ހޮޓެލިއަރ މޯލްޑިވްސް މަޖައްލާ މަހަކު އެއް ފަހަރު ނެރެން ނިންމައިފި

ހޮޓެލިއަރ މޯލްޑިވްސް މަޖައްލާ މަހަކު އެއް ފަހަރު ނެރެން ނިންމައިފިއެވެ.

މީގެ ކުރިން ކޮންމެ ދެ މަހަކުން އެއްފަހަރު ނެރެމުންދިޔަ މި މަޖައްލާ އަންނަ ޖަނަވަރީ މަހުން ފެށިގެން ނެރެން ނިންމާފައިވާކަން ރަސްމީކޮށް އިއުލާންކޮށްފައި ވަނީ ބުދަ ދުވަހުގެރޭ ސިޓީ ގާޑަން ރެސްޓޯރެންޓުގައި ބޭއްވި ކުޑަ ރަސްމިއްޔާތެއްގައެވެ. މި ރަސްމިއްޔާތުގައި ސަޕްލަޔަރ ޑިރެކްތްރީގެ ނަމުގައި އައު ޚިދުމަތެއްވެސް ވަނީ ތަޢާރުފު ކޮށްފައެވެ.

ސަޕްލަޔަރ ޑިރެކްޓްރީ އަކީ ރިސޯޓް އަދި ހޮޓާތަކަށް ބޭނުންވާ ޚިދުމަތްތައް ފޯރުކޮށްދޭ ކުންފުނިތަކުގެ މަޢުލޫމާތު އެއްތަނަކުން ހޯދުމަށް މަގު ފަހިކޮށްދޭ ވަސީލަތެކެވެ. މި ޑިރެކްޓްރީގައި ކުންފުނިތައް ލިސްޓުކުރުމުގެ ފުރުސަތު އެއްވެސް އަގަކާއި ނުލައި ޕާސްޕެކްޓިވް މޯލްޑިވްސް ޕްރައިވެޓް ލިމިޓަޑުން ވަނީ ހުޅުވާލާފައެވެ. އަދި މީގެއިތުރުން މި ޑިރެކްޓްރީގައި އިސްތިހާރު ކުރުމުގެ ފުރުޞަތުވެސް ވަނީ ހުޅުވާލާފައެވެ.

ޕަރސްޕެކްޓިވް މޯލްޑިވްސް ޕްރައިވެޓް ލިމިޓަޑްގެ ފަރާތުން ނެރޭ ހޮޓެލިއަރ މޯލްޑިވްސް މަޖައްލާއަކީ ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކަށް ހާއްސަކޮށްގެން ނެރޭ މަޖައްލާއެކެވެ.

ޕަރސްޕެކްޓިވް މޯލްޑިވްސް ޕްރައިވެޓް ލިމިޓަޑްގެ ހެޑް އޮފް އޮޕަރޭޝަންސް އައިމިނަތު އަލީ ވިދާޅުވީ، ހޮޓެލިއަރ މޯލްޑިވްސް މަޖައްލާގެ ބޭނުމަކީ ފަތުރުވެރިކަމުގެ ދާއިރާގައި ހަރަކާތްތެރިވާ ރިސޯޓް އަދި ހޮޓާތަކާއި، ފަތުރުވެރިކަމުގެ ދާއިރާއަށް ބޭނުންވާ މުދަލާއި ޚިދުމަތްތައް ފޯރުކޮށްދޭ ފަރާތްތަކާއި ދެމެދު މެދުވެރިއެއްގެ ދައުރު އަދާކުރުން ކަމުގައެވެ.

2014 ވަނަ އަހަރުން ފެށިގެން ނެރެމުން އަންނަ ހޮޓެލިއަރ މޯލްޑިވްސް މަޖައްލާގެ 24 އަދަދު މިހާތަނަށް ވަނީ ނެރެފައެވެ.