މާލެންގެ ލަނޑުން ޑޯޓްމަންޑު މޮޅުވެއްޖެ

ޔުއެފާ ޗެމްޕިއަންސް ލީގުގައި ސްޓާމް ގްރޭޒްއާ ދެކޮޅަށް ކުޅުނު މެޗުން ބޮރޫޝިއާ ޑޯޓްމަންޑު މޮޅުވެއްޖެ އެވެ.

ޑޯޓްމަންޑުގެ އަމިއްލަ ދަނޑުގައި ކުޅުނު މެޗު އެ ޓީމުން ކާމިޔާބު ކުރީ 1-0 އިންނެވެ. މެޗުގައި ޑޯޓްމަންޑުން ލަނޑު ޖެހީ ފަހު ހާފުގަ އެވެ.

މެޗުގައި ރަނގަޅަށް ކުޅުނު ޑޯޓްމަންޑުން ވަނީ ފުރަތަމަ ހާފުގައި ވެސް ލަނޑު ޖަހަން ފުރުސަތުތަކެއް ތަނަވަސްކޮށްފަ އެވެ. އެގޮތުން ޑޯޓްމަންޑުގެ ހޫލިއަން ބްރާންޓް އަށް ވަނީ ލަނޑު ޖަހަން ފުރުސަތު ލިބިފަ އެވެ. އޭގެ ފަހުން ފުރަތަމަ ހާފު ނިމުމުގެ ކުރިން ޑޯޓްމަންޑުގެ މާސެލް ސަބިޓްޒާ އަށް ވެސް ވަނީ ލަނޑު ޖަހަން ފުރުސަތު ލިިބިފަ އެވެ.

މެޗުން ޑޯޓްމަންޑު މޮޅުވީ ބަދަލު ކުޅުންތެރިޔެއްގެ ގޮތުގައި ކުޅެން ނިކުތް ޑޮންޔެލް މާލެން ޖެހި ލަނޑުންނެވެ. ސަބިޓްޒާގެ ބަދަލުގައި އޭނާ ކުޅެން ނިކުތީ ވެސް ދެ ވަނަ ހާފުގަ އެވެ. އޭގެ ފަހުން މެޗުގެ މެޗުގެ ފުރިހަމަ ވަގުތު ހަމަވާން ފަސް މިނެޓަށް ވެފައި ވަނިކޮށް އޭނާާ ލަނޑު ޖެހީ ސާހޯ ގުރާސީ ތަނަވަސްކޮށްދިން ފުރުސަތެއްގަ އެވެ.

މޮޅާއެކު ޑޯޓްމަންޑު އޮތީ ހަތަރު ވަނައިގަ އެވެ. އެއީ މިހާތަނަށް އެ ޓީމު ކުޅުނު ހަތަރު މެޗުން ނުވަ ޕޮއިންޓު ހޯދައިގެންނެވެ. ހަތަރު މެޗުގެ ތެރެއިން ޑޯޓްމަންޑު ވަނީ ތިން މެޗުން މޮޅުވެފަ އެވެ. އެއް މެޗުން އެ ޓީމު ވަނީ ބަލިވެފަ އެވެ.