އީރާނުގެ ރިވޮލިއުޝަން ގާޑް ކޯޕްސް (އައި.އާރް.ޖީ.ސީ) އިން އެ ޤައުމުގެ ސަރުކާރުގެ މީޑިއާ މެދުވެރިކޮށް ބުނެފައި ވަނީ "ހައިފާ އަދި ތެލް އަވީވް ސިޓީތަކުގައި ހުރި އަސްކަރީ އަމާޒުތަކާއި އަސްކަރީ ސިނާޢަތާ ގުޅުންހުރި ސިނާޢީ މަރުކަޒުތަކަށް މިސައިލް އާއި ޑްރޯން ބޭނުން ކޮށްގެން އައު ބުރެއްގެ ހަމަލާތައް ފަށައިފި" ކަމަށެވެ.

އެ ފަރާތުން ބުނެފައިވަނީ 100 އަށް ވުރެ ގިނަ ބާވަތުގެ ހަނގުރާމަވެރި އަދި ފިދާއީ ޑްރޯން ބޭނުން ކޮށްގެން އަސްކަރީ އަމާޒުތަކަށް، ޚާއްޞަކޮށް ހައިފާ އަދި ތެލް އަވީވްގައި ހުރި ވައިގެ ދިފާޢީ ނިޒާމުތަކަށް ހަމަލާދިނުން ކުރިއަށްދާ ކަމަށެވެ.

ބުރާސްފަތި ދުވަހު ހަވީރު އާންމު ކުރި އެ މެސެޖު ނިންމާލާފައި ވަނީ އިސްރާއީލުގެ އަސްކަރީ އަދި އަސްކަރީ ސިނާޢަތާ ބެހޭ އަމާޒު ތަކަށް މިސައިލް ހަމަލާތައް އިތުރަށް ހަރުކަށި ކުރާނެ ކަމުގެ އިންޒާރަކާ އެކުގައެވެ.