ހުޅުމާލޭގެ ދެވަނަ ފިޔަވަހިން ދޫކުރާ ގޯއްޗަށް އެދި ހުށަހަޅާ ފޯމް ބަލައިގަތުމަށް މިއަދަށް ދޫކުރަން ހަމަޖެހިފައިވާ ނަމްބަރުތައް ދޫކޮށް ނިމިއްޖެ
11 އޮކްޓޯބަރު 2018 | ބުރާސްފަތި 17:06ހުޅުމާލެ ދެވަނަ ފިޔަވަހިން ދޫކުރުމަށް ހަމަޖެހިފައި ވަނީ 400 ގޯތި
ފޯމްލުމަށް ނަމްބަރު ހޯދުމަށް ގިނަބަޔަކު ކިޔޫގައި ޖެހިފައިވޭ
ހުޅުމާލޭގެ ދެވަނަ ފިޔަވަހިން ދޫކުރާ ގޯއްޗަށް އެދި ހުށަހަޅާ ފޯމް ބަލައިގަތުމަށް މިއަދަށް ދޫކުރަން ހަމަޖެހިފައިވާ ނަމްބަރުތައް ދޫކޮށް ނިމިއްޖެއެވެ. ނުވައެއް ޖަހާއިރު ދޫކުރުމަށް ހަމަޖެހިފައި އޮތް ނަމްބަރުތައް ދޫކުރުން ގަނޑިއަށް ވުރެ ލަހުން ފެށިފައި ވާއިރު، ނަމްބަރު ނެގުމަށް ގިނަ ބަޔަކު ކިޔޫގައި ޖެހުނެވެ. ދުވާލަކަށް 500 ނަމްބަރު ދޫކުރާއިރު އަންގާރަ ދުވަހު ދޫކުރި ނަމްބަރުތަކަށް ހިދުމަތްދީ ނިމިފައި ވަނީ ބުދަ ދުވަހުގެ ހެނދުނު އެގާރަ ގަނޑި އަށެއް ހާއިރުއެވެ.
ހޯމަ ދުވަހު ހައުސިންގ މިނިސްޓްރީ ގައި ބޭއްވި ނޫސްވެރިންގެ ބައްދަލުވުމެއްގައި ހައުސިންގެ މިނިސްޓަރ ޑރ މުހައްމަދު މުއިއްޒު ހުޅުމާލޭގެ ދެވަނަ ފިޔަވަހިން 400 ގޯތި ދޫކުރުމަށް ހަމަޖެހިފައިވާ ކަމަށް އިއުލާން ކުރުމާއެކު އެކަން ހުއްޓާލުމަށް އޭސީސީން އެންގުމުން ފޯމް ދޫކުރުމާއި ބަލައިގަތުން ހުއްޓާލުމަށް ފަހު، އަންގާރަ ދުވަހު ވަނީ ފޯމް ދޫކުރުމާއި ބަލައިގަންނަން ފަށާފައެެވެ
ހުޅުމާލެ ދެވަނަ ފިޔަވަހިން 1000 އަކަފޫޓްގެ 400 ގޯތި ދޫކުރުމަށް ހަމަޖެހިފައި ވާއިރު، ގޯއްޗެއްގެ ޖުމްލަ އަގަކީ 400،000 (ހަތަރު ލައްކަ) ރުފިޔާއެވެ.
