ކާލްޓަން ބްރޭންޑުގެ ރެފްރިޖެރެންޓް ގޭސް މޯލްޑިވް ގޭހުން ތައާރަފުކޮށްފި

ކާލްޓަން ބްރޭންޑުގެ ރެފްރިޖެރެންޓް ގޭސް މޯލްޑިވް ގޭހުން ތައާރަފުކޮށްފިއެވެ.

ހުކުރު ދުވަހު އެސްޓީއޯ ޓްރޭޑް ސެންޓަރުގެ އޮޑިޓޯރިއަމްގައި ތައާރަފުކޮށްފައިވަނީ މި ބްރޭންޑްގެ ހަތަރު ގޭހެއެވެ. މި ހަތަރު ވައްތަރު ގޭހަކީ ހޮޓެލް، ރިސޯޓް ތަކުގެ މިނީ ބާސް، އެއަރކޯނަށް ހާއްސަ ގޭސް އަދި ޗިލާސް ގައި ބޭނުންކުރާ ގޭސް ކަމަށް މޯލްޑިވް ގޭހުން ބުންޏެވެ.

ރާއްޖެއެމްވީއަށް މައުލޫމާތުދެމުން އެ ކުންފުނީގެ މާކެޓިންގ މެނޭޖަރު އައިމިނަތު މުހައްމަދު ސައީދު ވިދާޅުވީ މި ޕްރޮޑަކްޓް ތައާރަފު ކުރުމުގެ އަމާޒަކީ ކަސްޓަމަރުންނަށް ކޮލެޓީ ރަނގަޅު ހެޔޮ ޕްރޮޑަކްޓެއް ފޯރުކޮށްދިނުން ކަމަށާއި އެ ކުންފުނިން ތިމާވެއްޓާއި ރައްޓެހި ޕްރޮޑްކްޓްތައް ބާޒާރަށް ނެރުމަކީ ވެސް ބޭނުންވާ ކަމެއް ކަމަށެވެ.

މި ބްރޭންޑްގެ ރެފްރިޖެރެންޓް ގޭސް ކަސްޓަމަރުންނަށް ހެޔޮ އަގެއްގައި ލިބިގެންދާނެ ކަމަށް އެ ކުންފުނިން މައުލޫމާތުދެއެވެ.

މޯލްޑިވް ގޭހަކީ އެންމެ ފުޅާ ދާއިރާއެއްގައި އެލްޕީޖީގޭސް އަދި މެޑިކަލް ގޭހުގެ އިތުރުން ހީލިއަމް އަދި އިންޑަސްޓްރިއަލް އަދި ރެފްރިޖެރެންޓް ގޭސް ވިއްކާ އެއް ކުންފުންޏެވެ.