ކ. މާލެ
|
18 ޖެނުއަރީ 2018 | ބުރާސްފަތި 11:52
އައިފޯން
އައިފޯން
އެޕަލް
އައިފޯން
ދެން އަންނަ އަޕްޑޭޓަކާ އެކު އައިފޯން ހަލުވި ކުރެވޭނެ: ޓިމް ކުކް
 
ފޯނު ނެރުން ލަސްކޮށްލީ ފުލް ކެޕޭސިޓީގައި ފޯނު ފަންކްޝަން ކުރާއިރު ބެޓްރީ އަށް ބޮޑު ގެއްލުންތަކެއް ލިބިދާނެތީ ކަމަށް ބުނެފައިވޭ
 
އަޕްޑޭޓްތައް އާންމުކޮށް ދޫކޮށްލުމުގެ ކުރިން އައިފޯން ޓެސްޓް ކުރަން ޑިވެލޮޕަރުންނަށް ދޫކުރާނެ

އައިފޯނަށް ދެން އަންނަ އަޕްޑޭޓަކާ އެކު އައިފޯން ހަލުވިކުރެވޭނެ ކަމަށް އެޕަލް ކުންފުނީގެ ސީއީއޯ ޓިމް ކުކް ވިދާޅުވެއްޖެއެވެ.

އޭބީސީ ނިއުސް އަށް ޓިމް ކުކް ދެއްވާފައިވާ އިންޓަވިއުއެއްގައި ވިދާޅުވީ އަޕްޑޭޓްތައް އާންމުކޮށް ދޫކޮށްލުމުގެ ކުރިން ފުރަތަމަ އައިފޯން ޓެސްޓް ކުރަން ޑިވެލޮޕަރުންނަށް ދޫކުރާނެ ކަމަށެވެ. އެއަށް ފަހު އާންމުންނަށް އަޕްޑޭޓް ދޫކުރަން އަންނަ މަހުގެ ތެރޭގައި ފަށާނެ ކަމަށް އޭނާ ވިދާޅުވިއެވެ.

އައިފޯންX، އައިފޯން 8 އަދި 8 ޕްލަސް ނޫން އެޕަލް ބްރޭންޑުގެ އެހެން ފޯނުތައް އެކުންފުނިން ވަނީ "ސްލޯ" ކޮށްލާފައެވެ. އެކަމާ ގުޅިގެން އައިފޯނު ބޭނުންކުރާ ފަރާތްތަކުން ވަނީ އުނދަގޫތަކާ ދިމާވާ ކަމަށް ބުނެފަައެވެ. އައިފޯން "ސްލޯ" ކުރީ އައިއޯއެސް 11 ގެ ސަބަބުން ބެޓްރީތަކަށް ދިމާވެދާނެ މައްސަލަތަކަށް ކަމަށާއި ފުލް ކެޕޭސިޓީގައި ފޯނު ފަންކްޝަން ކުރާއިރު ބެޓްރީއަށް ބޮޑު ގެއްލުންތަކެއް ލިބިދާނެތީ ކަމަށް އެޕަލް ކުންފުނިން ވަނީ ބުނެފައެވެ.

އެކަމާ ގުޅިގެން އައިފޯން ބޭނުންކުރާ ފަރާތްތަކުން ވަނީ އެކަން އެފަރާތްތަކުން ސަމާލު ކަމަށް ނުގެނެސް ސްލޯ ކޮށްލުމުން އެޕަލް ކުންފުންޏާ ދެކޮޅަށް އެތައް މައްސަލަތަކެއް ހުށައަޅާފައެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
100%
ކޮމެންޓް