އިނގިރޭސި ބޮޑުވަޒީރު ކީރ ސްޓާމަރ އާދީއްތަ ދުވަހު ވިދާޅުވި ގޮތުގައި، ޔުކްރެއިންގެ ސުލްހައިގެ ޕްލޭނެއް އެކުލަވާލައި އެމެރިކާއަށް ހުށަހެޅުމަށް ޔޫރަޕިއަން ލީޑަރުން އެއްބަސްވެއްޖެއެވެ.

މިއީ ކުރިމަގުގައި ރަޝިއާ ގެ ހަމަލާ އަކުން ރައްކަތެރި ކަން ހޯދުމަށް ކީވްއަށް ބޭނުންވާ ސެކިއުރިޓީ ގެރެންޓީތައް ވޮޝިންގްޓަނުން ހޯމަށް އެޅޭ މުހިންމު ފިޔަވަޅެއް ކަމަށް ރިޕޯޓުތައް ބުނެއެވެ.

ވުލޮޑިމިރ ޒެލެންސްކީ އާއި އެމެރިކާގެ ރައީސް ޑޮނަލްޑް ޓްރަމްޕް އާ ދެމެދު ހިނގި ޒުވާބަކަށް ފަހު ވޮޝިންގްޓަންގެ ދަތުރު ކުރުކޮށްލުމަށްފަހު، ދެ ދުވަސް ފަހުން ލަންޑަންގައި ބޭއްވުނު ޔުކްރެއިން އާ ބެހޭ ސަމިޓެއްގައި ބައިވެރިވެވަޑައިގަތުމަށް ޒެލެންސްކީ ވަޑައިގަތުމުން ޔޫރަޕިއަން ލީޑަރުން ޔޫކްރެއިންގެ ރައީސަށް ހޫނު މަރުހަބާއެއް ވަނީ ވިދާޅުވެފައެވެ.

ސްޓާމަރ ވިދާޅުވި ގޮތުގައި، ޔޫކޭ، ޔުކްރެއިން، ފްރާންސް އަދި އެހެން ބައެއް ގައުމުތަކުން "ކަން ކުރަން ބޭނުންވާ އިއްތިހާދެއް" އުފައްދައި، ސުލްހައިގެ ޕްލޭނެއް އެކުލަވާލައި ޓްރަމްޕަށް ހުށަހަޅާނެއެވެ. މި ޕްލޭނުގެ ތަފްސީލްތައް ހާމަ ނުކުރި ނަމަވެސް، ފްރާންސްގެ ރައީސް އެމެނުއެލް މެކްރޯން ވިދާޅުވި ގޮތުގައި މި ޕްލޭނުގައި އެއް މަސް ދުވަހުގެ މުައްދަތަކަށް ވަގުތީ ވައިގެ މަގުންނާއި ކަނޑުގެ މަގުން ހަމަލާތައް ދިނުން ހުއްޓުން ހިމެނޭނެއެވެ. އެހެން ނަމަވެސް އެއްގަމު މަގުން ދޭ ހަމަލާތައް ޕްލޭންގައި ހިމެނިފައެއް ނުވެއެވެ.

ސަމިޓަށްފަހު ޒެލެންސްކީ ވިދާޅުވި ގޮތުގައި، އޭނާ ލަންޑަނުން ފުރާވަޑައިގަތީ "ޔޫރަޕްގެ ސާފު އެއްބާރުލުމާއެކު" އެވެ. އަދި އެއްބާރުލުން ލިބޭނެ ކަމުގެ ޔަގީން ކަމާ އެކުގައެވެ.

ނަމަވެސް، އޭނާ ސާފުކޮށް ވިދާޅުވި ގޮތުގައި ސުލްހައިގެ އެއްބަސްވުމެއްގެ ދަށުން ޔުކްރެއިންގެ އެއްވެސް ސަރަހައްދެއް ރަޝިއާ އަށް ދޫކޮށްނުލާނެއެވެ.