2025 ވަނަ އަހަރުގެ ޖޫން މަހު، ދިވެހިރާއްޖެ އަށް 141,772 ފަތުރުވެރިން ޒިޔާރަތް ކޮށްފިއެވެ.

މިއީ 2024 ވަނަ އަހަރުގެ ޖޫން މަހާ އަޅާބަލާއިރު 15% އިތުރުވުމެކެވެ.

އަދި ހަމައެއާއެކު، ޖުމްލަ ފަތުރުވެރިންގެ ބެޑް ނައިޓްސް ވެސް 13% އިތުރުވެފައިވެ އެވެ.

ޖޫން މަހުގެ ތެރޭގައި، ރިސޯޓުތަކުގެ ބެޑް ނައިޓްސް 10% އަށް އިތުރު ވެފައި ވާއިރު، ގެސްޓް ހައުސްތަކުގެ ބެޑް ނައިޓްސް 24% އިތުރު ވެފައި ވެއެވެ.

ފަތުރުވެރިންގެ އަދަދު އިތުރު ވެފައި ވަނީ މައިގަނޑު ގޮތެއްގައި ޔޫރަޕްގެ މައި މާކެޓްތަކުން އައި ފަތުރުވެރިންގެ ސަބަބުންނެވެ. މި މަހުގެ ތެރޭގައި، އެންމެ ގިނަ ފަތުރުވެރިން އައިސްފައި ވަނީ ޗައިނާ، ރަޝިޔާ، އިންޑިޔާ، އިނގިރޭސި ވިލާތް އަދި ޖަރުމަނު ވިލާތުންނެވެ.

އޮކިއުޕަންސީ ރޭޓް 2024 ވަނަ އަހަރުގެ ޖޫން މަހުގެ 40% އިން 2025 ވަނަ އަހަރުގެ ޖޫން މަހު 43% އަށް އިތުރު ވެފައި ވެއެވެ.

އަހަރު ދުވަހަކަށް ބަލާއިރު 2025 ވަނަ އަހަރުގެ ޖޫން މަހާ ހަމައަށް ބޭނުން ކުރާ އެނދުގެ އަދަދު 2674 އިތުރުވެފައި ވެއެވެ.

ޖުމްލަ ގޮތެއްގައި، 2025 ވަނަ އަހަރުގެ ޖަނަވަރީ މަހުން ޖޫން މަހަށް، ޖުމްލަ ފަތުރުވެރިންގެ އަދަދު އަހަރަކަށް ބަލާއިރު 9% އިތުރު ވެފައި ވާއިރު، ޖުމްލަ ބެޑް ނައިޓްސް 1% އިތުރު ވެފައި ވެއެވެ. މި މުއްދަތުގެ ތެރޭގައި، ފަތުރުވެރިން ހޭދަ ކުރާ ދުވަހުގެ އެވްރެޖް މުއްދަތު 2024 ވަނަ އަހަރު ހުރި 7.6 ދުވަހުން، 2025 ވަނަ އަހަރު 6.8 ދުވަހަށް ވަނީ ދަށްވެފައެވެ.