ގުޑް ގޭމްސް އިން ފްލެކްސާގެ މައްޗަށް ކުރި ހޯދައިފި

މިހާރު ކުރިއަށްދާ ޤައުމީ ވޮލީ ބޯޅަ ލީގުގައި ފްލެކްސާ ސްޕޯޓްސް ކުލަބާ ދެކޮޅަށް ކުޅުނު މެޗުން، ގުޑް ގޭމްސް ސްޕޯޓްސް އެކަޑަމީ މޮޅުވެއްޖެ އެވެ.

ޒުވާނުންގެ މަރުކަޒުގެ އެތެރޭ ކޯޓުގައި ހުކުރު ދުވަހުގެ ރޭ ކުޅުނު މެޗު ގުޑް ގޭމްސް އިން ކާމިޔާބު ކޮށްފައި ވަނީ ތިން ސެޓު ދެ ސެޓުންނެވެ.

މެޗުގެ ފުރަތަމަ ސެޓު ފްލެކްސާ އިން ކާމިޔާބު ކޮށްފައި ވަނިކޮށް، ގުޑް ގޭމްސް އިން ވަނީ ޖެހިގެން ކުޅުނު ދެ ސެޓު ވެސް ކާމިޔާބު ކޮށްފަ އެވެ. ނަމަވެސް ފްލެކްސާ އިން ހަތަރު ވަނަ ސެޓު ކާމިޔާބު ކުރިއިރު، ނަތީޖާ ނެރުމަށް ކުޅުނު ފަސް ވަނަ ސެޓު ގުޑް ގޭމްސް އިން ވަނީ ކާމިޔާބު ކޮށްފަ އެވެ.

މެެޗުގެ ފުރަތަމަ ސެޓު ފްލެކްސާ އިން ކާމިޔާބު ކުރީ 25-20 އިންނެވެ. ނަމަވެސް، ގުޑް ގޭމްސް އިން ވަނީ 16-25 އިން ދެ ވަނަ ސެޓު ކާމިޔާބު ކޮށްފަ އެވެ. އަދި ތިން ވަނަ ސެޓު ކާމިޔާބު ކުރީ 24-26 އިންނެވެ.

ނަމަވެސް، ފްލެކްސާ އިން ވަނީ 25-20 އިން ހަތަރު ވަނަ ސެޓު ކާމިޔާބުކޮށް، ސެޓުގެ ގޮތުން ހަމަހަމަ ކޮށްފަ އެވެ. ނަތީޖާ ނެރުމަށް ކުޅުނު ފަސް ސެޓުގައި ވާދަވެރި ކުޅުމެއް ފެނުނުއިރު، މި ސެޓު ފްލެކްސާ އިން ކާމިޔާބު ކުރީ 14-16 އިންނެވެ.

މެޗުގެ މޮޅު ކުޅުންތެރިޔަކަށް ހޮވުނީ ފްލެކްސާގެ ރޯލީ ޕަތަކް އެވެ.

ލީގުގައި ކުޅުނު ފަސް މެޗުން ލިބުނު ހަތް ޕޮއިންޓާ އެކު ފްލެކްސާ އޮތީ ތިން ވަނައިގަ އެވެ.