''ލޫޓުވައިފި، ލޫޓުވައިފި'' އެއްވުމުގެ މަގުސަދު މިހާރު ވެސް ދަނީ ހާސިލްވަމުން: ކުރީގެ ރައީސް ސާލިހު

ރާއްޖެ ދުނިޔެ ކުޅިވަރު ވިޔަފާރި-އިގްތިސާދު ސިއްހަތު ރިޕޯޓު ލައިފް ސްޓައިލް ތަފާތު ޚަބަރު ވާހަކަ ފޮޓޯ

ކ. މާލެ

2 އޮކްޓޯބަރ 2025 | ބުރާސްފަތި 08:56

ކުރީގެ ރައީސް އިބްރާހިމް މުހައްމަދު ސާލިހު، ފަށާއިރު ޕްރޮގްރާމްގައި ވާހަކަދައްކަވަނީ

ރާއްޖެއެމްވީ

ފަށާއިރު

''ލޫޓުވައިފި، ލޫޓުވައިފި'' އެއްވުމުގެ މަގުސަދު މިހާރު ވެސް ދަނީ ހާސިލްވަމުން: ކުރީގެ ރައީސް ސާލިހު

އެއްވުމާއި ގުޅިގެން ސިވިލް ސަރވިސް މުވައްޒަފުން މުސާރަ ބޮޑުވާނެކަން އިއުލާން ކޮށްފައިވޭ، ބޯނަސްތައް ދަނީ ދެމުން

55 ބިލިއަން ރުފިޔާގެ ބަޖެޓެއް ހުސްވެ، މިއަހަރުގެ 56 ބިލިއަން ރުފިޔާގެ ބަޖެޓެއް ވެސް ދަނީ ހުސްވަމުން

ރައްޔިތުން ބޭނުންވާ އެއްވެސް ކަމެއް ނުވޭ، ކުރިން ފަށާފައިވާ މަސައްކަތްތައް ވެސް ވަނީ ހުއްޓިފައި

އަމްނާ އިމާދު

6,709

''ލޫޓުވައިފި، ލޫޓުވައިފި'' އެއްވުމުގެ މަގުސަދު މިހާރު ވެސް ހާސިލްވަމުންދާ ކަމަށް ކުރީގެ ރައީސް އިބްރާހިމް މުހައްމަދު ސާލިހު ވިދާޅުވެއްޖެއެވެ.

ބުރާސްފަތި ދުވަހު ފަށާއިރު ޕްރޮގްރާމްގައި ވާހަކަފުޅު ދައްކަވަމުން ރައީސް ސާލިހު ވިދާޅުވީ އޮކްޓޯބަރު މަހުގެ 3 ވަނަ ދުވަހު ބާއްވާ އެއްވުމުގެ މަގުސަދު ހާސިލްވަމުންދާ ކަމަށެވެ.

އެގޮތުން އެއްވުމާއި ގުޅިގެން ސިވިލް ސަރވިސް މުވައްޒަފުން މުސާރަ މިއަހަރުގެ ނޮވެންބަރު މަހު ބޮޑުވާނެކަން ސަރުކާރުން އިއުލާން ކުރުމާއި، އެއަރޕޯޓުގެ މުވައްޒަފުންނަށް ނުދީ ހިފަހައްޓާފައިވާ ބޯނަސްތައް ދިނުމާއި، 1 ފެބްރުއަރީ 2026 އިން ފެށިގެން ކްރެޑިޓް ކާޑު ޑޮލަރު ލިމިޓް ބޮޑު ކުރަން ނިންމި ނިންމުން ފާހަގަކުރެވޭ ކަމަށް އެމަނިކުފާނު ވިދާޅުވިއެވެ.

މި ސަރުކާރުގެ އިގްތިސާދީ ސިޔާސަތު އޮތް ގޮތަށް އިޝާރާތް ކުރައްވައި ރައީސް ސާލިހު ވިދާޅުވީ މި ބަޖެޓުގެ ތެރެއިން މިކަންކަން ވުމުން ނޫނީ އެކަން ވާނެ ކަމަށް ގަބޫލުނުކުރެވޭ ކަމަށެވެ.

މިހާރު ވެސް އަޅުގަނޑުމެންގެ މިއެއްވުމުގެ މަގުސަދު ހާސިލްވަމުން މިދަނީ. އަޅުގަނޑުމެން ދައްކަން ކުރި ވާހަކަތައް އެއީ. ސިވިސް ސަރވިސް މުވައްޒަފުންގެ މުސާރަ ބޮޑު ކުރަން 2024 ވަނަ އަހަރުގެ ބަޖެޓުގައި ހިމަނާފައި އޮތް ކަމެއް އަޅުގަނޑުމެން ފޭބިއިރުގައި އޮންނާނީ. 2024 ނިމިގެން އެދިޔައީ. މިއަހަރު މި ނިމެނީ. އެވާހަކަ އިއުލާން ކުރައްވާފައި އެކަން ކުރައްވާފިއްޔާ ކިތަންމެހާ ވެސް ރަނގަޅު. ތި ވިދާޅުވާހެން ކާޑަށް ޑޮލަރު ލިބޭ އަދަދު މިއަންނަ އަހަރުން ފެށިގެން ތެދެއްތޯ ބޮޑު ކުރާ ވާހަކަ ވިދާޅުވެއްޖެ. ވަރަށް ރަނގަޅު އެކަން ކުރެވިއްޖެއްޔާ. އެއަރޕޯޓުގެ މުވައްޒަފުންނަށް ނުދީ އޮތް ބޯނަސް ދޭން ނިންމި ވާހަކައެއް ތި ވިދާޅުވީ. މިހުރީ ރައްޔިތުންގެ ހުރި ކަންބޮޑުވުންތައް.

ކުރީގެ ރައީސް އިބްރާހިމް މުހައްމަދު ސާލިހު

ބޮޑެތި ކަންބޮޑުވުންތަކެއް ހުރިކަން ފާހަގަކުރައްވައި ރައީސް ސާލިހު ވިދާޅުވީ 2024 ވަނަ އަހަރު 55 ބިލިއަން ރުފިޔާގެ ބަޖެޓެއް ހުސްވެފައިވާ ކަމަށާއި، މިއަހަރުގެ 56 ބިލިއަން ރުފިޔާގެ ބަޖެޓެއް ހުސްވަމުންދާ ކަމަށެވެ. ނަމަވެސް ރައްޔިތުން ބޭނުންވާ އެއްވެސް ކަމެއް ނުވާ ކަމަށާއި، ކުރިން ފަށާފައިވާ މަސައްކަތްތައް ވެސް ހުއްޓިފައިވާ ކަމަށް ރައީސް ސާލިހު ވިދާޅުވިއެވެ.

ރައީސް ސާލިހު ވިދާޅުވީ، ރައީސް ޑރ.މުހައްމަދު މުއިއްޒު ވެވަޑައިގެންނެވި ވައުދުތަކުގެ ތެރެއިން އެއްވެސް ވައުދެއް ފުއްދަވާ މަންޒަރު ނުފެންނަ ކަމަށެވެ.