އިންޑިއަން އައިޑޮލް ސީޒަން 10 ކާމިޔާބު ކުރި ހަރްޔާނާ އަށް އުފަން ސަލްމާން އަލީ ބެނުން ވަނީ އޭނާއަށް އިނާމުގެ ގޮތުގައި ލިބުނު ފައިސާ އިން ގޭގެ ފުރާޅު މަރާމާތު ކުރަން ކަމަށް އޭނާ ބުނެފިއެވެ.

އުމުރުން 20 އަހަރުގެ ސަލްމާން މި މުބާރާތް ކާމިޔާބު ކޮށްފައިވަނީ އަންކުޝް ބަރްދްވާޖް، ނީލަންޖަނާ ރޭ، ނިތިން ކުމާރު، އަދި ވިބްހޫރު ޕަރަޝާރު އާއި ވާދަކޮށް ގިނަ އަދަދެއްގެ ވޯޓުގެ ތަފާތު ބޮޑު ނަތީޖާއަކުންނެވެ.

މި މުބާރާތް ކާމިޔާބު ކުރުމުން އޭނާއަށް ވަނީ އިނާމްގެ ގޮތުގައި 25 ލައްކަ އިންޑިއަން ރުޕީސް އާއި ޑެޓްސަން ކާރެއް ލިބިފައެވެ.

އައިއޭއެންއެސް އަށް ދިން އިންޓަވިއު އެއްގައި އޭނާ ވަނީ ބެލުންތެރިންނަށާއި ޖަޖުންނަށް ޝުކުރު އަދާކޮށްފައެވެ.

އޭނާ ބުނެފައިވަނީ އޭނާގެ ވިލެޖްގެ މީހުން ތިބީ ވަރަށް އުފަލުން ކަމަށާއި އޭނާއަށް ވަރަށް ގިނަ ފަރާތްތަކުން ގުޅަމުންދާ ކަމަށެވެ. އަދި އެކަމުގެ އުފަލުގައި އެމީހުން ދަނީ ފޮނިކާތަކެތި ބަހަމުން ކަމަށްވެސް އޭނާ ވަނީ ބުނެފައެވެ.

އޭނާއަށް އިނާމްގެ ގޮތުގައި ލިބުނު ފައިސާއަށް ހަދާނީ ކިހިނެތްތޯ އެ ނޫހުން ސުވާލު ކުރުމުން ސަލްމާން ބުނެފައިވަނީ އޭނާ އަކީ ވަރަށް ފަގީރު އާއިލާއަކުން އައިސްފައި ހުރި ކުއްޖެއް ކަމަށާއި އޭނާގެ ގެ ހުރީވެސް އެހާ ރަނަގަޅު ހާލަތެއްގައި ނޫން ކަމަށެވެ. އަދި ގޭގެ ފުރާޅުވެސް ހުރީ މަރާމާތު ކުރަން ޖެހިފައި ކަމަށް އޭނާ ވަނީ ބުނެފައެވެ. އަދި އެމީހުން ވަނީ ލޯނެއް ނަގާފައި ކަމަށާއި އެ ފައިސާ ޚަރަދު ކުރަން ބޭނުންވަނީ މި ހުރިހާ ކަމަކަށް ކަމަށް އޭނާ ވަނީ ބުނެފައެވެ.

"އަހަރެން ބޭނުން ވަނީ މި ފައިސާއިން ދިރުއުޅުން ކުރިއަށް ގެންދަން" ސަލްމާބް ވަނީ ބުނެފައެވެ.

މީގެ އިތުރުން ސަލްމާން ބުނެފައިވަނީ އެނާ ގެ ހަޔާތުގައި ވަރަށް ބައިވަރު ކަންތައްތައް ކުރަން ބޭނުންވާ ކަމަށާއި އޭނާ ބޮލީވުޑްގައި މަސައްކަތް ކުރުމަށް ބޭނުންވާ ކަމަށެވެ. ބޮލީވުޑްގެ ވަރަށް ގިނަ ފަންނާނުން އިންޑިއަން އައިޑޮލް ސެޓަށް ދިޔަ ކަމަށާއި އެމީހުން އޭނާއަށް ތައުރީފް ކުރި ކަމަށް ވަނީ ބުނެފައެވެ. އެހެންކަމުން އެމީހުން އޭނާއަށް ބޮލީވުޑުން ފުރުސަތު ދޭނެކަމުގެ ޔަގީންކަން އެބަ އޮތް ކަމަށާއި އެނާއަށް އެކަން ކުރެވޭކަން ދައްކުވައިދޭނެ ކަމަށް ވަނީ ބުނެފައެވެ.

ސަލްމާން ވަނީ ވަރުން ދަވަން އާއި އަނުޝްކާ ޝަރްމާ ކުޅޭފައިވާ ދާދި ފަހުން ރިލީޒް ކުރި "ސުއިދާގާ" އަށް ލަވައެއް ލިޔއިދީފައެވެ.