އީރާނުން އެތައް ސަތޭކަ ޑްރޯނެއް އިސްރާއީލަށް އަމާޒު ކޮށް ދޫކޮށްލައިފި
އީރާނުން އިސްރާއީލަށް އަމާޒު ކޮށް ފޮނުވި ބައެއް ޑްރޯންތަކަށް އުރުދުންގެ ވައިގެ ސަރަހައްދުން އެ ގައުމުން ވަނީ ހުރަސް އަޅާފައެވެ.
އިސްރާއީލުގެ ހަމަލާ އެއް އަމާޒުވި ތެހެރާނުގެ އިމާރާތެއްގައި ފަޔާ ފައިޓިން ޓީމުތައް ހަރަކާތްތެރިވަނީ - .ޖޫން 13، 2025
އީރާނުން އެތައް ސަތޭކަ ޑްރޯނެއް އިސްރާއީލަށް އަމާޒު ކޮށް ދޫކޮށްލައިފިއެވެ.
އިސްރާއީލުގެ ސިފައިންގެ އިސް އޮފިޝަލެއް ހުކުރު ދުވަހު ބުނި ގޮތުގައި، އީރާނުން ދޫކޮށްފައިވާ ޑްރޯންތައް އިސްރާއީލުގެ ސަރަޙައްދުން ބޭރުގައި އިންޓަސެޕްޓް ކުރަން ސިފައިން ވަނީ ފަށާފައެވެ.
"(އިސްރާއީލުގެ ސިފައިން) އީރާނުން ދޫކޮށްފައިވާ ޔޫއޭވީތައް އިސްރާއީލުގެ ސަރަޙައްދުން ބޭރުގައި އިންޓަސެޕްޓް ކުރަން ފަށައިފިއެވެ،" ސިފައިންގެ އޮފިޝަލް ބަޔާނެއްގައި ބުނެފައިވެއެވެ.
އިސްރާއީލުން އީރާނުގެ ނިއުކްލިއަރ ފެސިލިޓީތަކާއި، ބެލިސްޓިކް މިސައިލް ފެކްޓަރީތަކާއި، ސިފައިންގެ ކޮމާންޑަރުންނަށް އަމާޒުކޮށް ފުރާނައަށް ނުރައްކާވާފަދަ ޙަމަލާތަކެއް އިސްރާއީލުން ވަނީ ދީފައެވެ.
އިސްރާއީލުގެ ޙަމަލާތަކަށް ބަދަލު ހިފުމުގައި "އެއްވެސް ހުދޫދެއް ނޯންނާނެ" ކަމަށް އީރާނުން ވަނީ ބުނެފައެވެ.
އީރާނުން އިސްރާއީލަށް އަމާޒު ކޮށް ފޮނުވި ބައެއް ޑްރޯންތަކަށް އުރުދުންގެ ވައިގެ ސަރަހައްދުން އެ ގައުމުން ވަނީ ހުރަސް އަޅާފައެވެ.
"ހުކުރު ދުވަހުގެ ހެނދުނު އުރުދުންގެ ވައިގެ ސަރަޙައްދަށް ވަދެފައިވާ ގިނަ އަދަދެއްގެ މިސައިލްތަކާއި ޑްރޯންތައް ރޯޔަލް އެއަރ ފޯސްގެ މަތިންދާ ބޯޓުތަކާއި ވައިގެ ދިފާޢީ ނިޒާމުތަކުން އިންޓަސެޕްޓް ކުރެވުނެވެ،" ސިފައިންގެ ބަޔާނެއްގައި ބުންޏެވެ.
ހުކުރު ދުވަހު އިސްރާއީލުން އީރާނަށް ދިން ޙަމަލާތަކުގައި ޖުމްލަ 200 ޖެޓް ބައިވެރިވެ، ގާތްގަނޑަކަށް 100 އަމާޒަކަށް ޙަމަލާ ދިން ކަމަށް އިސްރާއީލުން ބުނެފައިވެއެވެ.
