ކ. މާލެ
|
12 އޯގަސްޓް 2018 | އާދީއްތަ 09:19
މަގުތަކުގައި ފެންބޮޑުވެ ގެތަކަށްވަނީ ފެން ވަދެފައި
މަގުތަކުގައި ފެންބޮޑުވެ ގެތަކަށްވަނީ ފެން ވަދެފައި
އޭޕީ
ކެރެލާގައި ފެން ބޮޑުވުން
ކެރެލާގައި ފެންބޮޑުވެ 30 އަށްވުރެ ގިނަ މީިހުން މަރުވެއްޖެ
 
އިޑުއްކީ ޑިސްޓްރިކްޓުން 18 މީހުން މަރުވެފައިވޭ
 
މަރުވި މީހުންގެ އަދަދުވަނީ 37 އަށް އަރާފައި

އިންޑިއާގެ ދެކުނުގެ ސްޓޭޓެއްކަމަށްވާ ކެރެލާއަށް ބޯކޮށް ވާރޭވެހި ބިންގަޑު ކަނޑައިގެންދިއުމުގެ ހާދިސާތަކުގައި އެތައް ބަޔަކު މަރުވެ ދަނޑު ބިންތައް ހަލާކުވެ އެތައް ހާސްބަޔަކު ރައްކާތެރި ސަރަހައްދުތަކަށް ބަދަލުވާން ޖެހިއްޖެކަމަށް އޮފިޝަލުން ބުނެފިއެވެ.

ބުދަ ދުވަހު ވެހެން ފެށި ވާރެއާއިއެކު ކެރެލާގެ 14 ޑިސްޓްރިކްޓްގެ ތެރެއިން ދެބައިކުޅަ އެއްބަޔަށްވުރެ ގިނަ ޑިސްޓްރިކްޓް ހޮނިހިރު ދުވަހު އޮތީ އިންޒާރުގެ ހާލަތުގައެވެ.

"ހުކުރު ދުވަހުގެ ފަހުން ނުވަ މީހުން މަރުވެފައިވާކަމަށް ރިޕޯޓް ކުރެވި މަރުވި މީހުންގެ އަދަދުވަނީ 37 އަށް އަރާފައި" ސްޓޭޓް ޑިޒާސްޓަރ މެނޭޖްމަންޓް ކޮންޓްރޯލް ރޫމުގައި މަސައްކަތްކުރައްވާ އޮފިޝަލަކު ޑީޕީއޭ ނިއުސް އޭޖެންސީގައި ހޮނިހިރު ދުވަހު ވިދާޅުވެފައިވެއެވެ.

އެންމެ ގިނަ މީހުން މަރުވެފައިވަނީ ފަރުބަދަމަތީ ސަރަހަދެއްކަމަށްވާ އިޑުއްކީ ޑިސްޓްރިކްޓުންކަމަށްވާއިރު އެ ސަރަހައްދުން 18 މީހުން މަރުވެފައިވާކަމަށް އޮފިޝަލް ވިދާޅުވިއެވެ.

ބިން ތިރި އަވަށްތަކުން 30،000 އަށްވުރެ ގިނަ މީހުން ސަރުކާރުން ގާއިމްކޮށްފައިވާ ކޭމްޕްތަކަށްވަނީ ބަދަލުކޮށްފައެވެ.

ކެރެލާގެ ވެރިރަށުގައި ގާއިމްކޮށްފައިވާ ކެރެލާ ސްޓޭޓް ޑިޒާސްޓަރ މެނޭޖްމަންޓް އޮތޯރިޓީގެ ކޮންޓްރޯލް ރޫމުން ބުނާގޮތުގައި 1،031 ހެކްޓަރުގެ ބިމުގެ ގޮވާން ވަނީ ހަލާކުވެފައެވެ.

ވާރޭވެހުން ހޮނިހިރު ދުވަހު މަޑުޖެހިފައިވީ ނަމަވެސް ވާރޭ ވެހޭނެކަމަށް ލަފާކުރެވޭތީ ކަމާއިބެހޭ އިދާރާތައްވަނީ ކުއްލިހާލަތަކަށް ގެނެވިފައެވެ.

ކެރެލާ ސްޓޭޓް ޑިޒާސްޓަރ މެނޭޖްމަންޓް އޮތޯރިޓީން ބުނީ މީހުން ސަލާމަތްކުރުމުގެ މަސައްކަތް ކުރަމުންގެންދާ ފަރާތްތަކުން އެކަހެރި ސަރަހައްދުތަކަށް ވާސިލުވެވުމުން މަރުވި މީހުންގެ އަދަދު އިތުރުވުމަކީ އެކަށީގެންވާކަމެއްކަމަށެވެ.

ކެރެލާގެ ޗީފް މިނިސްޓަރ ޕިނަރާއި ވިޖެޔަން ވަނީ ފެންބޮޑުވުމުގައި ގެއްލުންލިބުނު ސަރައްހައްދުތަކަށް ވަޑައިގެން މީހުން ސަލާމަތްކުރުމަށް ހިންގޭ އޮޕަރޭޝަނާއި އެހީގެ އޮޕަރޭޝަން ބައްލަވާލައްވާފައެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަހުމަދު ފައިރޫޒު
0%
25%
75%
0%
0%
0%
ކޮމެންޓް