ބްރެޑް ޕިޓް ދަރިންނާ އެކު ފާދާސްޑޭ ފާހަގަކޮށްފި

ހޮލީވޫޑްގެ ތަރި ބްރެޑް ޕިޓް އޭނާގެ ދަރިންނާ އެކު "ފާދާސް ޑޭ" ފާހަގަކޮށްފިއެވެ.

ހޮލީވޫޑް ތަރި އަންޖެލީނާ ޖޮލީ އާއި ބްރެޑްޕިޓްގެ ކައިވެނި 2016 ވަނަ އަހަރުގެ ސެޕްޓެމްބަރު މަހުގެ 13 ގައި ރޫޅި ކުދިންގެ ބަލަދުވެރިކަމުގައި ޚިޔާލު ތަފާތުވުންތަކެއް ވަނީ އުފެދިފައެވެ.

ކޯޓުން ބުނެފައި ވަނީ ކުދިންގެ ބައްޕައާ ދުރުކުރުމަކީ ކުދިންނަށް ގެއްލުން ހުރި ކަމެއް ކަމަށެވެ. އަދި ޕިޓާއި ކުދިންނާ ގުޅުން ކަނޑުވައިފި ނަމަ ޖޮލީގެ އަތުން އެކުދިން ބެލުމުގެ ބާރު ނެގޭނެ ކަމަށް ކޯޓުން ބުނެފައި ވެއެވެ.

ކޯޓު އަމުރުގައި ވާގޮތަށް ޕިޓް އޭނާގެ ދަރިން ކަމަށްވާ ޕެކްސް 14، ޒަހަރާ 13، ޝިލޯހް 12، އަދި 9 އަހަރުގެ އެއްމާބަނޑު ދެ ކުދިން ކަމަށްވާ ވިވެން އާއި ނޮޒްއާ އެކު ފާދާސް ޑޭ ފާހަގަ ކޮށްފައި ވަނީ ލަންޑަންގައެވެ. އެ ކުދިން ލަންޑަނަށް ދިޔައީ މަންމަ އަންޖެލީނާގެ ފިލްމް "މެލިފިޝަންޓް 2" ޝޫޓް ކުރުމަށެވެ.

ޕިޓް އޭނާގެ ފަސް ކުދިންނާ ބައްދަލު ކޮށްފައިވާއިރު އެންމެ ދޮށީ ދަރިފުޅު މެޑެކްސް 16، އަކީ ބޮޑުވެފައި ހުރި ކުއްޖަކަށް ވުމުން އޭނާ ބޭނުން ވަގުތަކު ބައްޕައާ ބައްދަލު ކުރެވޭނެތީ ކޯޓުން ކަނޑައެޅި ތާވަލުގައި މެޑެކްސް ހިމަނާފައެއް ނުވެއެވެ.

ޕިޓް ޔޫކޭ އަށް ގޮސްފައި ވަނީ މިދިޔަ ހަފްތާގެ ތެރޭގައެވެ.