ޒުވާން ފެތުންތެރިން ކަމަށްވާ، އަމްނާ ތަޒްކިޔާ މިރުޞާދު، އިޒްޔާން ނާޒިމް، މިރާލް ޢައިން ލަތީފް އަދި މުޙައްމަދު ރިޙާން ޝިހާމް ޤައުމީ ރެކޯޑު އައު ކޮށްފި އެވެ.

މިފެތުންތެރިން ޤައުމީ ރެކޯޑު އައު ކޮށްފައި ވަނީ އޭޝިއަން އޯޕަން ސްކޫލްސް އިންވިޓޭޝަނަލް (އޭއޯއެސްއައި) ގައި ވާދަކޮށެވެ. ތައިލެންޑުގައި ކުރިއަށް ދިޔަ އެ މުބާރާތުގައި ތަޒްކިޔާ ވަނީ ޤައުމީ ހަތަރު ރެކޯޑެއް އައު ކޮށްފަ އެވެ. އިޒްޔާން ދެ ރެކޯޑު އައު ކޮށްފައިވާއިރު، މެރާލް ވަނީ ހަތަރު ރެކޯޑެއް އައު ކޮށްފަ އެވެ. އަދި ރިހާން ވަނީ ހަ ރެކޯޑެއް އައު ކޮށްފަ އެވެ.

ތަޒްކިޔާ އައު ކޮށްފައި ވަނީ އަންހެނުންގެ ޝޯޓްކޯސް 100 މީޓަރު ފްރީސްޓައިލް އިވެންޓުގެ ޤައުމީ ރެކޯޑު، އަންހެނުންގެ ޝޯޓްކޯސް 200 މީޓަރު ފްރީސްޓައިލް އިވެންޓުގެ ޤައުމީ ރެކޯޑު، އަންހެނުންގެ ޝޯޓްކޯސް 50 މީޓަރު ފްރީސްޓައިލް އިވެންޓުގެ ޤައުމީ ރެކޯޑު އަދި އަންހެނުންގެ ޝޯޓްކޯސް 200 މީޓަރު އިންޑިވިޖުއަލް މެޑްލޭ އިވެންޓުގެ ޤައުމީ ރެކޯޑު އެވެ.

އިޒްޔާން އައު ކޮށްފައި ވަނީ ފިރިހެނުންގެ ޝޯޓްކޯސް 100 މީޓަރު ބްރެސްޓްސްޓްރޯކް އިވެންޓުގެ ޤައުމީ ރެކޯޑު އަދި ފިރިހެނުންގެ ޝޯޓްކޯސް 200 މީޓަރ ބްރެސްޓްސްޓްރޯކް އިވެންޓުގެ ޤައުމީ ރެކޯޑު އެވެ.

މެރާލް އައު ކޮށްފައި ވަނީ އަންހެނުންގެ ޝޯޓްކޯސް 100 މީޓަރު ބަޓަފްލައި އިވެންޓުގެ ޤައުމީ ރެކޯޑު، އަންހެނުންގެ ޝޯޓްކޯސް 200 މީޓަރު ބަޓަފްލައި އިވެންޓުގެ ޤައުމީ ރެކޯޑު، އަންހެނުންގެ ޝޯޓްކޯސް 50 މީޓަރު ބަޓަފްލައި އިވެންޓުގެ ޤައުމީ ރެކޯޑު އަދި އަންހެނުންގެ ޝޯޓްކޯސް 100 މީޓަރ އިންޑިވިޖުއަލް މެޑްލޭ އިވެންޓުގެ ޤައުމީ ރެކޯޑު އެވެ.

ރިހާން އައު ކޮށްފައި ވަނީ ފިރިހެނުންގެ ޝޯޓްކޯސް 100 މީޓަރު ބެކްސްޓްރޯކް އިވެންޓުގެ ޤައުމީ ރެކޯޑު، ފިރިހެނުންގެ ޝޯޓްކޯސް 50 މީޓަރު ބެކްސްޓްރޯކް އިވެންޓުގެ ޤައުމީ ރެކޯޑު، ފިރިހެނުންގެ ޝޯޓްކޯސް 100 މީޓަރު ބަޓަފްލައި އިވެންޓުގެ ޤައުމީ ރެކޯޑު، ފިރިހެނުންގެ ޝޯޓްކޯސް 200 މީޓަރު ބަޓަފްލައި އިވެންޓުގެ ޤައުމީ ރެކޯޑު، ފިރިހެނުންގެ ޝޯޓްކޯސް 50 މީޓަރު ބަޓަފްލައި އިވެންޓުގެ ޤައުމީ ރެކޯޑު އަދި ފިރިހެނުންގެ ޝޯޓްކޯސް 200 މީޓަރު ފްރީސްޓައިލް އިވެންޓުގެ ޤައުމީ ރެކޯޑު އެވެ.