ސެޕްޓެމްބަރު މަހުގެ ފުރަތަމަ ހަފްތާގައި ރާއްޖެއަށް 33،773 ފަތުރުވެރިން ޒިޔާރަތް ކޮށްފި
ރާއްޖެ އަށް ޒިޔާރަތް ކުރާ ފަތުރުވެރިން އެންމެ ގިނަ ހޭދަ ކޮށްފައި ވަނީ ރިސޯޓުތަކުގައި ކަން ރެކޯޑް ކުރެވިފައިވާއިރު އެންމެ ގިނަ ފަތުރުވެރިން ޒިޔާރަތް ކުރީ ޗައިނާ އިންނެވެ.
ވެލައްސަރު ރިސޯޓުގެ މޫދު ކޮޓަރި
ސެޕްޓެމްބަރު 1 އިން 7 ށް 33,773 ފަތުރުވެރިން ރާއްޖެއަށް ޒިޔާރަތް ކޮށްފިއެވެ. މިއީ 2024 ގެ މި މުއްދަތާ އަޅާބަލާއިރު 23.6 އިންސައްތައިގެ އިތުރުވުމެކެވެ. މިދިޔަ އަހަރު މި މުއްދަތުގައި 27,322 ފަތުރުވެރިން ޒިޔާރަތްކޮށްފައިވެއެވެ.
ސެޕްޓެމްބަރު މަހުގެ ފުރަތަމަ ހަފްތާގައި ދުވާލަކަށް އެވްރެޖްކޮށް 4,825 ފަތުރުވެރިން ޒިޔާރަތްކޮށްފައިވެއެވެ. އޯގަސްޓް މަހު 192,058 ފަތުރުވެރިން ޒިޔާރަތްކޮށްފައިވެއެވެ. 2025 ގައި ރާއްޖޭގެ ފަތުރުވެރިކަން ރަނގަޅުވެފައިވާއިރު 7 ސެޕްޓެމްބަރާ ހަމައަށް ޖުމްލަ 1.52 މިލިއަން ފަތުރުވެރިން ޒިޔާރަތްކޮށްފައިވެއެވެ. މިއީ 2024 ގެ މި މުއްދަތާ އަޅާބަލާއިރު 9.7 އިންސައްތައިގެ އިތުރުވުމެކެވެ.
240,828 ފަތުރުވެރިންނާއެކު އެންމެ ގިނަ ފަތުރުވެރިން ރާއްޖެ އަށް ޒިޔާރަތް ކުރާ ގައުމުގެ ގޮތުގައި އޮތީ ޗައިނާ އެވެ. ރަޝިޔާ އިން 182,315 އަދި އިނގިރޭސި ވިލާތުން 136,619 ފަތުރުވެރިން ޒިޔާރަތްކޮށްފައިވެއެވެ. އިޓަލީ، ޖަރުމަނު އަދި އިންޑިޔާ އިން ވެސް ފާހަގަ ކުރެވޭ އަދަދެއްގެ ފަތުރުވެރިން ރާއްޖެ އަށް ޒިޔާރަތް ކޮށްފައިވެއެވެ. މީގެ އިތުރުން ޔުނައިޓެޑް ސްޓޭޓްސް، ފްރާންސް، ސްޕެއިން އަދި އޮސްޓްރޭލިޔާއިން ފާހަގަކުރެވޭ ކުރިއެރުމެއް ފެނިފައިވެއެވެ.
ރިސޯޓުތަކަކީ 73.4 އިންސައްތަ ފަތުރުވެރިން ހޭދަކުރި ތަންތަން ކަމުގައި ވީއިރު، ގެސްޓް ހައުސް ތަކުގައި 21.9 އިންސައްތަ ފަތުރުވެރިން ޗުއްޗީ ހޭދަކޮށްފައިވެއެވެ. ސެޕްޓެމްބަރު މަސް ފެށުނު އިރު، މުޅި ރާއްޖޭގައި 66,551 އެނދު އޮޕަރޭޓް ކުރަމުން ގެންދާއިރު، 1,267 ފަތުރުވެރިކަމުގެ ޚިދުމަތްދޭ ތަންތަން ހިންގަމުން ގެންދެއެވެ.
