އިސްރާއީލުން އީރާނަށް އަލުން ހަމަލާދޭން ފަށައިފި
ހުކުރު ދުވަހު އިސްރާއީލުގެ ހަމަލާއަކާ އެކު އީރާނުގެ ހުޅަނގު އުތުރުގައި އޮންނަ ތަބްރީޒް އެއަރޕޯޓުގައި އަލިފާން ރޯވެއްޖެ ކަމަށް އީރާނުގެ މީޑިއާއިން ބުނެފައިވެއެވެ.
ތެހެރާން އަށް އިސްރާއީލުން ދިން ހަމަލާތަކުގައި ހަލާކުވެފައިވާ އެއްގަމު އުޅަނދުތަކެއް - ޖޫން 13، 2025
އިސްރާއީލުން ހުކުރު ދުވަހު އީރާނުގެ މެދުތެރޭގައި ހުރި މުހިންމު ބިމުއަޑީގެ ޔުރޭނިއަމް މުއްސަނދިކުރާ ތަނަކަށް އަލުން ހަމަލާ ދީފިކަމަށް އީރާނުގެ ސަރުކާރުގެ މީޑިއާއިން ރިޕޯޓު ކޮށްފިއެވެ.
"މިނެޓުތަކެއް ކުރިން، ޒަޔަނިސްޓް ދައުލަތުން ނަތަންޒަށް އަނެއްކާވެސް ހަމަލާ ދީފިއެވެ،" ސަރުކާރުގެ މީޑިއާ އިން ބުނެފައިވެއެވެ.
ހުކުުރު ދުވަހުގެ ފަތިހު އިސްރާއީލުން ގިނަ ސަރަހައްދު ތަކަކަށް ހަމަލާ ދީފައި ވަނިކޮށް، ހުކުރު ދުވަހު އީރާނުގެ ހުޅަނގު އުތުރުގައި އަލުން ގޮވުމުގެ އަޑުތަކެއް އިވުނު ކަމަށް ސަރުކާރުގެ ޓީވީ އިން ރިޕޯޓު ކުރިއެވެ.
"މިނެޓުތަކެއް ކުރިން، އީސްޓް އަޒަރްބައިޖާނުގައި އަލުން ގޮވުމުގެ އަޑުތަކެއް އިވުނެވެ،" ރަސްމީ ޓީވީން ބުނެފައިވެއެވެ.
ތަސްނީމް ނިއުސް އޭޖެންސީން ބުނެފައިވަނީ ކުރިން ދިން ހަމަލާތަކުގައި އެ ސަރަޙައްދުގެ 10 ތަނަކަށް ހަމަލާދީ، މަދުވެގެން 3 މީހުން މަރުވެފައިވާ ކަމަށެވެ.
ހުކުރު ދުވަހު އިސްރާއީލުގެ ހަމަލާއަކާ އެކު އީރާނުގެ ހުޅަނގު އުތުރުގައި އޮންނަ ތަބްރީޒް އެއަރޕޯޓުގައި އަލިފާން ރޯވެއްޖެ ކަމަށް އީރާނުގެ މީޑިއާ އިން ބުނެފައިވެއެވެ.
މެހްރު ނިއުސް އޭޖެންސީން އީސްޓް އަޒަރްބައިޖާން ސަރަޙައްދުގައި ހުރި އެއަރޕޯޓުން އަލިފާނާއި ދުން އަރާ ވީޑިއޯއެއް ޝާއިޢުކޮށްފައިވެއެވެ.
