ޖޯލި މޯލްޑިވްސް ބަލިކޮށް, އިތާ އިންޓަރ ރިސޯރޓް ވޮލީބޯޅަ މުބާރާތުގެ ޗެމްޕިއަންކަން ޖޯލި ބީން ދިފާއު ކޮށްފިއެވެ. ޖޯލި ބީން ޗެމްޕިއަންކަން ހޯދީ ފައިނަލް މެޗު 3-1 ސެޓުން ކާމިޔާބުކޮށްގެންނެވެ.
މިދިޔަ އަހަރު ބޭއްވި ފުރަތަމަ މުބާރާތުގެ ޗެމްޕިއަންކަން ހޯދީވެސް ޖޯލި ބީން ބޮޑުފުއްޓެވެ. ރ.މީދޫ ވޮލީބޯޅަ ކޯޓްގައި ކުޅުނު ފައިނަލް މެޗު ޖޯލި ބީން ގެންދިޔައީ ފުރަތަމަ ސެޓް ޖޯލި މޯލްޑިވްސް ގެންފޮސްފައި ވަނިކޮށެވެ. މެޗުގެ ސެޓްތައް ގެންދިޔައީ 17-25, 25-22, 25-23 އަދި 25-12 ނެވެ. ފައިނަލް މެޗުގެ މޮޅު ކުޅުންތެރިއަކީ ޖޯލި ބީންގެ ޝެހާން އެވެ. މުބާރާތުގެ ވަނަތަކަށް ހޮވުނު ކުޅުންތެރިންނަކީ:-
- މުބާރާތުގެ ބެސްޓް އައުޓްސައިޑް އެޓޭކަރ ޖޯލި މޯލްޑިވްސްގެ ތަރިންދު ލަކްމަލް.
- ސެކަންޑް ބެސްޓް އައުޓްސައިޑް އެޓޭކަރ ޖޯލި ބީންގެ ޝެހާން.
- ބެސްޓް މިދްލް ބްލޮކަރ ޖޯލި ބީންގެ ސަޖިތު ލާހިރު.
- ސެކަންޑް ބެސްޓް މިޑްލް ބްލޮކަރ ޖޯލި ބީންގެ އަސްލަމް އިސްހާގު.
- އެންމެ މޮޅު ސެޓަރ ޖޯލި ބީންގެ ސާޖިދު ރަޝީދު.
- ބެސްޓް އޮޕޮސިޓް ކުޅުންތެރިއަކީ ކުޑަފުށީގެ އަމީލާ ރޯޝަން އުދަޔަންގާ.
- އެންމެ މޮޅު ލިބަރޯއަކީ ޖޯލި ބީންގެ ޝަރޫފް ޝާއިރު.
- މުބާރާތުގެ އެންމެ މޮޅު ޒުވާން ކުޅުންތެރިއަކީ ޖޯލި ބީންގެ އިޔާން އަލީ.
- މުޅި މުބާރާތުގެ އެންމެ މޮޅު ކުޅުންތެރިއަކީ ޖޯލި މޯލްޑިވްސްގެ ތަރިންދު ލަކްމަލް.
- އެންމެ މޮޅު ކޯޗަކީ ޖޯލި ބީންގެ ކޯޗު މުޙައްމަދު ޝަރަފް.
މިއީ ރ.މީދޫ އެކުވެރި ކްލަބުން އެއަތޮޅުގެ ރިސޯރޓްތަކަށް ހުޅުވާލައިގެން ބޭއްވި މުބާރާތެކެވެ. މީދޫގައި ކުރިއަށްގެންދިޔަ މުބާރާތުގައި 8 ރިސޯރޓުން ވާދަކުރިއެވެ.
