ސުނީތާގެ އުފަންދުވަހު އޭނާގެ އަޑުން މަދަހައެއް

އެހީއަށް ބޭނުންވެފައިވާ މީހުންނާއި ފަގީރުންނާއި މިސްކީނުންގެ ހާލަތަށް އަލިއަޅުވާލާ މަޝްހޫރު ނެށުންތެރިޔާ ސުނީތާ އަލީ(ސުނީ) ވަނީ އޭނާގެ އުފަންދުވަހަށް މަދަހައެއް ނެރެފައެވެ.

އެހީ ވަމާތޯ ގެ ނަމުގައި ނެރުނު މި މަދަހައިގެ ޕްރޮޑިއުސަރަކީ އަދި ޑައިރެކްޓަރަކީވެސް އޭނާއެވެ. އިނގިރޭސި ސަބްޓައިޓަލްއާއި އެކު އޭނާ މި ނެރުނު މަދަހަ ޓްވީޓް ކޮށްފައިވާއިރު އެޓްވީޓުގައި އޭނާ ވަނީ އޭނާ އެންމެ ސަޕޯޓްކުރާ އިންޑިއާގެ ތަރި ޕްރިޔަންކާ ޗޮޕްރާ ވެސް ޓެގް ކޮށްފައެވެ.

އެ މަދަހައިގައި ޕްރިޔަންކާ ދާދިފަހުން މިޔަންމާގައި ތިބި ރޮހިންޖާ މީހުންނަށް އެހީވާ މަންޒަރު ފެންނަ ވީޑިއޯވެސް ވަނީ ހިމަނާފައެވެ.

މި މަދަހައިގައި ސުނީގެވެސް އެކްޓިން ފެނިގެންދެއެވެ. ސުނީ ބުނީ މި މަދަހައަކީ އޭނާ މީގެ ދެ އަހަރު ދުވަސް ކުރިން ދެކެމުން އައި ހުވަފެނެއް ކަމަށެވެ.