މާލޭގައި ބުޅާމަރާ މައްސަލަ ވަނީ ބޮޑުވެފައި
ބުޅާ މަރާ މައްސަލަ ފުލުހަށް ހުށައެޅި ޓީމް
މާލޭގައި އަނިޔާވެރިކޮށް ބުޅާމެރުން އާއްމުވެފައި ވަނިކޮށް އެމައްސަލަ ސީރިއަސްކޮށް ބަލަމުންދާކަމަށް ފުލުހުން ބުނެފިއެވެ.
ބުދަ ދުވަހު ފުލުހުން ބުނީ، އަނިޔާވެރިކޮށް ބުޅާ މަރަމުންދާތީ ރައްޔިތުންގެ ތެރެއިން ބަޔަކު އެކަން ހުއްޓުވައި ދިނުމަށް އެދި ފުލުހުންގެ އިދާރާއަށް ޕެޓިޝަނެއް ހުށައަޅާފައިވާކަމަށެވެ. އަދި އެ މައްސަލައަކީ ސީރިއަސްކޮށް ބަލަމުންދާ މައްސަލައެއް ކަމަށް ފުލުުން ވަނީ ހާމަކޮށްފައެވެ.
މި ފަހަކަށް އައިސް މާލޭގެ މަގުތަކުގައި އަނިޔާވެރިގޮތްގޮތަށް ބުޅާމެރުންވަނީ އާއްމުވެފައެވެ. އަދި އެ މައްސަލައާއި މެދު އާއްމުންދަނީ ސޯޝަލް މީޑިއާގައި ކަންބޮޑުވުން ފާޅުކޮށް އެކަން ހުއްޓުވައިދީ އެބަޔަކު ހޯދައި އަދަބުދިނުމަށް ކަމާބެހޭ ފަރާތްތަކަށް ގޮވާލަމުންނެވެ.
