 | ބުރާސްފަތި 12:59
ބިލްޑެކްސް މޯލްޑިވްސް 2019 ގެ ހުޅުވުމުގެ ރަސްމިއްޔާތުގެ ތެރެއިން
ބިލްޑެކްސް މޯލްޑިވްސް 2019 ގެ ހުޅުވުމުގެ ރަސްމިއްޔާތުގެ ތެރެއިން
ރާއްޖެއެމްވީ
ބިލްޑެކްސް މޯލްޑިވްސް 2019
ކޮންސްްޓްރަކްޝަންގެ ދާއިރާއަށް ޚާއްސަކޮށް، "ބިލްޑެކްސް މޯލްޑިވްސް 2019" ފަށައިފި
 
ބޭނުމަކީ ކޮންސްޓްރަކްޝަން ގެ ދާއިރާގައި މަސައްކަތް ކުރައްވާ ފަރާތްތަކުގެ ޚިދުމަތްތަކާއި އުފެއްދުންތައް އާއްމުންނަށް ދައްކާލުން
 
ބައިނަލްއަގްވާމި ގޮތުންފާހަގަ ކޮށްލެވޭ އިންވެސްޓަރުން ބައިވެރިވާނެ
 
އެގްޒިބިިޝަން ކުރިއަށް ދާނީ އޮގަސްޓް މަހުގެ 22 ން 24 އަށް

ކޮންސްްޓްރަކްޝަންގެ ދާއިރާގައި މަސައްކަތްތަކަށް ހާއްސަކޮށް "ބިލްޑެކްސް މޯލްޑިވްސް 2019" ގެ ނަމުގައި ޚާއްސަ އެގްޒިބިިޝަނެއް ފަށައިފި އެވެ.

އެގްޒިބިިޝަންގައި ކޮންސްޓްރަކްޝަން ދާއިރާގައި މަސައްކަތްކުރާ ކުންފުނިތަކުން ބައިވެރިވާއިރު، މި ދާއިރާގައި ބައިނަލްއަގްވާމިގޮތުން ފާހަގަކޮށްލެވޭ އިންވެސްޓަރުންވެސް ބައިވެރިވެއެވެ. އެގޮތުން ސްރީލަންކާ، އިންޑިއާ، ތައިލެންޑް، ނިއުޒިލޭންޑް، މެލޭޝިއާ، ޔޫއޭއީ އަދި އިޓަލީ ފަދަ ގައުމުތަކުން ބައިވެރިވެއެވެ.

ހުޅުވުމުގެ ރަސްމިއްޔާތު ބާއްވާފައިވަނީ ބުރާސްފަތި ދުވަހު ދަރުބާރުގޭގައެވެ. މި ރަސްމިއްޔާތު ޝަރަފުވެރި ކޮށްދެއްވާފައިވަނީ އިންޑިއާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު، ޝްރީ ސަންޖޭ ސުދީރު އެވެ.

ބިލްޑެކްސް މޯލްޑިވްސް 2019 ކުރިއަށް ދާނީ އޮގަސްޓް މަހުގެ 22 ން 24 އަށެވެ.

ކޮންސްޓްރަކްޝަންގެ ދާއިރާގައި މަސައްކަތް ކުރައްވާ ފަރާތްތަކަށް އެކްސްޕޯއެއް ބޭއްވުމުގެ މައިގަނޑު ބޭނުމަކީ އެ ދާއިރާގައި މަސައްކަތް ކުރައްވާ ފަރާތްތަކުގެ ޚިދުމަތްތަކާއި އުފެއްދުންތައް އާއްމުންނަށް ދައްކާލުން ކަމަށް އިންތިޒާމް ކުރާ ފަރާތުންބުނެއެވެ. ބިލްޑެކްސް މޯލްޑިވްސް 2019 ބާއްވަނީ މޯލްޑިވްސް ނެޝަނަލް އެސޯސިއޭޝަން އޮފް ކޮންސްޓްރަކްޝަން އިންޑަސްޓްރީ (އެމްއެންއޭސީއެލް) އާއި މޯލްޑިވްސް އެގްޒިބިޝަން އެންޑް ކޮންފަރެންސް ސާރވިސެސް ޕްރައިވެޓް ލިމިޓެޑް (އެމްއީސީއެސް) އިން އިންތިޒާމް ކޮށްގެންނެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
50%
50%
0%
0%
0%
0%
ކޮމެންޓް